Hiɓu 4:11 - WƆŊ FƐ̀Ì EBÒ SÌÀŊ DAYÀA

¹¹ Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

Hiɓu 4:11 ပူးပေါင်းရင်းမြစ်များ

Maafiù 11:12

E yìwìà e teengaà wo Jɔ̀ɔŋ Gùà Nyùnɔ̀ɔŋ, naŋ wa gbòò ke mìè Dayàa e hàì ke ɗɔɔ yɛɛ̀ nàaŋ lɛ̀, anyuùŋ dàà ke kpùùnɛɛ̀ àŋ kàmè ɗewe wèè aŋ ɓèmè e Kànà àìjɛnɛ̀ɛŋ e gààŋ sùà.

Maafiù 7:13

“Jɔ̀ɔ̀yɛìŋ ke dòmàŋ gbàngì suulìɛ niŋ jɔ̀à. Esaɓù kɛ̀ ke dòmaàŋ kɔ̀à koɓɛ̀ wɔŋ gbàngì jàhamaàŋ yɛ naŋ dɛ̀ɛ̀ fàà e kìlà ke gò nyìngà kàaiŋ. Anyuùŋ zimgbe jɔɔyɛ̀ wɔŋ gbàngì ke dòmaŋ gbee bì sùà.

Luù 13:24

“Nyɛ̀nɛìŋ e tɛ̀ɛ̀tɛ̀ɛ̀ɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè niŋ jɔɔyɛ̀ wɔŋ gbemgbee suulìɔ sùà. Esaɓù kɛ̀ aŋ zimgbe nyiŋ do nàŋ kàmè ɗewe wèè aŋ jɔ̀à ko àìjɛnɛ̀ŋ wɔŋ dòmaŋ nyaaŋ joo bà, kɛɛ aŋ naàŋ jɔ̀.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Nyɛ̀nɛ̀ŋ 26:19

Wo Pɔɔ̀ naŋ ɓɛìŋ woò wààŋ, “Nààŋ è yaà lɛ, Kanaà Àgulepɔ̀, miŋ gò wa gììyà è gɔ̀à gò jɛ̀ì lɛɛ̀ màŋhɛɛ e yìwìà kò àìjɛnɛ̀ŋ.

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Kòlo 3:6

Esàɓù maŋ keì mɛɛ̀ŋ, e wùàŋ Dayàa do nàŋ hnè anyùùŋ nyaŋ fòuŋ jɔ̀ɔ̀lɔ̀ dìì nyaŋ diɛŋ.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Hiɓu 3:18

Wo Dayà naŋ wa woò wààŋ, “Julɔfɔ niŋ naàŋ wa nàwèè hàì è dììɛ diɛŋ ko yèi mìŋ do nyiŋ nàŋ kìɛ̀ŋ e nyiiŋ gèe lɛ.” Wo Dayà yaà wa wòò e kèè anyùùŋ nyaŋ nauŋ wa gììyè maŋhɛɛ nyàŋ.

Hiɓu 4:6

Anyuùŋ jiɛ̀jiɛ̀ nyaŋ naŋ wa kòmò Ebò Siaàŋ nyaŋ, aŋ gò wa yɛ̀mɛ̀ è nyiiŋ gèe lii, esaɓù kɛ̀ aŋ gò niŋ wa haawè. Anyùùŋ bà kòò àŋ yaà, aŋ yè nyaŋ wo Dayà naŋ nyiŋ gè nyààŋ diɛŋ wèè aŋ niŋ yɛmɛ̀.

Hiɓu 6:11

È manaŋ e teenga gbiŋ, wèè nyɛ̀iŋ nààŋ bà guùŋ gbiŋ, maŋ nɔ̀ŋ e wùànàŋ gbee sùà, wèè kɛ̀ manɛ̀ŋ maŋ mùŋ yaà yɛ̀ɛ̀mɛ̀ dòmaŋ ke jii tùlia gbee sùà maŋ, maŋ hnàŋ.

2Pììlɛ 2:6

Wo Dayà naŋ wa hèè e kìtì hmɔ̀ɔ̀ŋ ko Sɔdɔ̀ùŋ yaà ko Gòmolà, maŋ jawa bi maŋ gbiŋ kìlà e duum, yèè wò naŋ miŋ nyɛ̀nɛ̀ŋ wèè maŋ nɔŋ e tɔ̀ɔ̀màŋseì wèè e nɛ̀ɛŋ do nàŋ kaaìŋ koɓɛ̀ anyuùŋ gò nyìmàŋ Dayà nyaŋ lɛ̀.