Hiɓu 8:13 - WƆŊ FƐ̀Ì EBÒ SÌÀŊ DAYÀA

¹³ Nààŋ wo Kanaà Dayà naŋ wòò e kèè e ɗààhìì mìèsùàguùŋ jɛ̀ì, è naŋ tɔɔ̀ kɛ̀ e jiɛ̀jiɛ̀ɛ è jùà gààŋ. E nɛ̀ɛŋ gbiŋ zà naŋ kìlè e gɔu niŋ e kìlà è naŋ kɔlì lɛ, è do nàŋ jɔɔnɔ̀ŋ e teenga kpuu sùà.

Hiɓu 8:13 ပူးပေါင်းရင်းမြစ်များ

Maafiù 24:35

Ke nyiliɛ̀ yèè e ɗuunyaàŋ do nàŋ mààŋ, kɛɛ maŋ mìè nyaàim màŋ naàŋ wa nàwèè mààŋ.”

Luù 22:20

E ɗèwè guùŋ nɛɛ̀ sùà, nààŋ àŋ naŋ kpɛ̀ɛ̀yɛ̀ e nɛ̀ŋjè koyaà jèe, wò naŋ ɓèmè wɔŋ kpòò wààŋ, “Wɔŋ kpòò wɛɛ̀ŋ naŋ yaà maŋ sɛnìim màŋ yè maŋ naŋ hèè le fèè e mìèsùàgùùŋ jɛ̀ì Dayàa. E teenga gbiŋ nìŋ tìè miìŋ, nyɛ̀nɛìŋ niŋ ke jii jàa sùà weèim.”

1 Kɔliìŋ 13:8

E mànaŋ è yaà wèè julɔfɔ. Maŋ mìè gbòà wɛ̀ijì màŋ yaà, kɛɛ màŋ yaà nɔ̀ŋ wèè e teenga kpuu. Maŋ kìɛŋ màŋ yaà wèè nyùùŋ gbùùyà maŋ kaìŋ joo sùà, kɛɛ màŋ do nàŋ gɔ̀à dìì. E jiikɛ̀ɛ è yaà, kɛɛ è do nàŋ mààŋ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

Hiɓu 1:11

Maŋ gbiŋ do nàŋ jɔɔnɔ̀ŋ, kɛɛ mùŋ doo nàŋ joo wèè julɔfɔ. Maŋ gbiŋ do nàŋ kɔlì mààŋ maŋ dèè.

Hiɓu 12:24

Nàŋ hnàŋ koɓɛ̀ Jisɛ̀i, wo yèɔ sia e fèèmàŋ e ɗààhìì e mìèsùàgùùŋ jɛ̀ì Dayàa ko nɛ̀ɛ̀ŋ wiì wɔ. Yèè maŋ sɛiŋ nùuŋ màŋ àŋ naŋ vaaì maŋ, naŋ jɔ̀ɔ̀ e ɗààhiì kɛnɛ ko nɛ̀ɛ̀ŋ wiì e nìàŋ maŋ sɛ̀ìŋ Eɓɛ̀ɛ̀ maŋ.

Hiɓu 7:22

E fèèmàŋ keì wòo lɛɛ̀, è naŋ tɔɔ̀ kɛ̀ wo Jisɛ̀ naŋ wi kìɛ̀ŋ ke jii tùlia, kɛ̀ wò yaà e ɗààhìì e mìèsùàguùŋ kɛnɛɛ̀.

Hiɓu 8:6

Wo Dayà naàŋ tà wo Jisɛ̀ ɗùù wèè wo nyɛ̀nɛ̀ŋ e tòmò sìèfèìŋ zòòlo, e yèɛ kuwa gààŋ e nìàŋ e je nyiŋ nɛ̀, màànààŋ nɔŋ e ɗààhìì e mìèsùàguùŋ nɛ wò naŋ bànè ke sàwà diɛŋ e fèèmàŋ Dayà yaà anyunùuŋ è yaà e kɛnɛ niŋ nɛ̀, esaɓù kɛ̀ e ɗààhiì bi e nyaàiŋ naŋ dè ke jii tùlia wèè manɛ̀ŋ kɛnɛ.

Hiɓu 8:8

Kɛɛ wo Kanaà Dayà naŋ wa sìè anyunùuŋ nyàŋ jii nààŋ wò naŋ nyiŋ woò wààŋ, “Maŋ ɗɔɔ màŋ kòò màŋ yaà hinie, e teenga bi sùà mìŋ do nàŋ bànè e ɗààhìì e mìèsùàguùŋ jɛ̀ì wèè anyùùŋ nyaŋ ko Ezɔ̀ɛ̀ yaà anyùùŋ nyaŋ ko Juɗà.

Hiɓu 9:15

E wèè saɓù lɛɛ̀, wo Jisɛ̀ Kulaì nàŋ yaà wo nyùnɔ̀ɔŋ sià ke konaŋ fèemàaŋ, wo yèɔ naŋ bànè e ɗààhìì e mìèsùàguùŋ jɛ̀ì, wèè kɛ̀ aŋ yè nyaŋ wo Dayà naŋ nyààŋ nyaŋ aŋ yɛmɛ̀ e kpùùmàŋ wɔŋ nyiiŋ gèe gò jùà e yèɛ wo Dayà naŋ jɔ̀ɔ̀ ɗààhiì wèè wo kiɛ̀ŋ lɛ. Tɛɛ̀ ɓɛ̀nɛ̀ŋ kààiŋ esaɓù kɛ̀ wo Jisɛ̀ Kulaì naŋ fɔ̀, yèè tɛɛ̀ naŋ nyɛ̀nɛ̀ŋ anyùùŋ naŋ fòlò e keì dìì e yìwìà maŋ keì naanààŋ maŋ àŋ naŋ nyɛ̀nɛ̀ŋ maŋ, e teengaà e ɗààhìì mìèsùàguùŋ jiɛ̀jiɛ̀ɛ yaà wa toomo lɛ̀.