Hiɓu 2:17 - WƆŊ FƐ̀Ì EBÒ SÌÀŊ DAYÀA

¹⁷ Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 2:17 ပူးပေါင်းရင်းမြစ်များ

Luùm 15:17

Nààŋ mìŋ yaà wo bàimbà wo Jisɛ̀ Kulaì sùà lɛ, ke jii naim fɔ̀ wèè e tòmoɛ̀ mìŋ nyɛnɛŋ wèè Dayà lɛ.

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Ɛfesɔ̀ 2:16

E fà Jisɛ̀ Kulaìɛ wɔŋ vànèkpaàa diɛŋ naŋ kpɛ̀ɛ̀yɛ̀ e wùònoɛ̀ e fèèmàŋ maŋ zìì tìyèe màŋ, yèè esàɓù e fàauŋ nɛ̀ wɔŋ vànèkpaàa diɛŋ, wò naŋ hìnyɛ̀ŋ maŋ kpùnàŋ tìyèe màŋ koɓɛ̀ guùŋ sùà, yèè wò naŋ nyiŋ kɛ̀lɛ̀ɛ̀ maŋjɛ̀wɛ koɓɛ̀ Dayài.

Kòlo 1:21

E tèèngà guùŋ bà nìŋ naŋ wa gòò wo Dayà fauŋ, yèè nìŋ naŋ wa nɔ̀ŋ aŋ joouŋ esàɓù maŋ gòngo naanààŋ yèè maŋ keì naanààŋ maŋ nìŋ naŋ wa nyɛ̀nɛ̀ŋ maŋ,

Hiɓu 10:21

È kùwàìŋ wo sìèfèìŋ zòòlo gbee wo yèɔ sia kè sààŋ Dayàa feìŋ ko àìjɛnɛ̀ŋ wɔ.

Hiɓu 2:11

Wo Jisɛ̀ yaà anyùùŋ nyaŋ wò naŋ nyɛ̀nɛ̀ŋ àŋ naŋ nɔ̀ŋ nɛɛmaŋ sùà nyaŋ, aŋ gbiŋ kuwa wo Dèdà gunɔ̀ɔŋ. Esaɓùɛ lɛɛ̀ e sàngè fè wò Jisɛ̀ wèè wo nyiŋ nyààŋ àŋ wùìyauŋ nyàŋ.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Hiɓu 2:16

È yaà janjai kɛ̀ aŋ màikà nyaŋ nàŋ wo gò wa kìɛ̀ŋ kpuumàŋ, kɛɛ wò naŋ wa kìɛ̀ŋ kpùùmaŋ ke kpòò Eɓulɔhɛɛ̀ɛŋ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

Hiɓu 3:2

Wo Jisɛ̀ yaà wo nyuùŋ tùlìà jii wèè wo nyɛ̀nɛ̀ŋ e yèɛ wo Dayà nauŋ woò wèè wo nyɛ̀nɛ̀ŋ lɛ, wo yèɔ nauŋ wa tàeɗùù wèè wo nyɛ̀nɛ̀ŋ e tòmouŋ nɛ̀ wɔ, màànààŋ nɔŋ wo Mòòze yaà wa wo nyuùŋ tùlìà jii wèè wo tomo wèè anyùùŋ Dayà nyaŋ lɛ̀.

Hiɓu 3:5

Wo Mòòze yaà wo ɓɔ̀ìjɔ̀à tùlìà jii koɓɛ̀ anyùùŋ Dayà nyaŋ, yèè wò naŋ wa kìɛ̀ŋ ke mìè seì e nyaàiŋ dè e yèɛ wo Dayà do wa nàŋ woò wèè ko dòmànfeìŋ lɛ.

Hiɓu 4:14

È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.

Hiɓu 5:1

Wo kànà sìèfèìŋ zòòlo gbee gbiŋ, wo Dayà nauŋ tàeɗùù wèè wo tomo wèè anyuùŋ joo, yèè wèè wo hiàŋ manɛ̀ŋ kìɛŋ e saaà gèe sùà wèè wo Dayà juuyà maŋ jùùmù anyunùuŋ nyàŋ hakɛ̀.

Hiɓu 5:10

Eɓìèmàŋjɛ̀wɛ̀ tii, wo Dayà naŋ tà wo Jisɛ̀ ɗùù wèè wo nɔ̀ŋ wo kànà sìèfèìŋ zòòlo gbee mààŋ wo Mɛ̀kisiɗɛ̀.

Hiɓu 5:2

Wo kànà sìèfèìŋ zòòlo gbeeɔ̀ wuŋ bi kuwa e zɔ̀kpɔ̀ e kɔɔuŋ nɛ̀ sùà, weètii wò kɛɛnɛ̀ŋ ke nyowo wèè anyùùŋ ɓàaɓàa yaà anyuùŋ nyɛ̀nɛ̀ŋ maŋ keì naanààŋ.

Hiɓu 5:5

E ɗèwè guùŋ bi sùà nɔŋ, wo Jisɛ̀ Kulaì gò wa kìɛ̀ŋ wuŋ bi è dɛ̀ɛ̀kɛ wèè wo nɔ̀ŋ wò kànà sìèfèìŋ zòòlo gbee. Kɛɛ wo Dayà nauŋ wa woò wààŋ, “Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.”

Hiɓu 6:20

Wèè esaɓù wilɛ̀, wo Jisɛ̀ naŋ wi kɔ̀ ko feìŋ ko fɛ̀ɛ̀fèìŋ Dayà, yèè wuŋ nàŋ yaà wo kànà sìèfèìŋ zòòlo gbee wiɔ̀ wèè julɔfɔ, màànààŋ nɔŋ wo Mɛ̀kisiɗɛ̀ yaà lɛ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

Hiɓu 7:28

Maŋ Sàwà Dayà màŋ naŋ wa tà anyùùŋ ɗùù, aŋ yè nyaŋ fè ànyuùŋ tùlìà jii nyàŋ wèè aŋ nɔ̀ŋ aŋ kànà sìèfèìŋ zòòlo gbèè. Kɛɛ e ɗààhiìɛ wo Dayà naŋ wa ɓemè yèè wò naŋ niŋ gbòònò diɛŋ lɛ̀, e yèɛ naŋ wa hnè eɓìèmàŋjɛ̀wɛ̀ ke Sàwàa lɛ̀ nàŋ yaà, wò naŋ tà wo Jɔ̀àfelaaà ɗùù, wo yèɔ wò naŋ nyɛ̀nɛ̀ŋ wo nɔ̀ŋ wo nyuùŋ tùlìà jii wèè julɔfɔ wɔ̀.

Hiɓu 8:1

E gbèìŋ gbèìŋ nɛ e nyaàiŋ dè e yèɛ è yààìŋ woo lɛ̀ nàŋ yaà kɛ̀, è kùwàìŋ wo Kànà Sìèfèìŋ Zòòlo Gbee wo yèɔ jaa ke kpùà Kanaà Dàyà Gaàŋ Gbeeɔ̀ kùàŋ jìka wɔ̀ ko àìjɛnɛ̀ŋ.

Hiɓu 8:3

Wo Kanaà Dayà naŋ wa tà wo kànà sìèfèìŋ zòòlo gbee gbiŋ ɗùù wèè wo kiɛ̀ŋ manɛ̀ŋ kìɛŋ, yaà maŋ ɗolònɛ̀ŋ e saaà gèeo sùà koɓɛ̀ Dayài, weètii wo Kànà Sìèfèìŋ Zòòlo Gbee wiɔ̀ Jisɛ̀ Kulaì, kuwa wo kìɛ̀ŋ e nɛ̀ŋ bà wuŋ pɛɛ.

Hiɓu 9:11

Kɛɛ wo Jisɛ̀ Kulaì wò naàŋ hnàŋ tɛ wèè wo nɔ̀ŋ wo Kànà Sìèfèìŋ Zòòlo Gbeeɔ̀ wèè manɛ̀ŋ siaŋ maŋ yaà kià tɛ màŋ. Ke vààyàa wò zoolà dìì yɛ kuwa sɛmɛmaŋ e nìàŋ e nɛ̀ŋ gbiŋ e kìlà kè kuwa jii tùlia gbee. Maŋ kùàŋ nyuùŋkpùuŋ nàŋ gò nyiŋ nyɛ̀lɛ̀, e kìlà ke fè bà nyiŋ bà wèè è ɗuunyaŋ lɛɛ̀.