Hiɓu 7:14 - WƆŊ FƐ̀Ì EBÒ SÌÀŊ DAYÀA

¹⁴ Anyùùŋ nyaŋ gbiŋ àŋ nyìmàŋ kɛ̀ wo Kana wiɔ̀ Jisɛ̀ naŋ yìwìè e zìì Juɗàa sùà, kɛɛ wo Mòòze gò wa woò wààŋ wò sìèfèìŋ zòòlo do wa nàŋ nɔ̀ŋ e ziì lii sùà.

Hiɓu 7:14 ပူးပေါင်းရင်းမြစ်များ

Maafiù 2:6

‘Nyɛ̀iŋ nààŋ nyùùŋ nyaŋ ko Bɛfilehɛɛ̀ŋ e dìì wɔŋ fùɔ̀ŋ Juɗàa diɛŋ, nyìmaìŋ kɛ̀ wo Dayà gò nììngè è jawaiŋ nɛ̀ fɛ̀ɛ̀ màŋ jawa gbeegbèè maŋ è fèemàŋ wɔ̀ŋ fùɔ̀ŋ Juɗàa sùà. Esaɓù kɛ̀, e yìwìà nyɛ̀iŋ ko sùà wo ɓɛ̀màŋɗì doo nàŋ fòlò wèè wo yɛ̀mɛ̀ anyunùim nyàŋ diɛŋ ko Ezɔ̀ɛ̀.’ ”

Luù 1:43

Wèè kiìŋ wo yèyè Kana miɔ̀ŋ naŋ ɓɛ̀nɛ̀ŋ hnàŋ ko nɛ̀ɛ̀ŋ miìŋ wèè woim jaamè?

Luù 3:33

nàŋ yaà wa wo jɔ̀àfèlàà Àminaɗàa. Wo Àminaɗà nàŋ yaà wa wo jɔ̀àfèlàà Amìɔŋ. Wo Amìŋ nàŋ yaà wa wo jɔ̀àfèlàà Anìɔŋ. Wo Anìŋ nàŋ yaà wa wo jɔ̀àfèlàà Hɛselɔ̀ɔŋ. Wo Hɛselɔ̀ŋ nàŋ yaà wa wo jɔ̀àfèlàà Pɛlìɔ. Wo Pɛɛlɛ̀ nàŋ yaà wa wo jɔ̀àfèlàà Juɗàa.

Jɔ̀ɔŋ 20:13

Kpeiŋ aŋ màikà nyaŋ naŋ dàwè wo Mèèle nyààŋ, “Nìe wɛɛ̀, wèè kiìŋ mùŋ yaà gulie?” Yèè wo Mèèle naŋ fasàì wààŋ, “Anyùùŋ nyaŋ àŋ kià gè e fà wo Kana miɔ̀ŋ, yèè miŋ nyimààŋ kɛ̀ kòò àŋ nauŋ heè.”

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 2:3

Weètii, nyɛ̀iŋ nyàŋ nìŋ woà nààŋ wo Dayà nìmìlà anyùùŋ nyaŋ nyɛnɛŋ maŋ keì naanààŋ nyaŋ, nìŋ naŋ kai gongò kɛ̀ nìŋ do nàŋ dùɔ̀ŋ naŋ fòlà e kèì nyìngà Dayàa dìì, nààŋ nyɛ̀iŋ pɛɛ nìŋ nyɛnɛŋ maŋ kèì guùŋ maŋ nìŋ haà anyùùŋ nyɛɛ̀ŋ kiti diɛŋ wèè maŋ keì naanààŋ maŋ àŋ naŋ nyɛ̀nɛ̀ŋ maŋ?

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Fèle 3:8

E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

Hiɓu 7:13

Wèè esàɓù wo Kana wiɔ̀ Jisɛ̀, wo yèɔ è woàìŋ maŋ keì mɛɛ̀ŋ wɔ, yewe e ziì joo sùà, e kìlà wo nyùùŋ gbiŋ e yìwìà e ziì bi sùà kòò wò nɔ̀ŋ wa wò bàuŋbà è tòmò sìèfèìŋ zòòlo nyàŋ sùà wèè wo zòòlò wɔ̀ŋ gbɛ̀gbɛ̀ zòòloɔ̀ diɛŋ.

Hiɓu 7:15

E keì lɛɛ̀ gbiŋ naŋ ngèè ɓɛìŋ nɔ̀ŋ janjai. Wo sìèfèìŋ zòòlo joo bà wò hnàŋ, wo yèɔ yaà mààŋ wo Mɛ̀kisiɗɛ̀ wɔ.

Maŋ kèì nyɛɛnɛŋ 22:16

“Miàim Jisɛ̀, Kà tùàŋ wo màikà miɔ̀ŋ wèè wo woò ke mìè seì yɛɛ̀ ko nɛ̀ɛ̀iŋ niìŋ nyɛ̀iŋ nààŋ anyuùŋ hààwe nyàŋ gbiŋ. Mìŋ yaà e gùlò e yìwìà ke kpòò Dèèweɛ̀ sùà. Miàŋ nàŋ yaà wɔŋ ɗù maŋ nyiìŋ tɛ̀tɛ̀ɔ mɛɛŋ wɔ̀ŋ.”

Maŋ kèì nyɛɛnɛŋ 5:5

Wo màmàŋkùmɛɔ̀ŋ bà guùŋ naim woò wààŋ, “Ɓɔ̀ mùŋ gòlà. Yɛ̀mɛ̀ kɛ̀ kiìŋ nàŋ yaà kaaiŋ! Wo nyùnɔ̀ɔŋ àŋ nyaaŋ wo Nyàaà wɔ e yìwìà e zìì Juɗàa sùà, wo jɔ̀ɛ̀ɛ̀jɔ̀ɛ̀ɛ̀ Dèèweɔ̀, wò ɓùlà anyuùŋ nyɛ̀nɛ̀ŋ maŋ tùwo naanààŋ nyaŋ, e kìlà wò ɓɛ̀nɛ̀ŋ gɔ̀ɛ̀ɛ̀ e fèè manɛ̀ŋ yìlìà nɔɔnɔŋ le tìyèe màŋ, yèè wo vùlɔ̀ŋ wɔŋ fɛi fùngò fungoɔ̀.”