Hiɓu 2:16 - WƆŊ FƐ̀Ì EBÒ SÌÀŊ DAYÀA

¹⁶ È yaà janjai kɛ̀ aŋ màikà nyaŋ nàŋ wo gò wa kìɛ̀ŋ kpuumàŋ, kɛɛ wò naŋ wa kìɛ̀ŋ kpùùmaŋ ke kpòò Eɓulɔhɛɛ̀ɛŋ.

Hiɓu 2:16 ပူးပေါင်းရင်းမြစ်များ

Luùm 2:25

Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Gàla 3:16

Kɛɛ yɛi nɔŋ è yaà e nyaàiŋ dè maŋ ɗààhiì maŋ wo Dayà naŋ wa ɓemè koɓɛ̀ Eɓulɔhɛɛ̀iŋ yaà wo jɔ̀ɛ̀ɛ̀jɔ̀ɛɛuŋ nɔɔ̀ŋ bà guùŋ lɛ. Maŋ ɗààhiì mɛɛ̀ŋ gò wa nɔ̀ŋ wèè àŋ jɔ̀ɛ̀ɛ̀jɔ̀ɛɛ zimgbe, kɛɛ màŋ yaà wa nɔŋ wèè wo nyùùŋ guùŋ, yèè wo nyùùŋ bi nàŋ yaà wo Jisɛ̀ Kulaì.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Hiɓu 12:10

Aŋ dèdà ɗuunyaŋ wi nyàŋ nimilà wì wèè e teenga kpuu, yèè àŋ nyɛ̀nɛ̀ŋ niìŋ wèè e yèɛ àŋ naŋ gongò kɛ̀ è yaà tɛ̀ɛ̀ lɛ. Kɛɛ wo Dayà nimilà wì wèè e tɛ̀ɛ̀tɛ̀ɛ̀ yàwi bi lɛ̀, esaɓù kɛ̀ wò manaŋ eiŋ nɔ̀ŋ anyùùŋ nɛɛmaŋ, màànààŋ wò yaà lɛ.

Hiɓu 2:15

Wo Jisɛ̀ naŋ wa tii nyɛ̀nɛ̀ŋ wèè wo bilɛ̀ŋ anyùùŋ nyaŋ gbiŋ yaà mààŋ aŋ ɗo maŋ nyiiŋ gèe nyiŋ màŋ gbiŋ sùà nyaŋ, esaɓù kɛ̀ àŋ yaà e jùù wèè aŋ go nàŋ fɔ̀.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Hiɓu 6:16

Sèè wo nyùùŋ bà mɔnɔŋ wèè wo bànè e keì sùà e fèèmàŋ wuŋ yaà wo nyùùŋ bà, wò gboonàŋ e dèè wo nyuùŋ nìauŋ diɛŋ.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.