Hiɓu 3:12 - WƆŊ FƐ̀Ì EBÒ SÌÀŊ DAYÀA

¹² Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Hiɓu 3:12 ပူးပေါင်းရင်းမြစ်များ

Maafiù 16:16

Wo Saimɔŋ Piilɛ̀ nauŋ fasàì wààŋ, “Muàŋ nàŋ yaà wo Kulaìɔ, wo Jɔ̀àfèlàà Dàyà nyiiŋ gèeɔ̀.”

Maafiù 24:4

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ wò doiŋ zuwò.

Luù 21:8

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ doiŋ zuwò. Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ,’ e kìlà ‘E teengaà lɛɛ̀!’ Kɛɛ ɓɔ̀ nìŋ dè nyiŋ màŋjɛ̀wɛ.

Luùm 11:21

Wo Dayà gò wa yɛ̀mɛ̀ àŋ Juùù nyaŋ kè nyowo, aŋ yè nyaŋ yaà mààŋ maŋ kuù kpee kɛnɛ màŋ nyaŋ. Nìŋ naŋ gongò kɛ̀ wò doiŋ nàŋ yɛ̀mɛ̀ ke nyowo?

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Tɛsè 1:9

Anyùùŋ nyiiŋ gbiŋ woà e kèè e ɗeweɛ̀ nìŋ naŋ wi jàà kùàŋ dìì e teengaà è naiŋ jaamè lɛ, yèè e ɗeweɛ̀ nìŋ naŋ gè kùàŋ kèè aŋ dayà joo zòòlo sùà wèè naŋ tomo wèè wo Dàyà tɔ̀ɔ̀nyaàaŋ wo yèɔ yaà wɔŋ nyiiŋ gèeɔ̀ sùà wɔ,

Hiɓu 10:31

È yaà e kèì jùù gbee wèè wo nyùùŋ wo sɔ̀à e gààŋ wo Dàyà nyiiŋ gèeɔ̀ dìì.

Hiɓu 10:38

Anyùùŋ tɔ̀ɔ̀nyaàŋ nyaŋ miàim Dayà naŋ jàà kùàŋ dìì nyaŋ, àŋ do nàŋ kùwìè e hààwe, e kìlà aŋ nɔ̀ŋ wɔŋ nyiiŋ gèeɔ̀ sùà. Kɛɛ sèè wo bà guùŋ gbiŋ wo fè e hààweɛ̀ wò kuwa lɛ̀ jɛwɛ, ke jii miɛ̀ŋ naàŋ fɔ̀ weè nyiŋ.”

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Hiɓu 12:22

Kɛɛ nàŋ hnàŋ ko Jùlusɛ̀làm ko jè àìjɛnɛ̀iŋ, yèè koɓɛ̀ wɔŋ Toò gbeeɔ̀ àŋ nyaaŋ Zanyɔ̀ŋ. Kià nàŋ yaà ko jawa gbeeì wèè wo Dayàa kiɛ̀ŋ wɔŋ nyiiŋ gèeɔ̀ wɔ, ko yèi aŋ màikà taasùùŋ jika naŋ hnè wèè aŋ gè zɔlɔ̀.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 3:10

Wo Dayà naŋ wa tùù anyùùŋ nyiiŋ sìwè yèè wò naŋ woò wààŋ, ‘Anyùùŋ nyɛɛ̀ŋ kòò àŋ tɔ̀ɔ̀ è ɓɛ̀ɛ̀jàa gbiŋ kò nɛ̀ɛ̀ŋ miìŋ màŋ jii nyiŋ màŋ sùà, e kìlà àŋ gè maŋhɛɛ maŋ nyiiŋ gèe nyiŋ màŋ sùà wèè aŋ nyɛ̀nɛ̀ŋ e yèɛ mìŋ manaŋ lɛ̀.’

Hiɓu 3:19

Nààŋ wo Dayà naŋ wa ɓèmè e ɗààhiìuŋ nɛ̀, aŋ gò wa ɓɛ̀nɛ̀ŋ hàì kòɓɛ̀ è dììɛ esàɓù e hààwe gò kɛɛnɛ̀ŋ nyiŋ nɛ̀.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.