Hiɓu 5:5 - WƆŊ FƐ̀Ì EBÒ SÌÀŊ DAYÀA

⁵ E ɗèwè guùŋ bi sùà nɔŋ, wo Jisɛ̀ Kulaì gò wa kìɛ̀ŋ wuŋ bi è dɛ̀ɛ̀kɛ wèè wo nɔ̀ŋ wò kànà sìèfèìŋ zòòlo gbee. Kɛɛ wo Dayà nauŋ wa woò wààŋ, “Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.”

Hiɓu 5:5 ပူးပေါင်းရင်းမြစ်များ

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Jɔ̀ɔŋ 8:54

Wo Jisɛ̀ naŋ nyiŋ fasàì wààŋ, “Sèè ka tɛ̀nɛ̀ŋ miàŋ bi, è yaà wèè foo. Wo Dèda miɔ̀ŋ wuŋ bi nàŋ dɛɛkɛ̀ìm. Nìŋ naŋ woò kɛ̀ wuŋ nàŋ yaà wo Dayàiŋ nɔɔ̀ŋ,

Nyɛ̀nɛ̀ŋ 13:33

Wò niŋ naàŋ nyɛ̀nɛ̀ŋ weè wi, nààŋ wò naŋ gè wo Jisɛ̀ e fàa dìì wɔŋ nyiiŋ gèeɔ̀ sùà. È yaà nɔŋ màànààŋ è yaà sìnga niŋ wɔŋ fɛ̀ì dìà tìyèè Saààm sùà lɛ wààŋ, ‘Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.’

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Hiɓu 1:1

E teenga gɔuɛ̀ sùà, wo Dayà naŋ wa gbòò koɓɛ̀ aŋ nèwàènèwe wi nyàŋ e yìwìà aŋ wɛ̀ijìuŋ nyàŋ sùà e teenga zimgbe yèè maŋ ɗewe kii zimgbe sùà,

Hiɓu 1:5

Èiŋ tii nyìmàŋ esaɓù kɛ̀, wo Dayà gò wa wòò wò màikàuŋ nɔɔ̀ŋ bà gbiŋ wààŋ, “Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.” Wo Dayà gò wa wòò è kèè wò màikà bà gbiŋ wààŋ, “Mìŋ do nàŋ nɔ̀ŋ wo Dèdauŋ nɔɔ̀ŋ, e kìlà wò do nàŋ nɔ̀ŋ wo jɔ̀àfelaa miɔ̀ŋ.”

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 5:10

Eɓìèmàŋjɛ̀wɛ̀ tii, wo Dayà naŋ tà wo Jisɛ̀ ɗùù wèè wo nɔ̀ŋ wo kànà sìèfèìŋ zòòlo gbee mààŋ wo Mɛ̀kisiɗɛ̀.