Hiɓu 2:2 - WƆŊ FƐ̀Ì EBÒ SÌÀŊ DAYÀA

² Ke miè gbìaàŋ aŋ màikà nyaŋ naŋ wa kìɛ̀ŋ aŋ nèwàènèwe wi nyàŋ lɛ, naŋ wa tɔɔ̀ kɛ̀ kè yaà tɔ̀ɔ̀nyaàŋ, yèè anyùùŋ nyaŋ gò nyiŋ wa dè màŋjɛ̀wɛ ɔ̀ɔ̀ aŋ nyiŋ jɔ̀ɔ̀lɔ̀ dìì nyaŋ, naŋ wa kùwò e nimilàa naŋ nyiŋ wa sɔ̀ dèè lɛ.

Hiɓu 2:2 ပူးပေါင်းရင်းမြစ်များ

Nyɛ̀nɛ̀ŋ 7:53

Nyɛ̀iŋ naŋ wa yɛ̀mɛ̀ maŋ Sàwà Dayà maŋ e yìwìà aŋ màikà nyaŋ sìwè, kɛɛ kòò nìŋ jɔ̀ɔ̀lɔ̀ miìŋ dìì.”

Gàla 3:19

Kpeiŋ kɛ̀, kiìŋ nàŋ yaà wa esàɓù ke Sàwàa? Ke Sàwàa naŋ wa nɔ̀ŋ kìɛŋ nyiŋ wèè ke tɔɔ̀ kɛ̀ èiŋ nyɛ̀nɛ̀ŋ e jùumù. Kɛɛ kè do wa nɔŋ nàŋ jeè e jèèsùà wo jɔ̀ɛ̀jɔ̀ɛ̀ Eɓulɔhɛɛ̀ɔŋ wo hnàŋ, koɓɛ̀ wo yèɔ àŋ naŋ wa kìɛ̀ŋ e ɗààhiìɛ wɔ̀. Aŋ màìkà nyaŋ naŋ wa kìɛ̀ŋ ke Sàwàa wo Mòòze, wo yèɔ yaà wa e fèèmàŋ Dayà yaà anyuùŋ kpùuŋ nyàŋ e teenga lii sùà wɔ.

Hiɓu 1:1

E teenga gɔuɛ̀ sùà, wo Dayà naŋ wa gbòò koɓɛ̀ aŋ nèwàènèwe wi nyàŋ e yìwìà aŋ wɛ̀ijìuŋ nyàŋ sùà e teenga zimgbe yèè maŋ ɗewe kii zimgbe sùà,

Hiɓu 10:28

Wo nyùnɔ̀ɔŋ gbiŋ naŋ gììyè maŋ Sàwà maŋ wo Dayà naŋ kìɛ̀ŋ wo Mòòze màŋ maŋhɛɛ wɔ̀, anyùùŋ gbèègbèè fuɔŋ nyàŋ naùŋ yɛ̀mɛ̀ kè nyowo, àŋ douŋ nàŋ jìwè, sèè anyùùŋ tìyèe ɔ̀ɔ̀ àŋ nie yɛi aŋ fòlà aŋ kìɛ̀ŋ ke mìè seì, e teengaà àŋ nauŋ gbaì lɛ.

Hiɓu 10:35

Kɛ̀ɛ̀nɛìŋ maŋ jii nyingè, esaɓù kɛ̀ màŋ doiŋ nàŋ hìɛ̀ŋ e jìwààjɛ̀wɛ̀ siaŋ gbee.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.

Hiɓu 11:6

Wo nyùùŋ gbiŋ fè ɓɛ̀nɛ̀ŋ nyɛ̀nɛ̀ŋ è yèɛ wò Dayà manàŋ lɛ̀ sèè wò go kɛ̀ɛ̀nɛ̀ŋ hààwe, esaɓù kɛ̀ wo nyùnɔ̀ɔŋ gbiŋ hnàŋ wo koɓɛ̀ Dayài wɔ̀ kuwa wo kɛ̀ɛ̀nɛ̀ŋ hààwe kɛ̀ wo Dayà yaà wɔŋ nyiiŋ gèeɔ̀ sùà, yèè wò kiɛ̀ŋ e jìwààjɛ̀wɛ̀ koɓɛ̀ anyùùŋ gbiŋ kamàuŋ nyaŋ.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

2Pììlɛ 1:19

Ke mìè gbòà aŋ wɛ̀ijì nyaŋ naŋ ngèè ɓɛìŋ tòòyè jii nyingè wi màŋ. Nìŋ do nàŋ nyɛ̀nɛ̀ŋ tɛ̀ɛ̀ wèè naŋ yɛ̀mɛ̀ e kèì ke mìè gbìaŋ bi dììo sùà, esaɓù kɛ̀ kè yaà mààŋ e laumpò mɛ̀ɛŋ ke nyìwì sùà e jèèsùà e nììɛ sìà, yèè e gbòlòùŋ wɔŋ ɗù màŋ nyiìŋ tɛ̀tɛ̀ɔ e mɛ̀ɛ̀ŋ maŋ jiiiŋ màŋ sùà.

Juù 1:5

Jòòpɛɛ nàŋ nyìmàŋ tɛɛ̀ gbiŋ, kɛɛ, mìŋ manaŋ ka kɛ̀lɛ̀ɛ̀ maŋ jiiiŋ màŋ koɓɛ̀ e ɗeweɛ̀ wo Kanaà Dayà naŋ wa jòèyè anyùùŋ ko Ezɔ̀ɛ̀ nyaŋ e yìwìà e dìì fùɔ̀ŋ Ijèɛ diɛŋ lɛ̀, tii naŋ mààŋ, yèè wò naŋ pɔ̀ɔ̀pɔ̀ɔ̀ aŋ yè nyaŋ gò wa haawè nyaŋ.