Hiɓu 6:5 - WƆŊ FƐ̀Ì EBÒ SÌÀŊ DAYÀA

⁵ Àŋ nyìmàŋ maŋ jii nyiŋ màŋ sùà kɛ̀, e yèɛ wo Dayà naŋ woò lɛ è siaŋ, e kìlà àŋ nyìmàŋ e kèè e gàaàŋ e nyaàiŋ dè e teengaà, sèè wo Dayà tɔɔtù maŋ tòmò e gaàŋ gbeeuŋ nɛ̀ e ɗuunyaàŋ do nàŋ hnè lɛ diɛŋ.

Hiɓu 6:5 ပူးပေါင်းရင်းမြစ်များ

Maafiù 12:32

Wo nyùnɔ̀ɔŋ gbiŋ naŋ wòò e keì naanààŋ wèè miàim wo Jɔ̀àfèlàà Nyuùŋ Kpùnɔɔ̀ŋ wɔ, wo Dayà wòuŋ ɓɛ̀nɛ̀ŋ jùùyà hakɛ̀. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà naàuŋ jùùyè hakɛ̀ nàaŋ ɔ̀ɔ̀ julɔfɔ wa nàwèè.

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Ɛfesɔ̀ 6:17

Jàaìŋ e jòèye kùàŋ dìì e nɔ̀ŋ mààŋ ke ɓɔ̀ɗì ɗùà, yèè ke mìè Dayà ke nɔ̀ŋ mààŋ e kòyà ɗùàa wo Jìnàŋ Nɛɛmaàŋ naiŋ kiɛ̀ŋ lɛ.

Hiɓu 11:3

E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.

Hiɓu 2:5

Èiŋ nyìmàŋ kɛ̀ wo Dayà gò wa gbìàŋ è ɗuunyaŋ jɛiɛ̀ è woàìŋ kɛ̀ è do nàŋ hnè lɛ è gààŋ àŋ màikà nyaŋ dìì.

Hiɓu 4:12

Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.

1Pììlɛ 1:25

kɛɛ ke mìè Kànà Dayàa kè jeeyà wèè julɔfɔ.” Ke mìè yɛɛ̀ nàŋ yaà Ebò Siaàŋ àŋ naiŋ daanè lɛ.

1Pììlɛ 2:3

Màànààŋ wɔŋ fɛ̀ì Dayàa naŋ woò lɛ, “Nyɛ̀iŋ ɓi nàŋ naàŋ yɛ̀mɛ̀ e ɗeweɛ̀ wo Kanaà yaà tɛ̀ɛ̀ lɛ.”

2Pììlɛ 2:20

Sèè anyùùŋ dùàŋ aŋ fòlà e gààŋ kààkàà ɗuunyaàŋ dìì esàɓù e jiikɛ̀ɛɛ̀ àŋ kuwa e nyaàiŋ dè wo Kanaà yèè wo Nyuùŋ Jòèye wiɔ̀ Jisɛ̀ Kulaì, kpeiŋ maŋ kààkàà bi maŋ nyiŋ ɓɛìŋ kùwà maŋ nyiŋ gbùwò diɛŋ, anyùùŋ mààŋ nyiiŋ e nɔ̀ŋ kii nyiŋ nɛ̀ è nyɛnɛŋ naàŋ e nànàŋ e nìàŋ ko tɔɔtuì.