Hiɓu 3:18 - WƆŊ FƐ̀Ì EBÒ SÌÀŊ DAYÀA

¹⁸ Wo Dayà naŋ wa woò wààŋ, “Julɔfɔ niŋ naàŋ wa nàwèè hàì è dììɛ diɛŋ ko yèi mìŋ do nyiŋ nàŋ kìɛ̀ŋ e nyiiŋ gèe lɛ.” Wo Dayà yaà wa wòò e kèè anyùùŋ nyaŋ nauŋ wa gììyè maŋhɛɛ nyàŋ.

Hiɓu 3:18 ပူးပေါင်းရင်းမြစ်များ

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Luùm 11:30

Sèè è nɔ̀ŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ naŋ wa gèèyè wo Dayà maŋhɛɛ e tèèngà guùŋ bà. Kɛɛ wo Dayà wòiŋ naàŋ tɔ̀ɔ̀ ke nyowo esaɓù kɛ̀ aŋ Juùù nyaŋ nauŋ wa gèèyè maŋhɛɛ.

Hiɓu 3:11

Wo Dayà naŋ wa tùù anyùùŋ nyaŋ sìwè yèè wò naŋ nyiŋ woò wààŋ, ‘Julɔfɔ niŋ naàŋ wa nàwèè hàì è dììɛ diɛŋ ko yèi mìŋ do nyiŋ nàŋ kìɛ̀ŋ e nyiiŋ gèe lɛ.’ ”

Hiɓu 4:11

Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

Hiɓu 4:6

Anyuùŋ jiɛ̀jiɛ̀ nyaŋ naŋ wa kòmò Ebò Siaàŋ nyaŋ, aŋ gò wa yɛ̀mɛ̀ è nyiiŋ gèe lii, esaɓù kɛ̀ aŋ gò niŋ wa haawè. Anyùùŋ bà kòò àŋ yaà, aŋ yè nyaŋ wo Dayà naŋ nyiŋ gè nyààŋ diɛŋ wèè aŋ niŋ yɛmɛ̀.