Hiɓu 4:12 - WƆŊ FƐ̀Ì EBÒ SÌÀŊ DAYÀA

¹² Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.

Hiɓu 4:12 ပူးပေါင်းရင်းမြစ်များ

Luù 8:11

Wo Jisɛ̀ naŋ ɓɛìŋ woò wààŋ, “Tɛɛ̀ nàŋ yaà e fàsàì ke kàɓanèɛ, manɛ̀ŋ koei nàŋ yaà ke mìè Dayàa.

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Nyɛ̀nɛ̀ŋ 2:37

Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 5:33

Nààŋ anyùùŋ gbèègbèè fuɔɔ̀ŋ naŋ wa tɛɛ̀ kòmò, àŋ naŋ wa tuù yèè àŋ manaŋ wa wèè aŋ jìwà aŋ keela tàeɗùù nyaŋ.

Nyɛ̀nɛ̀ŋ 7:38

Wuŋ yaà anyùùŋ Ezɔ̀ɛ̀ nyaŋ naŋ wa gbònò koɓɛ̀ guùŋ ke fòùngà e diì wòaà diɛŋ. Wuŋ yèè aŋ nèwàènèwe wi nyàŋ yaà wa koɓɛ̀ guùŋ yèè yaà wo màikàa nauŋ wa gbòò kɔɔ wɔŋ Tòò Sanàa dìmɛ̀ lɛ, yèè wò naŋ yɛ̀mɛ̀ maŋ mìè gbìàŋ nyiiŋ gèe e yìwìà wo Dayà sìwè wèè wo wi miŋ kiɛ̀ŋ.

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

1 Kɔliìŋ 1:24

kɛɛ wèè anyùùŋ nyaŋ wo Dayà naŋ nyààŋ lɛ, aŋ Juùù yèè anyùùŋ nyaŋ fè àŋ Juùù nyaŋ, ke miè gbìaŋ bi nàŋ yaà Jisɛ̀ Kulaì ko nɛ̀ɛ̀ŋ nyiŋ niìŋ wo yèɔ yaà e gààŋ Dayàa, yèè e jììkɛ̀ɛ̀ Dayàa wɔ̀.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Ɛfesɔ̀ 5:13

Kɛɛ sèè manɛ̀ŋ maŋ gbiŋ àŋ nyɛnɛŋ màŋ folo ko gbolòùŋ, kɛ̀ àŋ yɛ̀mɛ̀ e nɔ̀ŋ kii kɛnɛ kɛ̀nɛ̀ nyiŋ nɛ̀ janjai.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

Ɛfesɔ̀ 6:17

Jàaìŋ e jòèye kùàŋ dìì e nɔ̀ŋ mààŋ ke ɓɔ̀ɗì ɗùà, yèè ke mìè Dayà ke nɔ̀ŋ mààŋ e kòyà ɗùàa wo Jìnàŋ Nɛɛmaàŋ naiŋ kiɛ̀ŋ lɛ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

Hiɓu 13:7

Ɓɔ̀ nìŋ nyɛɛnɛ̀ŋ è kèè àŋ sìèfeìŋ gɔuiŋ nyàŋ, aŋ yè nyaŋ naiŋ wa kàà ke mìè Dayà nyàŋ. Kɛ̀ɛ̀nɛìŋ ke jii jàa wèè e nyaàiŋ dè e ɗeweɛ̀ àŋ naŋ nyɛ̀nɛ̀ŋ maŋ nyiiŋ gèe nyiŋ màŋ sùà lɛ, yèè niŋ kamè ɗewe wèè niŋ kɛ̀ɛ̀nɛ̀ŋ hààwe màànààŋ àŋ kuwa wa lɛ̀.

Hiɓu 6:5

Àŋ nyìmàŋ maŋ jii nyiŋ màŋ sùà kɛ̀, e yèɛ wo Dayà naŋ woò lɛ è siaŋ, e kìlà àŋ nyìmàŋ e kèè e gàaàŋ e nyaàiŋ dè e teengaà, sèè wo Dayà tɔɔtù maŋ tòmò e gaàŋ gbeeuŋ nɛ̀ e ɗuunyaàŋ do nàŋ hnè lɛ diɛŋ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

Maŋ kèì nyɛɛnɛŋ 1:16

Wò kuwa wa maŋ ɗù nɔɔnɔŋ le tìyèe ko sìwè wɔŋ kùàŋ jìkauŋ nɔɔ̀ŋ, yèè e kòyà ɗùà maŋ nyààŋ tìyèe nauŋ fòlò ko nyààŋ. Wɔŋ dewàuŋ nɔɔ̀ŋ mɛɛŋ wa mààŋ e gɔɛɛ hàì ɗìò tɛɛ.

Maŋ kèì nyɛɛnɛŋ 19:15

E kòyà ɗùà nɔ̀ɔŋ nauŋ wa fòlò ko nyààŋ. Tiŋ wò do nàŋ toomò wèè wo ɓùlà maŋ fuɔŋ màŋ. Wò do nyiŋ nàŋ kìlìè e kànà wɔŋ kùàŋ gaàŋ gbee diɛŋ, e kìlà wò do nàŋ kààìŋ maŋ gbɛ̀mɛ̀ɛ̀ŋ muaŋ màŋ sùà wɔŋ golo tììlà maŋ gbɛ̀mɛ̀ɛ̀ɔŋ sùà e nyaàiŋ dè e wùàŋ gbèè wo Kanaà Dàyà Gaàŋ Gbeeɔ̀.

Maŋ kèì nyɛɛnɛŋ 19:21

Kɛɛ wo nyùnɔ̀ɔŋ yaà wa dùùnyɛ̀ŋ wo sòoɔ̀ wɔ naŋ wa jìwìà aŋ kààlòòɗùà gbànaŋ nyiŋ nyàŋ gbiŋ e kòyà ɗùàa nauŋ wa fòlò ko nyààŋ lɛ. Aŋ wòì nyaŋ gbiŋ naŋ hnè yèè àŋ naŋ mìè e kèìŋ anyuùŋ fàa nyàŋ.

Maŋ kèì nyɛɛnɛŋ 2:16

Weètii, kìlaìŋ niŋ fè maŋ jùumùiŋ màŋ jɛwɛ. Sèè nìŋ go niŋ nyɛ̀nɛ̀ŋ, mìŋ do nàŋ hnè ko nɛ̀ɛ̀iŋ niìŋ e teenga kpuu sùà, wèè ka sùmìàŋ anyùùŋ nyɛɛ̀ŋ e kòyà ɗùà maŋ nyààŋ tìyèeɛ̀ e yèɛ fòlòìm ko nyààŋ lɛ.”

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 20:4

Mìŋ naŋ yɛ̀mɛ̀ maŋ kpùà kana. Anyùùŋ nyaŋ jàà miìŋ wa diɛŋ nyàŋ, nyiŋ àŋ naŋ wa kìɛ̀ŋ gààaŋ wèè aŋ hàà kiti. Anyùùŋ bi zà nàŋ yaà wa aŋ jìnàŋ anyùùŋ nyaŋ àŋ naŋ wa kɛ̀ɛ̀ maŋ ɗì nyaŋ wèè aŋ kìɛ̀ŋ maŋ mìè seì, esaɓù kɛ̀ àŋ naŋ wa wòò e tɔ̀ɔ̀nyaàaŋ e nyaàiŋ de e yèɛ wo Jisɛ̀ naŋ wa gɔ̀àì sùà lɛ yèè àŋ naŋ gbòò ke mìè Dayàa. Nyiŋ nàŋ yaà anyùùŋ nyaŋ naŋ wa gè maŋhɛɛ wèè aŋ zòòlò wo yilì kùùnoɔ̀ yaà wo dayà joouŋ nɔɔ̀ŋ, e kìlà àŋ naŋ gè maŋhɛɛ wèè aŋ nyiŋ hàà e fèè wo yilì kùùnoɔ̀ maŋ ɗìfeìŋ ɔ̀ɔ̀ maŋ kùàŋ sùà. Anyùùŋ nyɛɛ̀ŋ naŋ wa kɛ̀ɛ̀ wɔŋ nyiiŋ gèe sùà yèè àŋ naŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.