Hiɓu 13:9 - WƆŊ FƐ̀Ì EBÒ SÌÀŊ DAYÀA

⁹ Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

Hiɓu 13:9 ပူးပေါင်းရင်းမြစ်များ

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 24:4

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ wò doiŋ zuwò.

Luù 5:38

Sèè è nɔ̀ŋ yɛi, sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà!

Nyɛ̀nɛ̀ŋ 20:30

Anyùùŋ nyɛ̀iŋ bi nyàŋ bà do nàŋ hnè aŋ wòò e tòa wèè kàìsa aŋ gè anyùùŋ màŋjɛ̀wɛ̀ Kanaà maŋ jiio sùà wèè aŋ kìlà wɔŋ faà nyiŋ nɔɔ̀ŋ.

Nyɛ̀nɛ̀ŋ 20:32

“Mìŋ yààìŋ naàŋ gbìàŋ sùà e gààŋ Dayàa dìì wèè woiŋ yɛ̀mɛ̀ diɛŋ. Jàaìŋ jii, ke mìè gbìàŋ Dayàa e nyaàiŋ dè ke kpèè siauŋ nɛɛ̀ŋ ko nɛ̀ɛ̀iŋ niìŋ. Nààŋ nìŋ yaà anyùùŋ Dayà lɛ, ke miè gbìaŋ yɛɛ̀ doiŋ nàŋ kpuumò keiŋ kìɛ̀ŋ e keì sìàaŋ e yèɛ wo Dayà kuwa weèiŋ lɛ̀, e kìɛ̀ŋ guùŋ nɛ nɔŋ wò kuwa wèè anyunùuŋ nyàŋ gbiŋ lɛ̀.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 14:2

Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù.

Luùm 14:6

Anyùùŋ nyaŋ gongà kɛ̀ ke ɗɔɔ titi kuwa e sɛmɛ e nìàŋ ke bàa yɛ̀, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà. Anyùùŋ nyaŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, esaɓù kɛ̀ àŋ kiɛ̀ŋ ke sɛ̀ ge koɓɛ̀ wo Kanaà wèè e nɛ̀ŋjeɛ̀ àŋ jè lɛ. Anyùùŋ nyaŋ gè maŋhɛɛ wèè aŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, yèè nyiŋ pɛɛ àŋ kiɛ̀ŋ ke sɛ̀ ge koɓɛ̀ Dayài.

1 Kɔliìŋ 6:13

Wo nyuùŋ joo bà do nàŋ woò wààŋ, “E nɛ̀ŋje yaà wèè ko sùà, yèè ko sùà yaà wèè e nɛ̀ŋje.” Hɛ̀ɛɛ̀ŋ kɛɛ, wo Dayà do nàŋ hìɛ̀ŋ tiŋ tìyèe ko dìa. Ke kpùnaàŋ fè nɛ̀ŋ tòòmo wèè è hmɔŋtu nyìniaŋ, sɔɔ̀ e tòmo wèè Kanaà, yèè wo Kanaà do nàŋ kìɛ̀ŋ ke kpùnaàŋ.

1 Kɔliìŋ 8:8

E nɛ̀ŋje jèe, e fè wi bɔ̀ɔ̀mɔ̀ŋ wò Dayà è kɔɔ, èiŋ niŋ jè e gòiŋ niŋ jè, è yaà wèè foo.

2 Kɔliìŋ 1:21

Wo Dayà wuŋ bi naŋ wi banè, e kpùlìà nyɛ̀iŋ bi, wò kuwa jii tùlia wèè wɔŋ nyiiŋ gèe wiɔ̀ nààŋ è yààìŋ aŋ bàwibà Jisɛ̀ Kulaì sùà lɛ. Wo Dayà wuŋ bi naŋ wi tàeɗùù,

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

Kòlo 2:4

Tɔ̀ miŋ woòiŋ, ɓɔ̀ nìŋ nyimèè wèè wò nyùùŋ gbiŋ wò doiŋ zùùwò màŋ mìè gbòa ɓuuyè, miŋ gò kpɛɛ̀ŋ diè kè naŋ ɓuuyè.

2Tɛsè 2:17

wo sìàiŋ ke di jiio sùà yèè wo fèiŋ e gààŋ wèè julɔfɔ niŋ woò yèè niŋ nyɛ̀nɛ̀ŋ e yèɛ yaà tɛ̀ɛ̀ lɛ.

2Tɛsè 2:2

ke jii ɓɔ̀ kè diiyèiŋ nɔŋ fɔ̀ɔ̀yɔ̀ è gòngoiŋ nɛ̀ sùà ɔ̀ɔ̀ naŋ kùwìè màŋ jii sùlia, wèè è wòoɛ̀ kɛ̀ ke ɗɔ̀ɔ̀ Kanaà kè haì. Ɗɔɔ bà è yaà wɔ̀i e gòngo sùà è naŋ tɛɛ̀ woò e teengaà è yààìŋ fèe sùà maŋ mìè nyààŋ wɛ̀ijì, ɔ̀ɔ̀ è yààìŋ wòò ke mìè Dayà, ɔ̀ɔ̀ kɛ̀ è naiŋ sìngè wɔŋ fɛi sùà.

1Time 6:20

Timetè, yɛ̀mɛ̀ e yèɛ gbiŋ wo Dayà naum tùlìè jii yèè wò naŋ muiŋ kiɛ̀ŋ lɛ diɛŋ. Gè kùàŋ maŋ mìè gbòà ɓɛ̀ɛ̀pɔ̀ɔ sùà, yaà maŋ nyaàŋ tàaŋ zùwo, maŋ yè maŋ anyuùŋ zimgbe e tòaà sùà àŋ nyààŋ “ke jiikɛ̀ɛ lɛ̀.”

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

Juù 1:12

Aŋ kààmɔɔŋ kùwìè maŋ kàà kii naanààŋ nyɛɛ̀ŋ àŋ yaà anyuùŋ naanààŋ e tɛɛiŋ, àŋ yaà mààŋ le zààmàŋ naŋ sɛ̀ɛ̀ e nɛ̀ŋjeɛ̀ nìŋ jiiyà koɓɛ̀ guùŋ nɛ sùà. Àŋ naŋ nɔŋ kpɛɛ̀ŋ wèè nyiŋ bi. Àŋ yaà mààŋ ko fuùŋ kùwaì wɔŋ dùfòì miinyàŋ, yèè maŋ gɔ̀à fè sɔ̀à lɛ. Àŋ yaà mààŋ maŋ kuù gò kòmàŋ e pɛɛ nɔ̀ŋ sɛ̀ɛ̀ dìì, maŋ yè maŋ àŋ naŋ fie yèè màŋ naŋ fɔ̀ kpɛlɛmɛɛŋ lɛ̀.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.