Hiɓu 3:2 - WƆŊ FƐ̀Ì EBÒ SÌÀŊ DAYÀA

² Wo Jisɛ̀ yaà wo nyuùŋ tùlìà jii wèè wo nyɛ̀nɛ̀ŋ e yèɛ wo Dayà nauŋ woò wèè wo nyɛ̀nɛ̀ŋ lɛ, wo yèɔ nauŋ wa tàeɗùù wèè wo nyɛ̀nɛ̀ŋ e tòmouŋ nɛ̀ wɔ, màànààŋ nɔŋ wo Mòòze yaà wa wo nyuùŋ tùlìà jii wèè wo tomo wèè anyùùŋ Dayà nyaŋ lɛ̀.

Hiɓu 3:2 ပူးပေါင်းရင်းမြစ်များ

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 17:4

Kàum joowò anyùùŋ nyaŋ tɛɛ e ɗuunyaŋ lɛɛ̀, nààŋ mìŋ naŋ nyɛ̀nɛ̀ŋ e tòmoɛ̀ gbiŋ mùŋ naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Jɔ̀ɔŋ 8:29

Wo nyùnɔ̀ɔŋ naim tùɔ̀ŋ wɔ kòò wò yààìm kɔɔ. Mìŋ nyɛnɛŋ e yèɛ wò manaŋ wèè ka nyɛ̀nɛ̀ŋ lɛ e teenga gbiŋ, yèè wo naàim wa nàwèè jòò miàŋ guùŋ.”

Ɛfesɔ̀ 2:22

Ke saaàŋ wo Jisɛ̀ Kulaì naŋ nyɛ̀lɛ̀ wèè Dayà nɔ̀ŋ dìì wo Jinàaŋ sùà yɛ, nìŋ yaà aŋ bà nyiŋ bà.

1Time 1:12

Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.