Hiɓu 8:2 - WƆŊ FƐ̀Ì EBÒ SÌÀŊ DAYÀA

² Wò yaà wo ɓɔìjɔ̀à wèè wo Dayà, e kìlà wuŋ nàŋ yaà kànà sìèfèìŋ zòòlo gbeeɔ̀ wèè ko Nɛ̀nɛ̀ŋ Nɛɛmaŋ Gbeeì wèè Dayà, ke vààyà saaŋ kɛnɛɛ̀ dìì ke yèɛ wo Kanaà Dayà naŋ wa nyɛ̀lɛ̀ yɛ. Anyuùŋ kpùuŋ nàŋ gò nyiŋ wa nyɛ̀lɛ̀.

Hiɓu 8:2 ပူးပေါင်းရင်းမြစ်များ

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Luùm 15:8

Tɔ̀ miŋ woòiŋ e tɔɔɓaaà kɛ̀, wo Jisɛ̀ Kulaì naŋ hnè wèè wo wa nɔ̀ŋ wo ɓɔìjɔ̀à tòmo wèè aŋ Juùù nyaŋ àŋ naŋ wa jàà kpùa nyàŋ, wèè wo tɔɔ̀ kɛ̀ wo Dayà yaà e tɔ̀ɔ̀nyaàŋ sùà wèè e ɗààhiìɛ wò naŋ wa ɓemè koɓɛ̀ aŋ nèwàènèwè nyiŋ nyàŋ lɛ e hɛɛnɛ̀ŋ,

2 Kɔliìŋ 5:1

Èiŋ nyìmàŋ kɛ̀ ke saaŋ yɛɛ̀ è yààìŋ yɛi dìì le tèènè mààŋ kè kpùnaŋ wiɛ̀, sèè kè gɔɛ gɔ̀ɛ̀, è kùwàìŋ ke saaŋ e yìwìà Dayà sìwè. Ke saaŋ gò nyìlìà lè sìwè kè yaà ke saaŋ wèè julɔfɔ ko àìjɛnɛ̀ŋ.

Kòlo 2:11

Nààŋ nìŋ yaà wa aŋ bàiŋbà wo Jisɛ̀ Kulaì sùà e teengaà àŋ naiŋ jàà kpùa lɛ̀, miŋ fè wòò è kèè kè kpùà jàà nyuùŋkpùuŋ wèè wɔ̀ŋ kɔɔiŋ nɔɔ̀ŋ, kɛɛ ke kpùa jàaà wo Jisɛ̀ Kulaì naŋ wa kɔ̀ɔ̀ feìŋ lɛ, e yèɛ e nyaàiŋ naŋ dè e ɗeweɛ̀ wò naiŋ wa bilɛ̀ŋ e yìwìà e gààŋ ke kpèè maŋ jùumù dìì lɛ.

Hiɓu 10:11

Wo sìèfèìŋ zòòlo gbiŋ wo yèɔ yaà wo Juùù nyuuŋ wɔ, nyɛnɛŋ e tòmouŋ nɛ̀ ke ɗɔɔ gbiŋ, e kìlà wo fè manɛ̀ŋ kìɛŋ e saaà gèeo sùà e teenga zimgbe. Kɛɛ maŋ saaà gèe mɛɛ̀ŋ fè gùà màŋ jùùmù nyùùŋ gbiŋ.

Hiɓu 10:21

È kùwàìŋ wo sìèfèìŋ zòòlo gbee wo yèɔ sia kè sààŋ Dayàa feìŋ ko àìjɛnɛ̀ŋ wɔ.

Hiɓu 11:10

Wo Eɓulɔhɛɛ̀ŋ yaà wa fùlìè e jawa gbeeɛ̀ wo Dayà naŋ wa ɗèwè kii niŋ yèè wò naŋ nyɛ̀lɛ̀ lɛ, e jawa kùwìè ko tɔɔtu nyìngàà sùà.

Hiɓu 9:1

E ɗààhìì mìèsùàguùŋ jiɛ̀jiɛ̀ɛ kuwa wa maŋ sàwà e nyaàiŋ dè e ɗèwè kìì zòòlo yaà koɓɛ̀i àŋ naŋ banè wèè zòòlò lɛ̀.

Maŋ kèì nyɛɛnɛŋ 21:3

Mìŋ naŋ kòmò ke mìè kpàaŋ e yìwìà koɓɛ̀ ke kpùà kanaà kè naŋ woò wààŋ, “Ke vààyà Dayàa do nàŋ nɔ̀ŋ koɓɛ̀ anyunùuŋ nyàŋ! Wò do nàŋ nɔ̀ŋ ko nɛ̀ɛ̀ŋ nyiŋ niìŋ, yèè àŋ do nàŋ nɔ̀ŋ anyunùuŋ nyàŋ. Wo Dayà wuŋ bi do nyiŋ nàŋ nɔ̀ŋ e tɛɛ, yèè wuŋ nàŋ do nàŋ nɔ̀ŋ wo Dayà nyiŋ nɔɔ̀ŋ.