Hiɓu 7:8 - WƆŊ FƐ̀Ì EBÒ SÌÀŊ DAYÀA

⁸ E yìwìà e keì wòo sùà e nyaàiŋ dè aŋ sìèfèìŋ zòòlo nyàŋ, aŋ yè nyaŋ kuwa aŋ fà ke ɗɔ̀ɔ̀ guùŋ nyaŋ, àŋ fè nyiìŋ e nɛ̀ŋ kìɛ̀ŋ ɗì guùŋ e yìwìà manɛ̀ŋ kàme màŋ anyùùŋ kuwa màŋ, sèè àŋ goonàŋ miìŋ e ɗì zììyà. Kɛɛ sèè è nɔ̀ŋ wèè wo Mɛ̀kisiɗɛ̀, àŋ naŋ wa fè è nɛ̀ŋ kìɛ̀ŋ ɗì guùŋ nɛ̀ koɓɛ̀ wo nyùnɔ̀ɔŋ yaà wɔŋ nyiiŋ gèeɔ̀ sùà wɔ, wo yèɔ wɔŋ fɛ̀ì Dayàa naŋ kìɛ̀ŋ mìè seì wààŋ wò yaà wɔŋ nyiiŋ gèeɔ̀ sùà wɔ.

Hiɓu 7:8 ပူးပေါင်းရင်းမြစ်များ

Jɔ̀ɔŋ 14:19

E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Hiɓu 3:16

Ɓòò nyiŋ nàŋ yaà anyùùŋ nyaŋ naŋ wa kòmò ke mìè gbòà Dayàa, yèè àŋ nauŋ gììyè maŋhɛɛ nyàŋ? Nyiŋ nàŋ yaà anyùùŋ guùŋ nyaŋ wo Mòòze naŋ wa sìèfeìŋ yèè wò naŋ nyiŋ gè ko Ijè nyaŋ.

Hiɓu 5:6

Wɔŋ fɛ̀ì Dayàa naŋ ɓɛìŋ woò koɓɛ̀ bà wààŋ, “Mùŋ do nàŋ nɔ̀ŋ wo sìèfèìŋ zòòlo wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.”

Hiɓu 6:20

Wèè esaɓù wilɛ̀, wo Jisɛ̀ naŋ wi kɔ̀ ko feìŋ ko fɛ̀ɛ̀fèìŋ Dayà, yèè wuŋ nàŋ yaà wo kànà sìèfèìŋ zòòlo gbee wiɔ̀ wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.

Hiɓu 7:23

E fèemàŋ joo bà yaào ɓɛìŋ. Aŋ sìèfèìŋ zòòlo zimgbe bà yaào wa ɓɛìŋ, kɛɛ aŋ gbiŋ naŋ wa fɔ̀ e kìlà aŋ gò wa kpɛ̀ɛ̀yɛ̀ màŋ tòmo nyiŋ màŋ.

Hiɓu 7:7

Èiŋ nyìmàŋ tɔɔɓaa kɛ̀ wo nyùnɔ̀ɔŋ kpuumàŋ wo nyùùŋ wɔ, wò kuwa sɛmɛmaŋ e nìàŋ wo nyùnɔ̀ɔŋ yɛmɛ̀ e kpùùmaàŋ wɔ.

Hiɓu 7:9

Weètii èiŋ ɓɛ̀nɛ̀ŋ woò wìà, e teengaà wo Eɓulɔhɛɛ̀ŋ naŋ wa fè e nɛ̀ŋ kìɛ̀ŋ ɗì guùŋ nɛ koɓɛ̀ Mɛ̀kisiɗɛ̀i lɛ̀, è yaà nɔŋ mààŋ ke kpòò Liivaà kiŋ bi ke yèɛ yɛmɛ̀ manɛ̀ŋ kìɛ̀ŋ ɗì guùŋ maŋ e yìwìà anyùùŋ nyaŋ sìwè nyaŋ, naŋ wa fè e nɛ̀ŋ kìɛ̀ŋ ɗì guùŋ nɛ koɓɛ̀ Mɛ̀kisiɗɛ̀i nyiŋ pɛɛ.

Hiɓu 9:27

Anyùùŋ nyaŋ gbiŋ do nàŋ fɔ̀ e sùà guùŋ kpò, eɓìèmàŋjɛ̀wɛ̀ tii wo Dayà do wi nàŋ gbaì wo wi hàà kiti diɛŋ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.