Hiɓu 6:2 - WƆŊ FƐ̀Ì EBÒ SÌÀŊ DAYÀA

² Ɓɔ̀ è kaàiŋ nɔŋ è ɗèwè ànyuùŋ gùa, yaà è làngì anyuùŋ gbùwà màŋ kùàŋ wèè eiŋ nyiŋ zòòlò diɛŋ. E kìlà, ɓɔ̀ è kaàiŋ ɓɛìŋ nɔŋ è kèè è tɔ̀ɔ̀nyaàaŋ kɛ̀, anyùùŋ nyaŋ do nàŋ yèwè e fàaà dìì wɔŋ nyiiŋ gèeo sùà. E kàa wilɛ̀ ɓɔ̀ è nɔ̀ŋ ɓɛìŋ nɔŋ wèè è ɗeweɛ̀ wo Dayà do nàŋ gbàì anyùùŋ lɛ, yèè e ɗeweɛ̀ e kitiuŋ nɛ̀ doo nàŋ jeè e kìlà wo nìmìlà anyùùŋ wèè julɔfɔ lɛ̀.

Hiɓu 6:2 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Maafiù 3:14

Kɛɛ wo Jɔ̀ɔŋ naŋ wa kàmè ɗewe wèè wo kìlà wo Jisɛ̀ ke jii yèè wò nauŋ woò wààŋ, “Miàŋ nàŋ henàŋ hnè ko nɛ̀ɛ̀ŋ muìŋ wèè maim gùà, wèè kiɛ̀ŋ mùŋ naŋ hnè ko nɛ̀ɛ̀ŋ miìŋ?”

Luù 11:38

Kɛɛ è naŋ wa fòònò wo Fɛlosiìɔ nààŋ wò naŋ yɛ̀mɛ̀ wò Jisɛ̀ wo gò wa gùà màŋ kùàŋ paŋgàà wò naŋ wa tɔ̀ɔ̀tù è nɛ̀ŋ jèe.

Luù 12:50

Mìŋ yaà hinie wèè ka kà e gùà keì nyìnga dìì. Mìŋ do nàŋ kɔ̀ e keì nyìnga zimgbe dìì e jèèsùà e keì bi e jùà jɛ̀wɛ̀.

Luù 14:14

Wo Dayà doum nàŋ kpuumò, esaɓù kɛ̀ anyùùŋ nyiiŋ fòum ɓɛ̀nɛ̀ŋ pààwa. Wo Dayà doum nàŋ paawà ke ɗɔɔɛ̀ anyùùŋ tɔ̀ɔ̀nyaàŋ nyaŋ yewe wa nàwèè e fàaà dìì lɛ.”

Luù 3:16

Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Jɔ̀ɔŋ 1:33

Kɛɛ wèè paŋ tɛɛ̀ kaaìŋ wa, miŋ nyimààŋ wa wò nyùnɔ̀ɔŋ yaà wa hinie wɔ̀. Kɛɛ wo Dayàa naim wa tùɔ̀ŋ wèè ka gùùyà anyùùŋ e wùìyè wɔ naim wà tɛɛ̀ woò wààŋ, ‘Mùŋ do nàŋ yɛ̀mɛ̀ wo Jinàaŋ wo dèyà wo jɛ̀ì wo nyùùŋ bà diɛŋ. Kpeiŋ kɛ̀ mùŋ do nàŋ nyìmè kɛ̀ wuŋ nàŋ yaà wo nyùnɔ̀ɔŋ wo yèɔ do nàŋ gùùyè anyùùŋ wo Jìnàŋ Nɛɛmaàŋ.’ ”

Jɔ̀ɔŋ 5:29

e kìlà àŋ do nàŋ yèwè e fàaà dìì wɔŋ nyiiŋ gèeo sùà e yìwìà maŋ hùaŋ nyiŋ màŋ sùà. Anyùùŋ nyaŋ gbiŋ naŋ nyɛ̀nɛ̀ŋ maŋ kpèè siaŋ nyàŋ do nàŋ yèwè e fàaà dìì wɔŋ nyiiŋ gèeo sùà. Kɛɛ anyùùŋ nyaŋ gbiŋ naŋ nyɛ̀nɛ̀ŋ maŋ kpèè naanààŋ nyaŋ do nàŋ yèwè e fàaà dìì, yèè mìŋ do nyiŋ nàŋ kìlìè kiti diɛŋ wèè maŋ jùumù nyiŋ màŋ.

Nyɛ̀nɛ̀ŋ 10:47

“Wo nyùùŋ gbiŋ ɓɛ̀nɛ̀ŋ kèèwè anyùùŋ nyɛɛ̀ŋ naŋ yaà yɛ̀mɛ̀ wo Jìnàŋ Nɛɛmaàŋ nyaŋ kùàŋ feìŋ wèè aŋ go nàŋ nɔ̀ŋ gùùya nyiŋ e wùìyè? Tiŋ zà yàwì bi pɛɛ èiŋ wa yɛ̀mɛ̀ wo Jìnàŋ Nɛɛmaàŋ.”

Nyɛ̀nɛ̀ŋ 13:3

Àŋ naŋ wa kùwò ke tɔùŋ yèè àŋ naŋ zoolò, aŋ nyiŋ gbùwà maŋ kùàŋ diɛŋ yèè àŋ naŋ nyiŋ tùɔ̀ŋ.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 16:33

E tèèngà guùŋ bi sùà wɔŋ dùùm wiiŋ, wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ nyiŋ kɔ̀ɔ̀ koɓɛ̀ bà yèè wò naŋ gùò manɛ̀ŋjèla nyiŋ maŋ. Kpeiŋ wuŋ yèè anyùùŋ nyaŋ gbiŋ ko gboouŋ noo naŋ wa nɔ̀ŋ gùa nyiŋ e tèèngà guùŋ bi sùà.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 23:6

Nààŋ wo Pɔɔ̀ naŋ wa yɛmɛ̀ kɛ̀ ke gbòò anyùùŋ gbèègbèè aŋ Juùù nyaŋ naŋ wa dìè aŋ Sadusiì yèè aŋ Fɛlosiì, wò naŋ kpààŋ sɛiŋ wààŋ, “Nyɛ̀iŋ nààŋ wùìyaim nyàŋ, mìŋ yaà wo Fɛlosiì yèè wo jɔ̀à kòmàŋ wo Fɛlosiì. Mìŋ yaà kɔ̀ɔ̀yɛ̀ e gbài dìì esaɓù kɛ̀ mìŋ kuwa ke jii tùlia kɛ̀ anyuùŋ fàa nyàŋ do ɓɛìŋ nàŋ yèwè e fàaà dìì.”

Nyɛ̀nɛ̀ŋ 24:15

Mìŋ kuwa ke jii tùlia wo Dayà sùà màànààŋ nɔŋ nyiŋ pɛɛ jàà nìŋ kùàŋ dìì lɛ, kɛ̀ anyuùŋ fàa nyàŋ gbiŋ, wo jè tɔ̀ɔ̀nyaàaŋ yèè wo jè maŋ tùwo naanààaŋ do wa nàwèè nàŋ yèwè e fàaà dìì.

Nyɛ̀nɛ̀ŋ 24:21

E keìɛ nɔŋ àŋ naim gbùwà ɗì lɛ nàŋ yaà e yèɛ mìŋ naŋ woò ke miè gbee sùà nààŋ mìŋ sìà nyiìŋ ko fɛɛ̀feìŋ mìàŋ, ‘Mìŋ yaà nàaŋ kɔ̀ɔ̀yɛ̀ e gbài dìì esaɓù kɛ̀ mìŋ naŋ haawè kɛ̀ anyuùŋ fàa nyàŋ do nàŋ yèwè e fàaà dìì wɔŋ nyiiŋ gèeo sùà.’ ”

Nyɛ̀nɛ̀ŋ 24:25

Kɛɛ e jùù naŋ wa nyɛ̀nɛ̀ŋ wo Kanaà Filɛ̀ nààŋ wo Pɔɔ̀ naŋ wòò e kèè e tùwo siaŋ, yèè wo nyùùŋ yɛmɛ̀ wuŋ bi diɛŋ wèè ke kpèèuŋ nɛɛ̀ŋ, yèè ke ɗɔ̀ɔ̀ e gbàiɛ̀ do nàŋ hnè yɛ. Wo Kanaà Filɛ̀ naŋ wòò wo Pɔɔ̀ wààŋ, “E keì wòoɛ̀ yaà naàŋ tɛ̀ɛ̀. Màŋ naàŋ ɓɛ̀nɛ̀ŋ kàa. Kɛɛ sèè mìŋ kɛɛnɛ̀ŋ ɓɛìŋ e ɗewe mìŋ do nàŋ tùɔ̀ŋ weèum.”

Nyɛ̀nɛ̀ŋ 26:8

Wèè kiìŋ nyɛ̀iŋ nyàŋ yaà kià nyaŋ naŋ ɓɛ̀nɛ̀ŋ gè maŋhɛɛ kɛ̀, wo Dayà fè ɓɛ̀nɛ̀ŋ gè wò nyùùŋ è fàa dìì wɔŋ nyiiŋ gèeo sùà?

Nyɛ̀nɛ̀ŋ 4:2

Àŋ naŋ wa tuù esaɓù kɛ̀ aŋ keela tàeɗùù nyaŋ yaà wa kàà sùà anyùùŋ nyaŋ kɛ̀ wo Kanaà Jisɛ̀ yèwà e fàa dìì wɔŋ nyiiŋ gèeo sùà. Tii naŋ wa tɔɔ̀ kɛ̀ anyuùŋ fà nyàŋ gbiŋ do nàŋ yèwè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 6:6

Ke gbòòɛ naŋ wa kìɛ̀ŋ anyùùŋ nyɛɛ̀ŋ koɓɛ̀ aŋ keela nyàŋ. Kpeiŋ aŋ keela nyàŋ naŋ nyiŋ zoolò yèè àŋ naŋ nyiŋ gbùwò maŋ kùàŋ diɛŋ wèè e tɔɔ̀ kɛ̀ àŋ nyiŋ tàeɗùù wèè aŋ nyɛ̀nɛ̀ŋ e tòmo lɛɛ̀.

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

1 Kɔliìŋ 10:2

Ko fuùŋ kùwa dìì yèè wɔŋ juwoɔ̀ sùà aŋ gbiŋ naŋ wa nɔ̀ŋ gùa nyiŋ yèè àŋ naŋ nɔ̀ŋ anyùùŋ màŋjɛ̀wɛ̀ Mòòze.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

Fèle 3:21

Wò do nàŋ kìlè maŋ kpùnàŋ zɔ̀kpɔ̀ wi màŋ, wo miŋ nyɛ̀nɛ̀ŋ maŋ nɔ̀ŋ mààŋ e ɗeweɛ̀ ke kpùnàŋ e jòòwò gaàŋ gbeeuŋ nɛɛ̀ŋ yaà lɛ. Wò do nàŋ tòòmò e gààaŋ wò kuwa lɛ̀ wo hìàŋ manɛ̀ŋ maŋ gbiŋ e kanauŋ nɛ̀ dìì.

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

Hiɓu 11:35

Esàɓù e hààwe aŋ jɔùŋ bà naŋ wa yɛ̀mɛ̀ aŋ wùìya nyiŋ nyàŋ aŋ yèwà e fàaà dìì aŋ kɛ̀ɛ̀ maŋ nyiiŋ gèe sùà. Aŋ zimgbe nyiŋ naŋ wa gè maŋhɛɛ wèè aŋ nyiŋ bilɛ̀ŋ, yèè àŋ naŋ fɔ̀ɔ̀yɛ̀ e keì nyìnga dìì, wèè wo Dayà gè nyiŋ wa nàwèè e fàa dìì wɔŋ nyiiŋ gèe kɛnɛ sùà.

Hiɓu 9:10

Maŋ sàwà mɛɛ̀ŋ yaà nɔŋ wèè e kèè manɛ̀ŋ je yaà manɛ̀ŋ tìa, e kpùlìà maŋ langi màŋ e nyaàiŋ dè e ɗeweɛ̀ è guo yàwi bi lɛ̀, yaà maŋ langi e nyaàiŋ dè maŋ kpùnaŋ wi màŋ, e yèɛ yaà nɔŋ wèè e teenga kpuu e jèèsùà wo Dayà tɔ̀ɔ̀ e keì jɛ̀ì.

2Pììlɛ 3:7

Kɛɛ ke mìè gbòà guùŋ yii wo Dayà naŋ yɛi wa gbòò le, naŋ kìlìè maŋ àìjɛnɛ̀ŋ maŋ yèè e dìì lɛɛ̀ nàaŋ kùàŋ feìŋ wèè e hmɔ̀ɔ̀ŋ go miŋ nàŋ pɔɔpɔ̀ɔ̀, e jèèsùà ke ɗɔ̀ɔ̀ gbài kitiɛ̀ diɛŋ wo Dayà wo gbàì anyuùŋ gò nyìmàŋ Dayà nyaŋ e kìlà wo nyiŋ sìà e hmɔ̀ɔ̀ŋ wa nàwèè.