Hiɓu 4:14 - WƆŊ FƐ̀Ì EBÒ SÌÀŊ DAYÀA

¹⁴ È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

Hiɓu 4:14 ပူးပေါင်းရင်းမြစ်များ

Maafiù 4:3

Kpeiŋ wo Sɛ̀tanàaŋ, wo nyuùŋ wàauŋ nɔɔ̀ŋ naŋ hnè ko nɛ̀ɛ̀uŋ niìŋ yèè wò nauŋ woò wààŋ, “Sèè mààŋ muàŋ nàŋ yaà wo Jɔ̀àfèlàà Dayàa, kɛ̀ wòò le dùò lɛɛ̀ e kìlà e gbɔ̀u wèè muŋ gbìlà.”

Luù 24:51

Nààŋ wò yà nyiìŋ wa gbìàŋ sùà e zòòlo maŋjɛ̀wɛ, wò naŋ nyiŋ jòò wo jòwà ko àìjɛnɛ̀ŋ.

Nyɛ̀nɛ̀ŋ 1:11

Aŋ felaa nyàŋ naŋ nyiŋ dawè nyààŋ, “Nyùnòò fùɔ̀ŋ Galaliì nyɛɛ̀ŋ, wèè kiìŋ nìŋ sia kià nìŋ yaà yɛ̀ɛ̀mɛ̀ ke nyiliɛ̀? Wo Kanaà Jisɛ̀ wɛɛ̀ wo Dayà naiŋ yaà gè sìwè wò naŋ kɔ̀ ko àìjɛnɛ̀ŋ wɔ, do ɓɛìŋ nàŋ kɛɛ̀ e ɗèwè guùŋ nɛ sùà màànààŋ nɔŋ nìŋ nauŋ yɛmɛ̀ wò naŋ jòwò ko àìjɛnɛ̀ŋ lɛ.”

Nyɛ̀nɛ̀ŋ 3:21

Wo Jisɛ̀ do nàŋ jèè ko àìjɛnɛ̀ŋ e jèèsùà e teengaà e hnàŋ wèè manɛ̀ŋ maŋ gbiŋ nɔ̀ŋ bàne miŋ jɛ̀ì, màànààŋ nɔŋ wo Dayà naŋ wa gbùùyè aŋ kèèlà nɛɛmaŋ gɔuŋ nyàŋ sùà lɛ.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

2 Kɔliìŋ 12:2

Mìŋ naŋ nyìmè wo nyuùŋ hààwè Jisɛ̀ Kulaìɔ bà guùŋ, maŋ dòà zììyà jɛ̀wɛ̀ tiinàŋ naàŋ mààŋ. Wò naŋ wa jòwò ko àìjɛnɛ̀ŋ dìà taaiì, kɛ̀ɛ̀ ɓàà tɔɔɓaa tɛɛ̀ naŋ wa kààìŋ kè kpùnaàŋ sùà ɔ̀ɔ̀ wò fè wa kè kpùnaàŋ sùà, tɛɛ̀ nààŋ miŋ nyimààŋ, wo Dayà naŋ tii nyìmè.

2 Kɔliìŋ 9:13

Esàɓù e tɔ̀ɔ̀màŋseìɛ e tòmo kiiiŋ nɛɛ̀ e tòmò Dayàa sùà è yaà hìaŋ sùà lɛ, anyuùŋ zimgbe do nàŋ kìɛ̀ŋ wo Dayà e ɓɛ̀ɛ̀jàa, yèè e tɛ̀nɛŋ, wèè e jɔ̀ɔ̀lɔiŋ nɛ̀ koɓɛ̀ ke mìè gbìàŋ Ebò Sìàŋ Jisɛ̀ Kulaìɛ, ke yèɛ nìŋ naŋ nyimèè yɛ, yèè wèè e nɛ̀ŋ gè kùàiŋ nɛ̀ nìŋ goonàŋ naŋ nyiŋ kiɛ̀ŋ ke gbòò anyuùŋ hààwe nyàŋ e kpùlìà anyuùŋ gbànaŋ nyàŋ gbiŋ lɛ.

Ɛfesɔ̀ 4:10

Yèè è naŋ ɓɛìŋ fasàì kɛ̀ wo nyùnɔ̀ɔŋ nɔŋ naŋ wa dèyè wɔ, wo nyùùŋ guùŋ bi nɔŋ naŋ wa jòwò ke nyiliɛ̀ dìmɛ̀ wèè e fɛɛ̀uŋ kpɛ̀lɛ̀ manɛ̀ŋ bànè Dayà maŋ gbiŋ diɛŋ.

Hiɓu 1:8

Wo Dayà naŋ woò e nyaàiŋ dè wo Jɔ̀àfelaauŋ nɔɔ̀ŋ e ɗewe gbio sùà wààŋ, “Oo Dayà, e kana mɔ̀ɛ̀ do nàŋ nɔ̀ŋ wèè julɔfɔ yèè julɔfɔ! E teenga gbiŋ sèè mùŋ haà e kiti anyunùum nyàŋ diɛŋ, mùŋ nyɛ̀nɛ̀ŋ niìŋ e tɔ̀ɔ̀nyaàŋ sùà!

Hiɓu 10:12

Wo Jisɛ̀ Kulaì naŋ wa kìɛ̀ŋ wuŋ bi e saaà gèeo sùà, e sàà gè ɗì guùŋ bi kuwa sɛmɛmaŋ, yèè è teenga gbiŋ è guo maŋ jùumù wi màŋ, e kìlà wò naŋ jɛ̀ì wɔŋ kùàŋ jìkà Dayàa wèè woo jèè jɛ̀i.

Hiɓu 10:23

Kùwà wiìŋ koɓɛ̀ guùŋ kpaŋ wèè ke jii tùliaà è woàìŋ kɛ̀ kè yaà weè wilɛ̀, esaɓù kɛ̀ èiŋ ɓɛ̀nɛ̀ŋ kɛ̀ɛ̀nɛ̀ŋ e hààwe wo Dayà sùà wèè e ɗààhiìɛ wò naŋ banè lɛ ko nɛ̀ɛ̀ŋ wiì.

Hiɓu 10:29

Kɛɛ ngèè è do nàŋ nɔ̀ŋ e keì nyìnga gbee koɓɛ̀ wo nyùnɔ̀ɔŋ do nàŋ gììyè wo Jɔ̀àfèlàà Dayàa maŋhɛɛ wɔ̀, yèè wo hìàŋ e ɓɛ̀ɛ̀pɔ̀ɔ koɓɛ̀ maŋ sɛ̀ìŋ e ɗààhìì e mìèsùàgùùŋ Dayàa naŋ nyɛ̀nɛ̀ŋ è naiŋ nɔ̀ŋ nɛɛmaŋ sùà lɛ. Yèè è do nàŋ nɔ̀ŋ e nɛ̀ŋ gò zɛ̀nɛ̀ŋ wèè wo nyùnɔ̀ɔŋ do nàŋ kìɛ̀ŋ ke mìè ɓɛ̀ɛ̀pɔ̀ɔ koɓɛ̀ wo Jìnàŋ Nɛɛmaàŋ, wo yèɔ tɔɔ̀ wì ke nyowo wɔ̀.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 6:20

Wèè esaɓù wilɛ̀, wo Jisɛ̀ naŋ wi kɔ̀ ko feìŋ ko fɛ̀ɛ̀fèìŋ Dayà, yèè wuŋ nàŋ yaà wo kànà sìèfèìŋ zòòlo gbee wiɔ̀ wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.

Hiɓu 6:6

Anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. E nɛ̀ɛŋ àŋ do nàŋ nɔ̀ɔ̀ŋ nyinie lɛ̀ nàŋ yaà e kèì guùŋ nɛ, màànààŋ nɔŋ àŋ naŋ wa kpùùnyɛ̀ŋ wo Jɔ̀àfèlàà Dayàa wɔŋ vànèkpaaà diɛŋ yèè àŋ nauŋ sìè sàngè ko ɓài.

Hiɓu 7:3

Wɔŋ fɛi gò wi woò sèè mààŋ ɓòò nàŋ yaà wa wo dèdà Mɛ̀kisiɗɛ̀ɔ ɔ̀ɔ̀ wo yèyeuŋ nɔɔ̀ŋ, ɔ̀ɔ̀ ɓòò nyiŋ nàŋ yaà wa aŋ nèwàènèuŋ nyàŋ. Wɔŋ fɛi gò wi wòò è kèè è kòmàŋ kiiuŋ nɛ̀ ɔ̀ɔ̀ kò jèè ɗì wɔ̀ŋ nyiiuŋ nɔɔ̀ŋ. Wò yaà mààŋ wo Jɔ̀àfèlàà Dayàa, yèè wò do nàŋ nɔ̀ŋ wo sìèfèìŋ zòòlo wèè julɔfɔ.

Hiɓu 8:1

E gbèìŋ gbèìŋ nɛ e nyaàiŋ dè e yèɛ è yààìŋ woo lɛ̀ nàŋ yaà kɛ̀, è kùwàìŋ wo Kànà Sìèfèìŋ Zòòlo Gbee wo yèɔ jaa ke kpùà Kanaà Dàyà Gaàŋ Gbeeɔ̀ kùàŋ jìka wɔ̀ ko àìjɛnɛ̀ŋ.

Hiɓu 9:12

Nààŋ wo Jisɛ̀ Kulaì naŋ jɔ̀ ko Nɛ̀nɛ̀ŋ Nɛɛmaŋ Gbeeì wèè Dayà e sùà guùŋ kpò yèè wèè anyùùŋ nyaŋ gbiŋ, wo gò wa kòà màŋ sɛ̀ìŋ àŋ diì wowo yaà àŋ dìi wowo wèè wo miŋ gììyà saaà. Wò naŋ wa gììyè maŋ sɛ̀ìŋ wuŋ bi màŋ saaà, yèè wò naŋ wi joeyè e yìwìà maŋ jùumù sùà wèè julɔfɔ.

Hiɓu 9:24

Wo Jisɛ̀ Kulaì gò wa jɔ̀à ko Nɛ̀nɛ̀ŋ Nɛɛmaìŋ àŋ nyuùŋkpùuŋ naŋ wa nyɛ̀lɛ̀ yɛ, ke yèɛ yaà wa wɔŋ mììmììŋ ke vààyà kɛnɛɛ̀ e yìwìà ko àìjɛnɛ̀ŋ. Wò naŋ wa kɔ̀ ko àìjɛnɛ̀ŋ kuŋ bi, ko yèi wò yaà naàŋ ko fɛ̀ɛ̀fèìŋ Dayài wèè wo wi kpuumàŋ.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.