Hiɓu 3:10 - WƆŊ FƐ̀Ì EBÒ SÌÀŊ DAYÀA

¹⁰ Wo Dayà naŋ wa tùù anyùùŋ nyiiŋ sìwè yèè wò naŋ woò wààŋ, ‘Anyùùŋ nyɛɛ̀ŋ kòò àŋ tɔ̀ɔ̀ è ɓɛ̀ɛ̀jàa gbiŋ kò nɛ̀ɛ̀ŋ miìŋ màŋ jii nyiŋ màŋ sùà, e kìlà àŋ gè maŋhɛɛ maŋ nyiiŋ gèe nyiŋ màŋ sùà wèè aŋ nyɛ̀nɛ̀ŋ e yèɛ mìŋ manaŋ lɛ̀.’

Hiɓu 3:10 ပူးပေါင်းရင်းမြစ်များ

Maafiù 20:24

E teengaà anyùùŋ màŋjɛ̀wɛ̀ zììyà gbànaŋ nyàŋ naŋ niŋ kòmò lɛ, àŋ naŋ wa tùù aŋ wùìyà tìyèe nyàŋ sìwè.

Jɔ̀ɔŋ 8:45

Kɛɛ nààŋ mìŋ woàìŋ e tɔ̀ɔ̀nyaàaŋ, esaɓùɛ lii nìŋ naŋ gè maŋhɛɛ wèè naim haawè.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 3:7

Esàɓù e tɔ̀ɔ̀nyaàŋ gò kɛɛnɛ̀ŋ mɛ̀ maŋ mìè gbòaim màŋ sùà, muŋ gò haawè kɛ̀ è hiàŋ e jòòwo koɓɛ̀ Dayài, esaɓù kɛ̀ anyùùŋ do nàŋ yɛmɛ̀ janjai kɛ̀ e yèɛ wo Dayà nyɛnɛŋ lɛ̀ è yaà tɔ̀ɔ̀nyaàŋ? Wèè kiìŋ wo Dayà naim naàŋ ɓɛ̀nɛ̀ŋ hàà kiti diɛŋ wèè maŋ jùumù maŋ mìŋ naŋ nyɛ̀nɛ̀ŋ maŋ?

Ɛfesɔ̀ 4:30

Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.