Hiɓu 3:14 - WƆŊ FƐ̀Ì EBÒ SÌÀŊ DAYÀA

¹⁴ Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:14 ပူးပေါင်းရင်းမြစ်များ

Luùm 11:17

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, yèè wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ. Wo Dayà wòiŋ nyɛ̀nɛ̀ŋ nàŋ ɓèmè maŋ jɛ̀ì maŋ kuù kpee màŋ wò naŋ gbèyè maŋ e yìwìà ke yèɛ àŋ naŋ nyùɔ̀ŋ yɛ. Wèè esaɓù lɛɛ̀, nìŋ jikà e kpùùmaàŋ folo e gùlò ke kuù nyùaŋ yii sùà lɛ, nààŋ nìŋ naŋ nɔ̀ŋ aŋ bà nyiŋ bà.

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 10:17

Ke gbɔ̀uɛ̀ kè yaà kè guùŋ, wèè yàwi nààŋ gbiŋ, jòòpɛɛ è naiŋ mùŋgò, kɛɛ è yààìŋ ke kpùnàŋ guùŋ, esaɓù kɛ̀ è yààìŋ aŋ bàiŋbà koɓɛ̀ ke gbɔ̀ù guùŋ bi.

1 Kɔliìŋ 9:23

Mìŋ nyɛnɛŋ tɛɛ̀ gbiŋ esàɓù ke mìè gbìàŋ Ebò Siaàŋ sùà, wèè ka nɔ̀ŋ wo bà nyiŋ bà e kpùùmaŋ nyiŋ nɛ̀ sùà.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

1Time 6:2

Aŋ yè nyaŋ yaà aŋ ɗo anyuùŋ hààwe dìì nyaŋ ɓɔ̀ àŋ niingè àŋ kana nyiŋ nyàŋ fɛ̀ɛ̀, e fèfoo nyiiŋ pɛɛ àŋ yaà anyuùŋ hààwe. Àŋ kuwa aŋ tomo weè nyiŋ tɛ̀ɛ̀ kaiŋ, esaɓù kɛ̀ aŋ yè nyaŋ yɛmɛ̀ e nàfa e yìwìà e tòmo nyiŋ nɛ̀ sùà nyaŋ àŋ yaà anyuùŋ mànaŋ nyiŋ e hààweɛ̀ sùà. Sɔɔ̀ maŋ kàà anyuùŋ nyaŋ, e kìlà maŋ nyiŋ wòò maŋ keì mɛɛ̀ŋ gbiɛŋ.

Hiɓu 11:1

E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 12:10

Aŋ dèdà ɗuunyaŋ wi nyàŋ nimilà wì wèè e teenga kpuu, yèè àŋ nyɛ̀nɛ̀ŋ niìŋ wèè e yèɛ àŋ naŋ gongò kɛ̀ è yaà tɛ̀ɛ̀ lɛ. Kɛɛ wo Dayà nimilà wì wèè e tɛ̀ɛ̀tɛ̀ɛ̀ yàwi bi lɛ̀, esaɓù kɛ̀ wò manaŋ eiŋ nɔ̀ŋ anyùùŋ nɛɛmaŋ, màànààŋ wò yaà lɛ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 6:11

È manaŋ e teenga gbiŋ, wèè nyɛ̀iŋ nààŋ bà guùŋ gbiŋ, maŋ nɔ̀ŋ e wùànàŋ gbee sùà, wèè kɛ̀ manɛ̀ŋ maŋ mùŋ yaà yɛ̀ɛ̀mɛ̀ dòmaŋ ke jii tùlia gbee sùà maŋ, maŋ hnàŋ.

Hiɓu 6:4

Kɛɛ anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. Àŋ naŋ wa yɛ̀mɛ̀ e gbòlòùŋ Dayàa e tèèngà guùŋ, yèè aŋ naŋ yɛ̀mɛ̀ e nɛ̀ŋ kìɛ̀ŋ ko àìjɛnɛ̀ɛŋ, e kìlà àŋ naŋ nɔ̀ŋ aŋ bà nyiŋ bà e nyaàiŋ dè wo Jìnàŋ Nɛɛmaàŋ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.