Hiɓu 2:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

Hiɓu 2:9 ပူးပေါင်းရင်းမြစ်များ

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 6:28

“Wèè kiìŋ nìŋ sɛɛ̀ jìì wèè maŋ dèè? Yɛ̀mɛìŋ e ɗeweɛ̀ maŋ kuù jàà fɛ̀ɛ̀ maŋ dɛkɛ̀ yɛi. Maŋ fè tomo ɔ̀ɔ̀ maŋ bànè màŋ dèè wèè miiŋ bi.

Luù 9:27

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, aŋ naàŋ fɔ̀ e jèèsùà aŋ yɛ̀mɛ̀ e Kànà Dayàa.”

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 10:17

“Wo Dèdaà mànàìm esaɓù kɛ̀ mìŋ naŋ nyimèè wèè kauŋ kìɛ̀ŋ wɔŋ nyiiŋ miɔ̀ŋ e fàa sùà, wèè kɛ̀ ko dòmàŋfeìŋ woim wuŋ ɓɛìŋ kiɛ̀ŋ wèè ka nɔ̀ŋ wɔŋ nyiiŋ gèeo sùà.

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 8:51

Mìŋ yààìŋ wòò e tɔɔɓaaà kɛ̀ sèè nìŋ jaa maŋ mìè gbòaim màŋ kùàŋ dìì, niŋ naàŋ wa nàwèè fɔ̀ julɔfɔ.”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Nyɛ̀nɛ̀ŋ 2:33

Wò naŋ wa nɔ̀ŋ jòòwouŋ wèè wo jɛi wɔŋ kùàŋ jìkà Dayàa, wo Dèdauŋ nɔɔ̀ŋ, e kìlà wò nauŋ kìɛ̀ŋ wo Jìnàŋ Nɛɛmaàŋ, màànààŋ wò naŋ wa jɔ̀ɔ̀ ɗààhiì lɛ. Wo Kanaà Jisɛ̀ nàŋ yaà ɓɛìŋ wo nyùnɔ̀ɔŋ naŋ wi kìɛ̀ŋ wo Jinàaŋ, tiiŋ nàŋ yaà e yèɛ nìŋ yaà yɛɛmɛ yèè nìŋ yaà kumie è yààìŋ woo lɛ̀.

Nyɛ̀nɛ̀ŋ 3:13

Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo.

Luùm 5:18

Weètii, màànààŋ nɔŋ esàɓù maŋ jùùmù Adamàŋ maŋ sùà wo Dayà naŋ nìmìlà yàwi nààŋ gbiŋ lɛ̀, yɛi nɔŋ e ɗèwè guùŋ nɛ sùà, esàɓù e tɔ̀ɔ̀nyààŋ Jisɛ̀ Kulaìɛ wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè wò naŋ wi kìɛ̀ŋ wɔŋ nyiiŋ gèe gò jùà.

Luùm 5:8

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

2 Kɔliìŋ 5:15

Wò naŋ fɔ̀ wèè yàwi nààŋ gbiŋ, wèè kɛ̀ anyùùŋ nyaŋ kuwa nyiiŋ gèe nyàŋ, ɓɔ̀ àŋ nɔ̀ŋ ɓɛìŋ fuɔŋ wèè nyiŋ bi, sɔɔ̀ wèè wo Jisɛ̀ Kulaì wo yèɔ naŋ fɔ̀, yèè wo Dayà nauŋ gè e fàaà dìì wèè esaɓù nyiŋ nɛ̀ sùà wɔ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 4:4

Kɛɛ nààŋ e teenga kɛnɛɛ̀ naŋ wa haì, wo Dayà naŋ tùɔ̀ŋ wo Jɔ̀àfelaauŋ nɔɔ̀ŋ, yèè wo jɔùŋ nauŋ kòmò. Wo Jɔ̀àfelàà Dayàa naŋ wa jɔ̀ɔ̀lɔ̀ ke Sàwà aŋ Juùù nyaŋ dìì,

1Time 2:6

wo yèɔ naŋ wa kìɛ̀ŋ wuŋ bi wèè wo nɔ̀ŋ e nɛ̀ŋ saàà wèè wo bìlɛ̀ŋ anyuùŋ kpùuŋ nyàŋ gbiŋ. Kii nàŋ yaà wa ke mìè seìɛ naŋ hnè e teengaà diɛŋ lɛ̀ kɛ̀, wo Dayà manaŋ wèè wo nyùùŋ gbiŋ yɛ̀mɛ̀ e jòèye,

Hiɓu 1:9

Mùŋ manaŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè mùŋ naŋ wùɔ̀ŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ maŋ kpèè naanààŋ. Esaɓùɛ lɛɛ̀ miàim wo Dayà mɔɔ̀ŋ wo yèɔ mùŋ zoolà wɔ naum tàeɗùù, e kìlà kàum kìɛ̀ŋ ɓɛ̀ɛ̀jàa e yèɛ do nyɛ̀nɛ̀ŋ e zɔlɔ̀ zimgbe eum nɔ̀ŋ e nìàŋ e yèɛ mìŋ naŋ kìɛ̀ŋ aŋ dàwium nyàŋ lɛ.”

Hiɓu 10:5

Weètii, nààŋ e teengaà naŋ wa gbɛ̀ɛ̀ wèè wo Jisɛ̀ Kulaì wo hnàŋ e ɗuunyaàŋ, wò naŋ wa wòò wo Dayà wààŋ, “Muŋ manàŋ wèè ànyùùŋ aŋ gè màŋ saaà ɔ̀ɔ̀ aum kìɛ̀ŋ mànɛ̀ŋ kìɛŋ, kɛɛ mùŋ naim nyɛ̀nɛ̀ŋ ka kɛ̀ɛ̀nɛ̀ŋ ke kpùnàŋ nyuùŋkpùuŋ.

Hiɓu 11:5

E hààwe naŋ nyɛ̀nɛ̀ŋ wo Inɔ̀ jèè wɔŋ nyiiŋ gèeɔ̀ sùà. Wèè esaɓù lii wò naŋ wa jòwò ko àìjɛnɛ̀ŋ, yèè wo nyùùŋ gbiŋ gòuŋ wa ɓɛ̀nɛ̀ŋ mɛɛ̀ŋ, esaɓù kɛ̀ wo Dayà nauŋ wa joowò. Wɔŋ fɛ̀ì Dayàa wààŋ wèè paŋ wo Inɔ̀ jòwà wa, ke mìè seì naŋ tɔɔ̀ kɛ̀ wò naŋ wa nyɛ̀nɛ̀ŋ e nɛ̀ɛŋ wo Dayà manaŋ wa lɛ̀.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 2:7

Mùŋ naŋ bànè anyuùŋ kpùuŋ wèè e teenga kpuu yèè mùŋ naŋ nyiŋ kìɛ̀ŋ e gaàŋ jɔ̀à aŋ màikà nyaŋ diɛŋ. Mùŋ naŋ nyiŋ joowò yè mùŋ naŋ nyiŋ kìɛ̀ŋ e ɓɛ̀ɛ̀jàa gbee,

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

Hiɓu 8:3

Wo Kanaà Dayà naŋ wa tà wo kànà sìèfèìŋ zòòlo gbee gbiŋ ɗùù wèè wo kiɛ̀ŋ manɛ̀ŋ kìɛŋ, yaà maŋ ɗolònɛ̀ŋ e saaà gèeo sùà koɓɛ̀ Dayài, weètii wo Kànà Sìèfèìŋ Zòòlo Gbee wiɔ̀ Jisɛ̀ Kulaì, kuwa wo kìɛ̀ŋ e nɛ̀ŋ bà wuŋ pɛɛ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

Maŋ kèì nyɛɛnɛŋ 19:12

Le fɛɛ̀uŋ nɛ̀ yaà wa mààŋ e hmɔɔ̀ŋ kùwa, e kìlà wò naŋ wa jàà maŋ ɓɔ̀ɗì kana zimgbe ko ɗì. Àŋ naŋ wa sìngè e dèè bà e kɔɔuŋ nɛ̀, kɛɛ wuŋ bi nɔŋ naŋ wa nyìmè e fàsàì è dèèɛ.

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.