Hiɓu 7:1 - WƆŊ FƐ̀Ì EBÒ SÌÀŊ DAYÀA

¹ Wo Mɛ̀kisiɗɛ̀ yaà wa wo kana wèè ko jawa gbeeì àŋ nyaaŋ Salɛ̀m, e kìlà e tèèngà guùŋ bi wò yaà wo sìèfèìŋ zòòlo wèè wo Dayà Gaàŋ Gbeeɔ̀. Wo Mɛ̀kisiɗɛ̀ naŋ wa mɛ̀ɛ̀ŋ wo Eɓulɔhɛɛ̀ŋ yèè wò nauŋ gbìɛ̀ŋ zòòlo maŋjɛ̀wɛ, e teengaà wo Eɓulɔhɛɛ̀ŋ naŋ wa jìwè aŋ kànà tiinàŋ nyàŋ, yèè wò yaà wa naàŋ kɛ̀ɛ̀ sùà maŋjɛ̀wɛ lɛ̀.

Hiɓu 7:1 ပူးပေါင်းရင်းမြစ်များ

Nyɛ̀nɛ̀ŋ 16:17

Wo jɔùŋjɔaà naŋ dè yàwi nààŋ Pɔɔ̀ maŋjɛ̀wɛ, wò yaà kpàaŋ sùà wààŋ, “Anyùùŋ nyɛɛ̀ŋ àŋ yaà aŋ ɓɔìjɔ̀à wèè wo Dàyà Gaàŋ Gbeeɔ̀! Àŋ yààìŋ woo kɛ̀ diè nìŋ naŋ ɓɛ̀nɛ̀ŋ nɔ̀ŋ jòèyeiŋ.”

Hiɓu 6:20

Wèè esaɓù wilɛ̀, wo Jisɛ̀ naŋ wi kɔ̀ ko feìŋ ko fɛ̀ɛ̀fèìŋ Dayà, yèè wuŋ nàŋ yaà wo kànà sìèfèìŋ zòòlo gbee wiɔ̀ wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.

Hiɓu 7:2

Manɛ̀ŋ maŋ gbiŋ wo Eɓulɔhɛɛ̀ŋ kuwa wò naŋ wa gè ko sùmìè ɗùàa màŋ, wò naŋ miŋ goonò ɗì zììyà yèè wò naŋ fè e ɗì guùŋ koɓɛ̀ wo Kanaà Mɛ̀kisiɗɛ̀. E fàsàì e dèèɛ Mɛ̀kisiɗɛ̀ nàŋ yaà, “Wo Kànà Tɔ̀ɔ̀nyaàŋ.” Kɛɛ nààŋ e fàsàì e dèèɛ Salɛ̀m nàŋ yaà “jii fàa lɛ̀,” àŋ nyàaùŋ wa ɓɛìŋ “Wo Kànà Jii Fàa.”

Hiɓu 7:3

Wɔŋ fɛi gò wi woò sèè mààŋ ɓòò nàŋ yaà wa wo dèdà Mɛ̀kisiɗɛ̀ɔ ɔ̀ɔ̀ wo yèyeuŋ nɔɔ̀ŋ, ɔ̀ɔ̀ ɓòò nyiŋ nàŋ yaà wa aŋ nèwàènèuŋ nyàŋ. Wɔŋ fɛi gò wi wòò è kèè è kòmàŋ kiiuŋ nɛ̀ ɔ̀ɔ̀ kò jèè ɗì wɔ̀ŋ nyiiuŋ nɔɔ̀ŋ. Wò yaà mààŋ wo Jɔ̀àfèlàà Dayàa, yèè wò do nàŋ nɔ̀ŋ wo sìèfèìŋ zòòlo wèè julɔfɔ.

Hiɓu 7:6

Wo Mɛ̀kisiɗɛ̀ gò wa fòlà kè kpòò Liivaà sùà, kɛɛ wo Eɓulɔhɛɛ̀ŋ naŋ wa goonò manɛ̀ŋ maŋ wò kuwa màŋ ɗì zììyà yèè wò naŋ fè e ɗì guùŋ koɓɛ̀ wo kanaà Mɛ̀kisiɗɛ̀. Wo Mɛ̀kisiɗɛ̀ naŋ wa dàwè wo Dayà wèè wo kpuumàŋ Eɓulɔhɛɛ̀ŋ, wo yèɔ wo Dayà naŋ wa jɔ̀ɔ̀ ɗààhiì sìwè wèè wo nyɛ̀nɛ̀ŋ ke kpoouŋ nɛɛ̀ŋ ke gàŋ wɔ̀.