Hiɓu 5:13 - WƆŊ FƐ̀Ì EBÒ SÌÀŊ DAYÀA

¹³ Wo nyùnɔ̀ɔŋ gbiŋ yaa nɔŋ maŋ yaà màì wèè e nɔ̀ŋ e nɛ̀ŋjeuŋ wɔ̀, wò yaà mààŋ wo jɔaa wo yèɔ nyimààŋ kɛ̀ kiìŋ nàŋ yaà è tɔ̀ɔ̀nyaàŋ yèè è keì naanààŋ.

Hiɓu 5:13 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Luùm 2:20

Nyɛ̀iŋ nàŋ dè anyùùŋ ɓàaɓàa nyàŋ ke dòmaŋ siaŋ diɛŋ, yèè nìŋ yaà aŋ kààmɔɔŋ wèè anyuùŋ gò nyìmàŋ nɛ̀ŋ nyaŋ. Nìŋ naŋ haawè kɛ̀ nàŋ nyìmàŋ maŋ Sàwà Dayà maŋ yaà e tɔ̀ɔ̀nyaàaŋ.

1 Kɔliìŋ 13:11

E teengaà mìŋ yaà wa wo jɔ̀àkàiŋ lɛ̀, mìŋ gboo wa mààŋ wo jɔ̀àkàiŋ, ka gongò mààŋ wo jɔ̀àkàiŋ, Ka jàà keì kùàŋ dìì mààŋ wo jɔ̀àkàiŋ. E teengaà mìŋ naŋ naàŋ kamàìŋ nɛ, kà dàngè maŋ tùwò jɔ̀àkàiŋ.

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 3:1

Tɔɔɓaa tiŋ, nyɛ̀iŋ nààŋ wùìyaim nyàŋ, miŋ fèiŋ wa ɓɛ̀nɛ̀ŋ gbòà kɔɔ mààŋ anyuùŋ kùwìè Jìnàŋ Dayàa, mìŋ kuwa wa nɔ̀ŋ wèè kaiŋ gbòà kɔɔ mààŋ anyùùŋ nyaŋ yaà maŋ kpèè ɗuunyaŋ màŋ maŋjɛ̀wɛ nyàŋ, mààŋ aŋ jɔaa wo Jisɛ̀ Kulaì sìwè.

2 Kɔliìŋ 3:9

Sèè ke nyɛ̀nɛɛ̀ŋ hiàŋ e nìmìlà fàa lɛ̀ naŋ kùwìè e jòòwo, kɛ̀ ke nyɛ̀nɛɛ̀ŋ hiàŋ e jòèye lɛ̀ do nàŋ kùwìè e jòòwo gbee!

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

2Time 3:16

Maŋ mìè gbòa màŋ gbiŋ wɔŋ fɛ̀ì Dayàa sùà, màŋ yewe wo Dayà sìwè yèè màŋ yaà tɛ̀ɛ̀ wèè tòòmo, wèè e tɔ̀ɔ̀nyaàaŋ kàa, maŋ gè maŋ keì naanààŋ pɛɗì, maŋ dè nyùùŋ ke dòmaŋ siaŋ diɛŋ sèè wò nyɛnɛŋ keì ɓàa, yèè maŋ kàà nyùùŋ wo nɔ̀ŋ tɛ̀ɛ̀ wɔŋ nyììŋ gè e tɔ̀ɔ̀nyaàŋ sùà,

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.

2Jɔ̀ɔŋ 1:11

Wo nyùùŋ gbiŋ naŋ jàà anyùùŋ mààŋ nyɛɛ̀ŋ kùàŋ dìì wɔ, wò nɔ̀ŋ wo bà nyiŋ bà wèè maŋ kpèè naanààŋ maŋ àŋ nyɛ̀nɛŋ màŋ.