Hiɓu 6:12 - WƆŊ FƐ̀Ì EBÒ SÌÀŊ DAYÀA

¹² E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

Hiɓu 6:12 ပူးပေါင်းရင်းမြစ်များ

Hiɓu 13:7

Ɓɔ̀ nìŋ nyɛɛnɛ̀ŋ è kèè àŋ sìèfeìŋ gɔuiŋ nyàŋ, aŋ yè nyaŋ naiŋ wa kàà ke mìè Dayà nyàŋ. Kɛ̀ɛ̀nɛìŋ ke jii jàa wèè e nyaàiŋ dè e ɗeweɛ̀ àŋ naŋ nyɛ̀nɛ̀ŋ maŋ nyiiŋ gèe nyiŋ màŋ sùà lɛ, yèè niŋ kamè ɗewe wèè niŋ kɛ̀ɛ̀nɛ̀ŋ hààwe màànààŋ àŋ kuwa wa lɛ̀.

Hiɓu 10:36

Nìŋ kuwa nàŋ kɛ̀ɛ̀nɛ̀ŋ maŋ jii tɔumtɔ̀ùm, wèè kɛ̀ niŋ nyɛ̀nɛ̀ŋ e yèɛ wo Dayà manaŋ lɛ̀, yèè nìŋ do nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè woiŋ kiɛ̀ŋ lɛ.

1Jɔ̀ɔŋ 2:25

Yèè tɛɛ̀ wo Jisɛ̀ naŋ wa ɓèèmè e ɗààhiì diɛŋ kɛ̀, wò do wi nàŋ kìɛ̀ŋ wɔŋ nyiiŋ gèe gò jùà.

Luùm 12:11

Ɓɔ̀ mùŋ nɔ̀ŋ wò nyuùŋ jɛ̀kɛ, kɛɛ tòmò tɛ̀ɛ̀. Zòòloò sɛmɛ e wùànàŋ gbee sùà e teenga gbiŋ wèè wo Jìnàŋ Nɛɛmaàŋ nɔ̀um maŋjɛ̀wɛ, e kìlà muŋ nɔ̀ŋ wo ɗo wèè wo Kanaà Dayà.

Hiɓu 5:11

È zimgbe niŋ yaào wèè e weè nɔ̀ŋ wòo niŋ e nyaàiŋ dè keì lɛɛ̀, kɛɛ è naŋ nyìngè wòo, esaɓù kɛ̀ nìŋ naŋ gbɔ̀mgbɔ̀ɔ̀ maŋ jii wèè naŋ nyìmàŋ e nɛ̀ŋ.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

Jìiiŋ 1:3

esaɓù nàŋ nyìmàŋ kɛ̀ sèè e hààweiŋ nɛ̀ kɔɛ̀ maŋ nɔnɔŋ tùaŋ dìì, è tɔɔ̀ kɛ̀ nàŋ mààŋ maŋ nɔnɔŋ tùaŋ mɛɛ̀ŋ sùà è jùà, e jìwàjɛ̀wɛ̀iŋ nɛ̀ nàŋ yaà e ɓɛ̀nɛiŋ nɛ̀ wèè naŋ kɔ̀à e hààweiŋ nɛ̀ feìŋ keleiŋ.

Hiɓu 12:1

È kùwàìŋ ke gbòò aŋ seì zimgbe kè naŋ wi kiliè yɛ. Weètii, gèe wiìŋ maŋ keì maŋ gbiŋ kùàŋ sùà, maŋ yè maŋ do wi nàŋ kèèwè kùàŋ feìŋ, yèè maŋ jùumù maŋ do wi nàŋ deeyè maŋ. Ɗèwè wiìŋ wèè e kɛɛnɛ̀ìŋ maŋ kpèè siaŋ maŋ nyiiŋ gèe wi màŋ sùà.

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Luùm 4:12

Tɛɛ̀ naŋ ɓɛìŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdà aŋ yè nyaŋ kinɛiŋ àŋ naŋ jàà kpùa nyàŋ, yèè aŋ naŋ hààwè Dayà, màànààŋ wo Eɓulɔhɛɛ̀ŋ naŋ wa nyɛ̀nɛ̀ŋ paŋgàà wò naŋ wa nɔ̀ŋ kpùà jààuŋ lɛ̀.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

Maŋ kèì nyɛɛnɛŋ 13:10

Wo nyùùŋ nɛɛmaàŋ bà gbiŋ wo yèɔ wo Dayà naŋ sɔ̀ dèè wèè aum kùwà wɔ, àŋ doum nàŋ kùwò. Wo yèɔ naŋ sɔ̀ dèè wèè auŋ jìwìà e koya wɔ̀, àŋ douŋ nàŋ jìwìè koya. Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà, e kìlà aŋ jèè e hààwe sùà.”

Hiɓu 11:33

E yìwìà esàɓù hààweɛ̀ àŋ kuwa wa lɛ̀, àŋ naŋ sùmìè maŋ kànà fuɔŋ ɗi yèè àŋ naŋ miŋ ɓùlò. Àŋ naŋ wa nyɛ̀nɛ̀ŋ tɔ̀ɔ̀nyaàŋ, yèè wo Dayà naŋ nyiŋ wa kìɛ̀ŋ e nɛ̀ɛŋ wò naŋ wa jɔ̀ɔ̀ e ɗààhiì wèè wo nyiŋ kiɛ̀ŋ lɛ. Àŋ naŋ wa ɓùwò maŋ nyààŋ aŋ nyàa nyàŋ,

Hiɓu 6:15

Wo Eɓulɔhɛɛ̀ŋ naŋ wa kùwò ke jiiuŋ nɛɛ̀ŋ, kpeiŋ wò naŋ wa yɛ̀mɛ̀ e nɛ̀ɛŋ wo Dayà naŋ jɔ̀ɔ̀ ɗààhiì kɛ̀ wò douŋ wa nàŋ kiɛ̀ŋ lɛ.

2Tɛsè 1:4

Weètii yàwi bi è woà kiiŋ maŋ gbòò anyuùŋ hààwe nyàŋ sùà maŋ sààŋ Dayà maŋ dìì. È woà e kiiŋ e nyaàiŋ dè e ɗeweɛ̀ nìŋ yaà kɔ̀ɔ̀yɛ̀ feìŋ e kìlà nìŋ naŋ haawè jòòpɛɛ àŋ jààìŋ maŋ keì e ɗì yèè nìŋ kɔ̀à maŋ mɔ̀ɔ̀nɛŋ zimgbe bà dìì lɛ.

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Maafiù 22:32

‘Miàŋ nàŋ yaà wo Dàyà Eɓulɔhɛɛ̀ɔŋ, wo Dayà Ààzeɔ̀, yèè wo Dàyà Jègɔɔ̀.’ Wuŋ nàŋ yaà wo Dàyà anyuùŋ gè nyiiŋ nyàŋ, wo fè wèè ànyuùŋ fàa nyàŋ.”

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

Luù 16:22

Wo felaa pɔ̀ɔɔ̀ naŋ wa fɔ̀ yèè aŋ màikà nyaŋ nauŋ kɔɔ̀ aŋ jàà wo Eɓulɔhɛɛ̀ŋ kɔɔ ko àìjɛnɛ̀ŋ. Wo kenàŋ bàneɔ̀ wuŋ pɛɛ naŋ wa fɔ̀ yèè àŋ nauŋ sìè.

Maafiù 25:26

Yèè wo kààmɔ̀ɔ̀ŋ wo ɓɔìjɔ̀àa nauŋ woò wààŋ, ‘Mùŋ naŋ jɛkɛ̀ yèè mùŋ siaŋ nɔŋ wèè foo! Màŋ nyìmàŋ kɛ̀ mìŋ kpaa manɛ̀ŋ komaŋ màŋ yè maŋ miŋ gò nyùàŋ maŋ, yèè mìŋ gbonàŋ manɛ̀ŋ komaŋ e yìwìà ko ɓùi miŋ gò vààì mànɛ̀ŋ komaŋ lɛ̀.