Hiɓu 6:6 - WƆŊ FƐ̀Ì EBÒ SÌÀŊ DAYÀA

⁶ Anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. E nɛ̀ɛŋ àŋ do nàŋ nɔ̀ɔ̀ŋ nyinie lɛ̀ nàŋ yaà e kèì guùŋ nɛ, màànààŋ nɔŋ àŋ naŋ wa kpùùnyɛ̀ŋ wo Jɔ̀àfèlàà Dayàa wɔŋ vànèkpaaà diɛŋ yèè àŋ nauŋ sìè sàngè ko ɓài.

Hiɓu 6:6 ပူးပေါင်းရင်းမြစ်များ

Maafiù 19:26

Wo Jisɛ̀ naŋ nyiŋ yɛmɛ̀ sɛiŋ yèè wò naŋ woò wààŋ, “Tɛɛ̀ naŋ nyìngè wèè anyuùŋ kpùuŋ, kɛɛ sèè è nɔ̀ŋ wèè wo Dayà, e keì gbiŋ gò nyìngà.”

Luù 11:48

Nyɛ̀iŋ bi nìŋ naŋ kìɛ̀ŋ ke mìè seì, kɛ̀ nìŋ naŋ wa nyimèè wèè e nɛ̀ɛŋ anyuùŋ kòmaiŋ nyàŋ naŋ wa nyɛ̀nɛ̀ŋ lɛ. Àŋ naŋ wa jìwè aŋ wɛ̀ijì nyaŋ. Niŋ gò nyiŋ wa kìɛ̀ŋ ɓɛ̀ɛ̀jàa, nìŋ naŋ wa nɔŋ kpàà maŋ hùàaŋ nyiŋ màŋ.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Hiɓu 10:26

E saaà gèe bà gbiŋ fè wèè e gùà màŋ jùumù wi màŋ, sèè è naiŋ ɗewè wèè eiŋ nɔ̀ŋ nyìnìè maŋ kèì jùumù keleiŋ, jòòpɛɛ èiŋ nyìmàŋ e tɔ̀ɔ̀nyaàŋ.

Hiɓu 10:29

Kɛɛ ngèè è do nàŋ nɔ̀ŋ e keì nyìnga gbee koɓɛ̀ wo nyùnɔ̀ɔŋ do nàŋ gììyè wo Jɔ̀àfèlàà Dayàa maŋhɛɛ wɔ̀, yèè wo hìàŋ e ɓɛ̀ɛ̀pɔ̀ɔ koɓɛ̀ maŋ sɛ̀ìŋ e ɗààhìì e mìèsùàgùùŋ Dayàa naŋ nyɛ̀nɛ̀ŋ è naiŋ nɔ̀ŋ nɛɛmaŋ sùà lɛ. Yèè è do nàŋ nɔ̀ŋ e nɛ̀ŋ gò zɛ̀nɛ̀ŋ wèè wo nyùnɔ̀ɔŋ do nàŋ kìɛ̀ŋ ke mìè ɓɛ̀ɛ̀pɔ̀ɔ koɓɛ̀ wo Jìnàŋ Nɛɛmaàŋ, wo yèɔ tɔɔ̀ wì ke nyowo wɔ̀.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 4:14

È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

Hiɓu 6:4

Kɛɛ anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. Àŋ naŋ wa yɛ̀mɛ̀ e gbòlòùŋ Dayàa e tèèngà guùŋ, yèè aŋ naŋ yɛ̀mɛ̀ e nɛ̀ŋ kìɛ̀ŋ ko àìjɛnɛ̀ɛŋ, e kìlà àŋ naŋ nɔ̀ŋ aŋ bà nyiŋ bà e nyaàiŋ dè wo Jìnàŋ Nɛɛmaàŋ.

2Pììlɛ 2:21

È hewa weè nàŋ nɔ̀ŋ tɛ̀ɛ̀ e wèè kɛ̀ ɓɔ̀ àŋ nyìmàŋ kè dòmàŋ tɔ̀ɔ̀nyaàaŋ, e wèè aŋ niŋ nyìmàŋ kpeiŋ aŋ fè ke sàwà nɛɛmaàŋ jɛwɛ ke yèɛ wo Dayà naŋ kiɛ̀ŋ lɛ̀.

1Jɔ̀ɔŋ 5:16

Sèè maŋ yɛ̀mɛ̀ wo wùìya mɔɔ̀ŋ bà wò nyɛ̀nɛ̀ŋ e kèì jùumù e yèɛ fòuŋ wa nàwèè gè wɔ̀ŋ nyiiŋ gèe gò jùàa sùà lɛ, dàwè Dayà wèè wo kiɛ̀ŋ wo nyùùŋ wii wɔŋ nyiiŋ gèe gò jùà. Kɛɛ ɓɔ̀ è nɔ̀ŋ è jùumùɛ yèɛ do nàŋ nyɛ̀nɛ̀ŋ wò nyùùŋ wii nàwèè sòò wɔ̀ŋ nyiiŋ gèe gò jùà lɛ.