Hiɓu 7:24 - WƆŊ FƐ̀Ì EBÒ SÌÀŊ DAYÀA

²⁴ Wo Jisɛ̀ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ, e kìlà e tòmò sìèfèìŋ zòòlouŋ nɛ̀ naàŋ nɔ̀ŋ kìɛŋ niŋ kòɓɛ̀ wò nyuùŋ joo bà.

Hiɓu 7:24 ပူးပေါင်းရင်းမြစ်များ

Jɔ̀ɔŋ 12:34

Anyùùŋ nyaŋ naŋ wòò wo Jisɛ̀ nyààŋ, “Ke sàwàa wààŋ kɛ̀ wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. Kpeiŋ kɛ̀ dièsɔa mùŋ naŋ ɓɛ̀nɛ̀ŋ wòo kɛ̀ wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwouŋ? Ɓòò nàŋ yaà wo Jɔ̀àfèlàà Nyuùŋ Kpùnɔɔ̀ŋ?”

Luùm 6:9

Esaɓù èiŋ nyìmàŋ kɛ̀ wo Dayà naŋ wa gè wo Jisɛ̀ Kulaì e fàaà dìì, wo naàŋ wa nàwèè ɓɛìŋ fɔ̀ julɔfɔ. E fàa kuwà ɓɛìŋ è gààŋ kò diɛuŋ.

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Hiɓu 13:8

Wo Jisɛ̀ Kulaì fè vɔɔnɔ̀ŋ julɔfɔ. Wuŋ nàŋ yaà wo Jìsɛ̀ gunɔ̀ɔŋ jɛ̀ɛ̀, nàaŋ ɗɔɔ yɛɛ̀, yèè julɔfɔ.

Hiɓu 7:28

Maŋ Sàwà Dayà màŋ naŋ wa tà anyùùŋ ɗùù, aŋ yè nyaŋ fè ànyuùŋ tùlìà jii nyàŋ wèè aŋ nɔ̀ŋ aŋ kànà sìèfèìŋ zòòlo gbèè. Kɛɛ e ɗààhiìɛ wo Dayà naŋ wa ɓemè yèè wò naŋ niŋ gbòònò diɛŋ lɛ̀, e yèɛ naŋ wa hnè eɓìèmàŋjɛ̀wɛ̀ ke Sàwàa lɛ̀ nàŋ yaà, wò naŋ tà wo Jɔ̀àfelaaà ɗùù, wo yèɔ wò naŋ nyɛ̀nɛ̀ŋ wo nɔ̀ŋ wo nyuùŋ tùlìà jii wèè julɔfɔ wɔ̀.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.