Hiɓu 7:9 - WƆŊ FƐ̀Ì EBÒ SÌÀŊ DAYÀA

⁹ Weètii èiŋ ɓɛ̀nɛ̀ŋ woò wìà, e teengaà wo Eɓulɔhɛɛ̀ŋ naŋ wa fè e nɛ̀ŋ kìɛ̀ŋ ɗì guùŋ nɛ koɓɛ̀ Mɛ̀kisiɗɛ̀i lɛ̀, è yaà nɔŋ mààŋ ke kpòò Liivaà kiŋ bi ke yèɛ yɛmɛ̀ manɛ̀ŋ kìɛ̀ŋ ɗì guùŋ maŋ e yìwìà anyùùŋ nyaŋ sìwè nyaŋ, naŋ wa fè e nɛ̀ŋ kìɛ̀ŋ ɗì guùŋ nɛ koɓɛ̀ Mɛ̀kisiɗɛ̀i nyiŋ pɛɛ.

Hiɓu 7:9 ပူးပေါင်းရင်းမြစ်များ

Maafiù 7:8

Esaɓù kɛ̀ wo Dayà dò nàŋ kìɛ̀ŋ wo nyùnɔ̀ɔŋ gbiŋ dawàuŋ wèè manɛ̀ŋ wɔ. Wò do nàŋ kìɛ̀ŋ manɛ̀ŋ koɓɛ̀ wo nyùnɔ̀ɔŋ gbiŋ kamàŋ mìŋ wɔ, e kìlà wò do nàŋ yìlè wɔŋ gbemgbeeɔ̀ wèè wo nyùnɔ̀ɔŋ yɛ̀mɛ̀ manɛ̀ŋ maŋ wò zoolà weè miŋ màŋ.

Luùm 5:12

Esàɓù Adamàaŋ sùà anyùùŋ nyaŋ gbiŋ e ɗuunyaàŋ naŋ nɔ̀ŋ anyùùŋ maŋ jùumù, yèè e jùumù bi naŋ hìɛ̀ŋ e kèè fàa. Wèè esàɓù maŋ jùumù mɛɛ̀ŋ anyùùŋ nyaŋ gbiŋ e ɗuunyaàŋ kuwa aŋ fà.

Hiɓu 7:10

Jòòpɛɛ kòò àŋ kòmò wa weè wò Liivaà è teenga bi, kɛɛ èiŋ ɓɛ̀nɛ̀ŋ wòo wìà wò yaà wa ke kpùnàŋ Eɓulɔhɛɛ̀ɛŋ sùà e teengaà wo Mɛ̀kisiɗɛ̀ nauŋ wa mɛɛ̀ŋ lɛ.

Hiɓu 7:4

Yɛ̀mɛ̀ e ɗeweɛ̀ wo Mɛ̀kisiɗɛ̀ kuwa wa gààŋ lɛ! Wo nèwàènèwe wiɔ̀ Eɓulɔhɛɛ̀ŋ, wo yèɔ yaà wo dèdaà wèè e hààwe wilɛ̀ wɔ, naŋ wa gòònò manɛ̀ŋ maŋ gbiŋ wò naŋ wa gè ko sùmìè ɗùàa màŋ, e ɗì zììyà yèè wò naŋ fè e ɗì guùŋ koɓɛ̀ wo kanaà Mɛ̀kisiɗɛ̀.

Hiɓu 7:8

E yìwìà e keì wòo sùà e nyaàiŋ dè aŋ sìèfèìŋ zòòlo nyàŋ, aŋ yè nyaŋ kuwa aŋ fà ke ɗɔ̀ɔ̀ guùŋ nyaŋ, àŋ fè nyiìŋ e nɛ̀ŋ kìɛ̀ŋ ɗì guùŋ e yìwìà manɛ̀ŋ kàme màŋ anyùùŋ kuwa màŋ, sèè àŋ goonàŋ miìŋ e ɗì zììyà. Kɛɛ sèè è nɔ̀ŋ wèè wo Mɛ̀kisiɗɛ̀, àŋ naŋ wa fè è nɛ̀ŋ kìɛ̀ŋ ɗì guùŋ nɛ̀ koɓɛ̀ wo nyùnɔ̀ɔŋ yaà wɔŋ nyiiŋ gèeɔ̀ sùà wɔ, wo yèɔ wɔŋ fɛ̀ì Dayàa naŋ kìɛ̀ŋ mìè seì wààŋ wò yaà wɔŋ nyiiŋ gèeɔ̀ sùà wɔ.