Hiɓu 8:3 - WƆŊ FƐ̀Ì EBÒ SÌÀŊ DAYÀA

³ Wo Kanaà Dayà naŋ wa tà wo kànà sìèfèìŋ zòòlo gbee gbiŋ ɗùù wèè wo kiɛ̀ŋ manɛ̀ŋ kìɛŋ, yaà maŋ ɗolònɛ̀ŋ e saaà gèeo sùà koɓɛ̀ Dayài, weètii wo Kànà Sìèfèìŋ Zòòlo Gbee wiɔ̀ Jisɛ̀ Kulaì, kuwa wo kìɛ̀ŋ e nɛ̀ŋ bà wuŋ pɛɛ.

Hiɓu 8:3 ပူးပေါင်းရင်းမြစ်များ

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Luùm 4:25

Wèè esàɓù maŋ jùumù wi màŋ, wo Dayà naŋ wa kìɛ̀ŋ wo Jisɛ̀ koɓɛ̀ anyuùŋ naanààŋ wèè auŋ jìwà, yèè wò nauŋ gè e fàaà dìì wɔŋ nyiiŋ gèeo sùà, wèè e nyɛ̀nɛ̀ŋ wo Dayà wo wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ.

Luùm 5:6

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

Luùm 5:8

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 5:1

Wo kànà sìèfèìŋ zòòlo gbee gbiŋ, wo Dayà nauŋ tàeɗùù wèè wo tomo wèè anyuùŋ joo, yèè wèè wo hiàŋ manɛ̀ŋ kìɛŋ e saaà gèe sùà wèè wo Dayà juuyà maŋ jùùmù anyunùuŋ nyàŋ hakɛ̀.

Hiɓu 7:27

Wo fè mààŋ àŋ kànà sìèfèìŋ zòòlo gbànaŋ nyàŋ. Wo kuwà èsaɓù bà wèè wo gè màŋ saaà kè ɗɔɔ gbiŋ wèè maŋ jùùmù wuŋ bi màŋ jiɛ̀ yèèngàà wò gè ɓɛìŋ è saaà wèè màŋ jùùmù ànyuùŋ gbànaŋ nyàŋ. Wò naŋ wa gè e sàà ɗì guùŋ e sùà guùŋ yèè wèè anyùùŋ nyaŋ gbiŋ, e teengaà wò naŋ wa gììyè wuŋ bi saaà lɛ.

Hiɓu 8:4

Sèè wò go weè nɔ̀ŋ e ɗuunyaàŋ, wo naàŋ weè nɔ̀ŋ wò sìèfèìŋ zòòlo gbiŋ, nààŋ aŋ sìèfèìŋ zòòlo kòò àŋ yaà kià aŋ yè nyaŋ kiɛ̀ŋ manɛ̀ŋ kìɛŋ e saaà gèeo sùà koɓɛ̀ Dayài nààŋ ke Sàwà Dayàa naŋ tɔɔ̀ wèè aŋ nyɛ̀nɛ̀ŋ lɛ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.