Hiɓu 5:1 - WƆŊ FƐ̀Ì EBÒ SÌÀŊ DAYÀA

¹ Wo kànà sìèfèìŋ zòòlo gbee gbiŋ, wo Dayà nauŋ tàeɗùù wèè wo tomo wèè anyuùŋ joo, yèè wèè wo hiàŋ manɛ̀ŋ kìɛŋ e saaà gèe sùà wèè wo Dayà juuyà maŋ jùùmù anyunùuŋ nyàŋ hakɛ̀.

Hiɓu 5:1 ပူးပေါင်းရင်းမြစ်များ

Luùm 15:17

Nààŋ mìŋ yaà wo bàimbà wo Jisɛ̀ Kulaì sùà lɛ, ke jii naim fɔ̀ wèè e tòmoɛ̀ mìŋ nyɛnɛŋ wèè Dayà lɛ.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

Hiɓu 10:11

Wo sìèfèìŋ zòòlo gbiŋ wo yèɔ yaà wo Juùù nyuuŋ wɔ, nyɛnɛŋ e tòmouŋ nɛ̀ ke ɗɔɔ gbiŋ, e kìlà wo fè manɛ̀ŋ kìɛŋ e saaà gèeo sùà e teenga zimgbe. Kɛɛ maŋ saaà gèe mɛɛ̀ŋ fè gùà màŋ jùùmù nyùùŋ gbiŋ.

Hiɓu 10:12

Wo Jisɛ̀ Kulaì naŋ wa kìɛ̀ŋ wuŋ bi e saaà gèeo sùà, e sàà gè ɗì guùŋ bi kuwa sɛmɛmaŋ, yèè è teenga gbiŋ è guo maŋ jùumù wi màŋ, e kìlà wò naŋ jɛ̀ì wɔŋ kùàŋ jìkà Dayàa wèè woo jèè jɛ̀i.

Hiɓu 11:4

E hààwe naŋ wa nyɛ̀nɛ̀ŋ wo Eɓɛ̀ɛ̀ naŋ kìɛ̀ŋ wo Dayà e nɛ̀ŋ saaà kɛnɛ e nìàŋ e yèɛ wo Kiìŋ naŋ wa kiɛ̀ŋ lɛ. E yìwìà e hààweuŋ nɛ̀ sùà wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ, esaɓù kɛ̀ wo Dayà wuŋ bi naŋ wa jàà kùàŋ dìì wèè e nɛ̀ŋ kìɛuŋ nɛ̀. Esàɓù e hààweuŋ nɛ̀ sùà wo Eɓɛ̀ɛ̀ kòò wò yaà nɔŋ gbuuye, jòòpɛɛ wo fè ɓɛìŋ wɔ̀ŋ nyiiŋ gèeɔ̀ sùà.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 7:27

Wo fè mààŋ àŋ kànà sìèfèìŋ zòòlo gbànaŋ nyàŋ. Wo kuwà èsaɓù bà wèè wo gè màŋ saaà kè ɗɔɔ gbiŋ wèè maŋ jùùmù wuŋ bi màŋ jiɛ̀ yèèngàà wò gè ɓɛìŋ è saaà wèè màŋ jùùmù ànyuùŋ gbànaŋ nyàŋ. Wò naŋ wa gè e sàà ɗì guùŋ e sùà guùŋ yèè wèè anyùùŋ nyaŋ gbiŋ, e teengaà wò naŋ wa gììyè wuŋ bi saaà lɛ.

Hiɓu 8:3

Wo Kanaà Dayà naŋ wa tà wo kànà sìèfèìŋ zòòlo gbee gbiŋ ɗùù wèè wo kiɛ̀ŋ manɛ̀ŋ kìɛŋ, yaà maŋ ɗolònɛ̀ŋ e saaà gèeo sùà koɓɛ̀ Dayài, weètii wo Kànà Sìèfèìŋ Zòòlo Gbee wiɔ̀ Jisɛ̀ Kulaì, kuwa wo kìɛ̀ŋ e nɛ̀ŋ bà wuŋ pɛɛ.

Hiɓu 8:4

Sèè wò go weè nɔ̀ŋ e ɗuunyaàŋ, wo naàŋ weè nɔ̀ŋ wò sìèfèìŋ zòòlo gbiŋ, nààŋ aŋ sìèfèìŋ zòòlo kòò àŋ yaà kià aŋ yè nyaŋ kiɛ̀ŋ manɛ̀ŋ kìɛŋ e saaà gèeo sùà koɓɛ̀ Dayài nààŋ ke Sàwà Dayàa naŋ tɔɔ̀ wèè aŋ nyɛ̀nɛ̀ŋ lɛ.

Hiɓu 9:9

Tɛɛ̀ gbiŋ è yaà wɔŋ miimiiŋ wèè e yèɛ yaà e sɛmɛmaŋ niŋ lɛ̀ e teenga lɛɛ̀ sùà nàaŋ. Tɛɛ̀ naŋ tɔɔ̀ kɛ̀ manɛ̀ŋ kìɛŋ màŋ yaà maŋ ɗolònɛ̀ŋ maŋ àŋ giiyà saaà maŋ koɓɛ̀ Dayài fè ɓɛ̀nɛ̀ŋ nyɛ̀nɛ̀ŋ kè jìì wò nyuùŋ zòòloɔ̀ ke zɛ̀nɛ̀ŋ.