Hiɓu 7:16 - WƆŊ FƐ̀Ì EBÒ SÌÀŊ DAYÀA

¹⁶ Wo Dayà nauŋ wa tàeɗùù wouŋ nyɛ̀nɛ̀ŋ wo nɔ̀ŋ wo sìèfèìŋ zòòlo, kɛɛ e fè wa è yìwìà màŋ sàwà nyuùŋkpùuŋ, è yaà wa e yìwìà e gààŋ wɔŋ nyiiŋ gèe wɔŋ yèɔ kuwà kò dìa wɔ̀ŋ.

Hiɓu 7:16 ပူးပေါင်းရင်းမြစ်များ

Luùm 7:14

Èiŋ nyìmàŋ kɛ̀ maŋ Sàwà maŋ yewe wo Jìnàŋ Dayàa sìwè. Kɛɛ mìŋ yaà nɔŋ wo nyuùŋkpùuŋ, yèè mìŋ yaà wo ɗo koɓɛ̀ maŋ jùumù.

Gàla 4:3

E ɗèwè guùŋ nɛɛ̀ sùà, yàwi pɛɛ è yààìŋ aŋ ɗo koɓɛ̀ ke sàwà e gààŋ aŋ jìnàŋ ɗuunyaàŋ lɛɛ̀, pangàà è doiŋ nàŋ kɛ̀ɛ̀nɛ̀ŋ ke jiikɛ̀ɛ kɛ̀ kiìŋ nàŋ yaà e tɔ̀ɔ̀nyaàaŋ.

Gàla 4:9

Kɛɛ nààŋ nìŋ naŋ naàŋ nyìmàŋ wo Dayà, ɔ̀ɔ̀ miŋ woò mìàŋ, wo Dayà woiŋ nyìmàŋ, diè nìŋ naŋ ɓɛìŋ ɓɛ̀nɛ̀ŋ kɛ̀ɛ̀ maŋjɛ̀wɛ koɓɛ̀ aŋ jìnàŋ e zɔ̀kpɔ̀ yèè e gààŋ nyowo nyiŋ nɛ̀? Wèè kiŋ nìŋ manaŋ ɓɛìŋ naŋ nɔ̀ŋ aŋ ɗo e weè nyiŋ?

Kòlo 2:14

Wo Dayà naŋ sɛ̀ɛ̀sɛ̀ɛ̀ wɔŋ fɛ̀ì maŋ kpàŋ wi màŋ naŋ wi sɔ̀ dèè e nyaàiŋ dè maŋ keì naanààŋ wi màŋ gbiŋ diɛŋ, yèè wò naŋ miŋ kpùùnyɛ̀ŋ wɔŋ vànèkpaaà diɛŋ.

Kòlo 2:20

Nyɛ̀iŋ yèè wo Jisɛ̀ Kulaì naŋ wa fɔ̀ɔ̀yɛ̀ koɓɛ̀ guùŋ, yèè wò naiŋ bilɛ̀ŋ e yìwìà e gààŋ wo ɓɛ̀màŋɗì aŋ jìnàŋ ɗuunyaàŋ. Wèè kiìŋ naàŋ nìŋ yaà maŋ nyiiŋ gèe sùà e teenè mààŋ nìŋ yaà wèè e ɗuunyaŋ lɛɛ̀? Wèè kiìŋ nìŋ jɔɔlɔ̀ maŋ langi mààŋ mɛɛ̀ŋ dìì?

Hiɓu 10:1

Maŋ Sàwà maŋ wo Dayà naŋ wa kìɛ̀ŋ aŋ Juùù nyaŋ màŋ, màŋ yaà mààŋ wɔŋ mììmììŋ manɛ̀ŋ kɛnɛ màŋ do nàŋ hnè maŋ. Maŋ sàwà miiŋ nàŋ fè wa mànɛ̀ŋ kɛnɛ màŋ gbiŋ wò Dayà naŋ wa jɔ̀ɔ̀ e ɗààhiì wèè wo kiɛ̀ŋ maŋ. Àŋ gè maŋ saaà mɛɛ̀ŋ pɛɛpɛɛ ke ɗɔɔ gbiŋ yèè wɔŋ doa gbiŋ. Kpeiŋ, dièsɔa anyùùŋ nyaŋ hnàŋ koɓɛ̀ Dayài nyàŋ naŋ ɓɛ̀nɛ̀ŋ nɔ̀ŋ zɛ̀nɛŋ nyiŋ nààŋ àŋ kuwo maŋ sàwà maŋ naŋ tɔ̀ɔ̀ e ɗewe kiiɛ̀ àŋ gè maŋ saaà mɛɛ̀ŋ lɛ?

Hiɓu 7:15

E keì lɛɛ̀ gbiŋ naŋ ngèè ɓɛìŋ nɔ̀ŋ janjai. Wo sìèfèìŋ zòòlo joo bà wò hnàŋ, wo yèɔ yaà mààŋ wo Mɛ̀kisiɗɛ̀ wɔ.

Hiɓu 7:17

Wɔŋ fɛ̀ì Dayàa naŋ woò wààŋ, “Mùŋ do nàŋ nɔ̀ŋ wo sìèfèìŋ zòòlo wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.”

Hiɓu 7:21

E ɗewe gbio sùà, wo Dayà naŋ wa jɔ̀ɔ̀ ɗààhiì e teengaà wo Jisɛ̀ naŋ wa nɔ̀ŋ wo sìèfèìŋ zòòlo lɛ̀. “Wo Kanaà Dayà naŋ jɔ̀ɔ̀ ɗààhiì yèè wo naàŋ kìlè kè jiiuŋ nɛɛ̀ŋ. ‘Mùŋ do nàŋ nɔ̀ŋ wo sìèfèìŋ zòòlo wèè julɔfɔ.’ ”

Hiɓu 7:28

Maŋ Sàwà Dayà màŋ naŋ wa tà anyùùŋ ɗùù, aŋ yè nyaŋ fè ànyuùŋ tùlìà jii nyàŋ wèè aŋ nɔ̀ŋ aŋ kànà sìèfèìŋ zòòlo gbèè. Kɛɛ e ɗààhiìɛ wo Dayà naŋ wa ɓemè yèè wò naŋ niŋ gbòònò diɛŋ lɛ̀, e yèɛ naŋ wa hnè eɓìèmàŋjɛ̀wɛ̀ ke Sàwàa lɛ̀ nàŋ yaà, wò naŋ tà wo Jɔ̀àfelaaà ɗùù, wo yèɔ wò naŋ nyɛ̀nɛ̀ŋ wo nɔ̀ŋ wo nyuùŋ tùlìà jii wèè julɔfɔ wɔ̀.

Hiɓu 7:3

Wɔŋ fɛi gò wi woò sèè mààŋ ɓòò nàŋ yaà wa wo dèdà Mɛ̀kisiɗɛ̀ɔ ɔ̀ɔ̀ wo yèyeuŋ nɔɔ̀ŋ, ɔ̀ɔ̀ ɓòò nyiŋ nàŋ yaà wa aŋ nèwàènèuŋ nyàŋ. Wɔŋ fɛi gò wi wòò è kèè è kòmàŋ kiiuŋ nɛ̀ ɔ̀ɔ̀ kò jèè ɗì wɔ̀ŋ nyiiuŋ nɔɔ̀ŋ. Wò yaà mààŋ wo Jɔ̀àfèlàà Dayàa, yèè wò do nàŋ nɔ̀ŋ wo sìèfèìŋ zòòlo wèè julɔfɔ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.