Hiɓu 7:11 - WƆŊ FƐ̀Ì EBÒ SÌÀŊ DAYÀA

¹¹ Wo Dayà naŋ wa kìɛ̀ŋ maŋ sàwà koɓɛ̀ anyunùuŋ nyàŋ e yìwìà ko Ezɔ̀ɛ̀, e teengaà wò naŋ wa kìɛ̀ŋ maŋ sàwà e nyaàiŋ dè aŋ sìèfèìŋ zòòlo nyàŋ. Sèè e yèɛ aŋ sìèfèìŋ zòòlo nyàŋ e yìwìà ke kpòò Liivàa sùà naŋ wa nyɛ̀nɛ̀ŋ lɛ, naŋ wa weè ɓɛ̀nɛ̀ŋ nyɛ̀nɛŋ wèè wò Dayà jùùyà anyùùŋ hakɛ̀ kpɛlɛmɛɛŋ, kɛ̀ tɔɔɓaa esaɓù bà fè weè ɓɛìŋ wèè wò sìèfèìŋ zòòlo joo bà wo hnàŋ, wo yèɔ yewe ke gbòò aŋ sìèfèìŋ zòòlo nyàŋ sùà e nyaàiŋ dè wo Mɛ̀kisiɗɛ̀, kɛɛ e fè e yìwìà ke gbòò aŋ sìèfèìŋ zòòlo nyàŋ ke kpòò Èlɔuɛ̀ŋ sùà.

Hiɓu 7:11 ပူးပေါင်းရင်းမြစ်များ

Gàla 2:21

Mìŋ naŋ gangà wèè ka gììyà e tɛ̀ɛ̀tɛ̀ɛ̀ Dayà maŋhɛɛ. Kɛɛ sèè wo Dayà naŋ ɓɛ̀nɛ̀ŋ jàà wo nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ ko nɛ̀ɛ̀uŋ niìŋ e yìwìà ke Sàwàuŋ nɛɛ̀ŋ dìì, è do naŋ tɔɔ̀ kɛ̀ wo Jisɛ̀ Kulaì naŋ wa fɔ̀ e wèè foo!

Gàla 4:3

E ɗèwè guùŋ nɛɛ̀ sùà, yàwi pɛɛ è yààìŋ aŋ ɗo koɓɛ̀ ke sàwà e gààŋ aŋ jìnàŋ ɗuunyaàŋ lɛɛ̀, pangàà è doiŋ nàŋ kɛ̀ɛ̀nɛ̀ŋ ke jiikɛ̀ɛ kɛ̀ kiìŋ nàŋ yaà e tɔ̀ɔ̀nyaàaŋ.

Gàla 4:9

Kɛɛ nààŋ nìŋ naŋ naàŋ nyìmàŋ wo Dayà, ɔ̀ɔ̀ miŋ woò mìàŋ, wo Dayà woiŋ nyìmàŋ, diè nìŋ naŋ ɓɛìŋ ɓɛ̀nɛ̀ŋ kɛ̀ɛ̀ maŋjɛ̀wɛ koɓɛ̀ aŋ jìnàŋ e zɔ̀kpɔ̀ yèè e gààŋ nyowo nyiŋ nɛ̀? Wèè kiŋ nìŋ manaŋ ɓɛìŋ naŋ nɔ̀ŋ aŋ ɗo e weè nyiŋ?

Hiɓu 5:10

Eɓìèmàŋjɛ̀wɛ̀ tii, wo Dayà naŋ tà wo Jisɛ̀ ɗùù wèè wo nɔ̀ŋ wo kànà sìèfèìŋ zòòlo gbee mààŋ wo Mɛ̀kisiɗɛ̀.

Hiɓu 5:6

Wɔŋ fɛ̀ì Dayàa naŋ ɓɛìŋ woò koɓɛ̀ bà wààŋ, “Mùŋ do nàŋ nɔ̀ŋ wo sìèfèìŋ zòòlo wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.”

Hiɓu 6:20

Wèè esaɓù wilɛ̀, wo Jisɛ̀ naŋ wi kɔ̀ ko feìŋ ko fɛ̀ɛ̀fèìŋ Dayà, yèè wuŋ nàŋ yaà wo kànà sìèfèìŋ zòòlo gbee wiɔ̀ wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.

Hiɓu 7:10

Jòòpɛɛ kòò àŋ kòmò wa weè wò Liivaà è teenga bi, kɛɛ èiŋ ɓɛ̀nɛ̀ŋ wòo wìà wò yaà wa ke kpùnàŋ Eɓulɔhɛɛ̀ɛŋ sùà e teengaà wo Mɛ̀kisiɗɛ̀ nauŋ wa mɛɛ̀ŋ lɛ.

Hiɓu 7:12

Èiŋ nyìmàŋ kɛ̀ sèè e tòmò ke gbòò e sìèfèìŋ zòòloɛ̀ kile wa nàwèè, maŋ sàwà maŋ kuwa maŋ kìlà miiŋ pɛɛ.

Hiɓu 7:13

Wèè esàɓù wo Kana wiɔ̀ Jisɛ̀, wo yèɔ è woàìŋ maŋ keì mɛɛ̀ŋ wɔ, yewe e ziì joo sùà, e kìlà wo nyùùŋ gbiŋ e yìwìà e ziì bi sùà kòò wò nɔ̀ŋ wa wò bàuŋbà è tòmò sìèfèìŋ zòòlo nyàŋ sùà wèè wo zòòlò wɔ̀ŋ gbɛ̀gbɛ̀ zòòloɔ̀ diɛŋ.

Hiɓu 7:15

E keì lɛɛ̀ gbiŋ naŋ ngèè ɓɛìŋ nɔ̀ŋ janjai. Wo sìèfèìŋ zòòlo joo bà wò hnàŋ, wo yèɔ yaà mààŋ wo Mɛ̀kisiɗɛ̀ wɔ.

Hiɓu 7:21

E ɗewe gbio sùà, wo Dayà naŋ wa jɔ̀ɔ̀ ɗààhiì e teengaà wo Jisɛ̀ naŋ wa nɔ̀ŋ wo sìèfèìŋ zòòlo lɛ̀. “Wo Kanaà Dayà naŋ jɔ̀ɔ̀ ɗààhiì yèè wo naàŋ kìlè kè jiiuŋ nɛɛ̀ŋ. ‘Mùŋ do nàŋ nɔ̀ŋ wo sìèfèìŋ zòòlo wèè julɔfɔ.’ ”

Hiɓu 8:7

Sèè e ɗààhìì mìèsùàguùŋ jiɛ̀jiɛ̀ɛ e wa weè nyɛ̀nɛ̀ŋ e kèì tɔ̀ɔ̀nyaàŋ gbiŋ è kuwa wa e nyɛ̀nɛ̀ŋ lɛ, kɛ̀ esaɓù bà naàŋ wa weè nɔ̀ŋ wèè è ɗààhìì mìèsùàguùŋ jɛ̀ì.

Hiɓu 9:6

Nààŋ manɛ̀ŋ mɛɛ̀ŋ gbiŋ naŋ wa nɔ̀ŋ bànèbane e ɗewe lɛɛ̀ sùà, ke ɗɔɔ gbiŋ aŋ sìèfèìŋ zòòlo nyàŋ kɔ̀à wa àŋ jɔ̀à ko tàamàŋ jiɛ̀jiɛ̀i, ke vààyàa dìì, wèè aŋ nyɛ̀nɛ̀ŋ e tòmo nyiŋ nɛ̀.