Hiɓu 6:1 - WƆŊ FƐ̀Ì EBÒ SÌÀŊ DAYÀA

¹ Kàmè wiìŋ ɗewe e nɔ̀iŋ anyuùŋ kàmaiŋ, yèè e tɔɔtùiŋ gòngo wèè e nyɛ̀nɛ̀iŋ maŋ kèì nyɛ̀nɛ̀ŋ nyuùŋ kàmaiŋ. Kɛɛ ɓɔ̀ è nɔ̀ŋ màŋ keì jiɛ̀jiɛ̀ maŋ è naiŋ wa gbeè maŋ sùà e nyaàiŋ dè wò Jisɛ̀ Kulaì. Ɓɔ̀ è nɔ̀iŋ ɓɛìŋ wòo sùà è kèè kè kpèè jɛi tɔ̀ɔ̀tu wèè eiŋ fè maŋ tùwo naanààŋ wi màŋ jɛwɛ maŋ yè maŋ hiàŋ e fàa màŋ, e kìlà eiŋ ɗewè wèè eiŋ kɛ̀ɛ̀nɛ̀ŋ hààwe wo Dayà sùà.

Hiɓu 6:1 ပူးပေါင်းရင်းမြစ်များ

Maafiù 21:29

Yèè wo jɔ̀àfelaauŋ nɔɔ̀ŋ nauŋ fasàì wààŋ, ‘Miŋ naàŋ kɔ̀,’ kɛɛ eɓìèmàŋjɛ̀wɛ̀, wò naŋ kìlè kè jiiuŋ nɛɛ̀ŋ yèè wò naŋ kɔ̀ ko ɓùi.

Maafiù 21:32

Mìŋ woàìŋ tɛɛ̀ esaɓù kɛ̀, jòòpɛɛ e teengaà wo Jɔ̀ɔŋ Gùà Nyùnɔ̀ɔŋ naiŋ wa tɔ̀ɔ̀ ke dòmaŋ tɔ̀ɔ̀nyaàŋ lɛ̀, niŋ gòuŋ wa haawè. Kɛɛ anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyuùŋ nyɛ̀nɛ̀ŋ maŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nauŋ wa haawè. Yèè nààŋ pɛɛ nìŋ naŋ wa yɛ̀mɛ̀ e yèɛ àŋ nyɛ̀nɛ̀ŋ lɛ̀, maŋ jiiŋ màŋ gò wa kìlà wèè nauŋ haawè.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Maafiù 5:48

Nìŋ kuwa naŋ nɔ̀ŋ anyùùŋ tɔ̀ɔ̀nyaàŋ, màànààŋ nɔŋ wo Dèdaiŋ nɔɔ̀ŋ ko àìjɛnɛ̀ŋ yaà lɛ.

Maafiù 7:25

Maŋ gɔ̀àà maŋ naŋ sɔ̀ɔ̀, maŋ wùìyè maŋ jòwà, wɔŋ dùfòì gbee naŋ mààŋ wɔŋ ɓùlà ke saaàŋ. Kɛɛ ke gò wa sɔ̀àà esaɓù kɛ̀ wò naŋ wa tɔ̀ɔ̀tù ke saauŋ nɛɛ̀ŋ nyɛ̀lɛ wɔŋ duò tàà diɛŋ.

Luù 6:48

Wò yaà mààŋ wo felaaà wo yèɔ naŋ tòmò e dììɛ tɛ̀ɛ̀ wèè wo ɓɛnɛ̀ŋ tɔ̀ɔ̀tù nyɛ̀lɛ̀ e kpèè ke saauŋ nɛɛ̀ŋ wɔŋ duò tàà diɛŋ. Maŋ gɔ̀àà maŋ naŋ sɔ̀ɔ̀, e wùìyèɛ jòwà e kìlìà ke saaàŋ, kɛɛ ke gò wa mɛɛmɛ̀ɛ̀ŋ, esaɓù kɛ̀ wò naŋ nyiŋ wa nyɛ̀lɛ̀ tɛ̀ɛ̀ wɔŋ duò tàà diɛŋ.

Jɔ̀ɔŋ 12:44

Yèè ke miè gbeeo sùà wo Jisɛ̀ naŋ woò wààŋ, “Wo nyùnɔ̀ɔŋ gbiŋ kùwàìm e hààwe ko sùà wɔ, wò kuwa e hààwe wo nyùnɔ̀ɔŋ naim tùɔ̀ŋ wɔ ko sùà wuŋ pɛɛ.

Jɔ̀ɔŋ 14:1

Wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ jiiŋ màŋ ɓɔ̀ màŋ mɔɔnɛ̀ŋ. Kɛ̀ɛ̀nɛìŋ e hààwe wo Dayà sùà yèè kɛ̀ɛ̀nɛŋ nìim e hààwe sùà.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

1 Kɔliìŋ 13:10

kɛɛ sèè e yèɛ naŋ dìò sùà lɛ è hnàŋ, e yèɛ gò dìà sùà lɛ do nàŋ jɔɔnɔ̀ŋ.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

2 Kɔliìŋ 7:10

Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:5

E teengaà è yààìŋ wa aŋ fà wi wo jinàaŋ sùà esàɓù maŋ keì naanààŋ wi màŋ lɛ, wò naŋ wi kɛ̀lɛ̀ɛ̀ wɔŋ nyiiŋ gèeɔ̀ sùà yàwi nààŋ Jisɛ̀ Kulaì. È naiŋ yɛ̀mɛ̀ e jòèye esàɓù e tɛ̀ɛ̀tɛ̀ɛ̀ Dayàa sùà.

Ɛfesɔ̀ 4:12

Wò naŋ tɛɛ̀ nyɛ̀nɛ̀ŋ wèè wo bànèbànè anyùùŋ nɛɛmaŋ nyàŋ gbiŋ wèè e tòmò Dayàa nyɛ̀nɛŋ, e wèè aŋ nyɛ̀nɛ̀ŋ anyùùŋ màŋjɛ̀wɛ̀ Jisɛ̀ Kulaì nyaŋ aŋ kɛɛnɛ̀ŋ gààŋ ke kpùnàŋ guùŋ sùà.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

Kòlo 3:14

E mànaŋ kuwa e sɛmɛmaŋ e nìàŋ e keì ɗewe gbiŋ. Tiŋ nàŋ jaanàŋ manɛ̀ŋ maŋ gbiŋ koɓɛ̀ guùŋ kpaŋ.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Time 6:19

Sèè àŋ nyɛnɛŋ maŋ keì sìàŋ mààŋ mɛɛ̀ŋ, àŋ do nàŋ kɛ̀ɛ̀nɛ̀ŋ e sùlò e yèɛ do nàŋ nɔ̀ŋ e kpèe nyìngàà sùà wèè ko dòmàŋfeìŋ nyiŋ niìŋ. E kìlà àŋ do nàŋ ɓɛ̀nɛ̀ŋ yɛ̀mɛ̀ wɔŋ nyiiŋ gèe wɔŋ yèɔ yaà nyììŋ gè tɔ̀ɔ̀nyaàaŋ wɔŋ.

2Time 2:19

Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

Hiɓu 11:6

Wo nyùùŋ gbiŋ fè ɓɛ̀nɛ̀ŋ nyɛ̀nɛ̀ŋ è yèɛ wò Dayà manàŋ lɛ̀ sèè wò go kɛ̀ɛ̀nɛ̀ŋ hààwe, esaɓù kɛ̀ wo nyùnɔ̀ɔŋ gbiŋ hnàŋ wo koɓɛ̀ Dayài wɔ̀ kuwa wo kɛ̀ɛ̀nɛ̀ŋ hààwe kɛ̀ wo Dayà yaà wɔŋ nyiiŋ gèeɔ̀ sùà, yèè wò kiɛ̀ŋ e jìwààjɛ̀wɛ̀ koɓɛ̀ anyùùŋ gbiŋ kamàuŋ nyaŋ.

Hiɓu 7:11

Wo Dayà naŋ wa kìɛ̀ŋ maŋ sàwà koɓɛ̀ anyunùuŋ nyàŋ e yìwìà ko Ezɔ̀ɛ̀, e teengaà wò naŋ wa kìɛ̀ŋ maŋ sàwà e nyaàiŋ dè aŋ sìèfèìŋ zòòlo nyàŋ. Sèè e yèɛ aŋ sìèfèìŋ zòòlo nyàŋ e yìwìà ke kpòò Liivàa sùà naŋ wa nyɛ̀nɛ̀ŋ lɛ, naŋ wa weè ɓɛ̀nɛ̀ŋ nyɛ̀nɛŋ wèè wò Dayà jùùyà anyùùŋ hakɛ̀ kpɛlɛmɛɛŋ, kɛ̀ tɔɔɓaa esaɓù bà fè weè ɓɛìŋ wèè wò sìèfèìŋ zòòlo joo bà wo hnàŋ, wo yèɔ yewe ke gbòò aŋ sìèfèìŋ zòòlo nyàŋ sùà e nyaàiŋ dè wo Mɛ̀kisiɗɛ̀, kɛɛ e fè e yìwìà ke gbòò aŋ sìèfèìŋ zòòlo nyàŋ ke kpòò Èlɔuɛ̀ŋ sùà.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Jìiiŋ 1:4

Nyɛ̀nɛìŋ niŋ e kpàŋ è kɔɔiŋ e gàaŋ niŋ kuwa e hààweiŋ nɛ̀ sùà lɛ e koàiŋ niŋ e haì ko dìaì niŋ fè sɔ̀à lɛ. Wèè kɛ̀ maŋ kpèèiŋ màŋ nɔ̀ŋ sengei e jùà jɛ̀wɛ̀ gbɛlɛiŋ e nɛ̀ŋ gbiŋ fè jòò jɛ̀wɛ̀. Weètii nyɛ̀iŋ gbiŋ ɓɔ̀ nìŋ soò màŋ kpèè siaŋ kɛ̀ɛ̀nɛŋ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.