Hiɓu 13:7 - WƆŊ FƐ̀Ì EBÒ SÌÀŊ DAYÀA

⁷ Ɓɔ̀ nìŋ nyɛɛnɛ̀ŋ è kèè àŋ sìèfeìŋ gɔuiŋ nyàŋ, aŋ yè nyaŋ naiŋ wa kàà ke mìè Dayà nyàŋ. Kɛ̀ɛ̀nɛìŋ ke jii jàa wèè e nyaàiŋ dè e ɗeweɛ̀ àŋ naŋ nyɛ̀nɛ̀ŋ maŋ nyiiŋ gèe nyiŋ màŋ sùà lɛ, yèè niŋ kamè ɗewe wèè niŋ kɛ̀ɛ̀nɛ̀ŋ hààwe màànààŋ àŋ kuwa wa lɛ̀.

Hiɓu 13:7 ပူးပေါင်းရင်းမြစ်များ

Maafiù 24:45

“Sèè è nɔ̀ŋ yɛi, kɛ̀ ɓòò nàŋ yaà wo ɓɔ̀ìjɔ̀à tɔ̀ɔ̀nyaàaŋ yèè wò kuwa jiikɛ̀ɛ wɔ̀? Ɓòò nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ?

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

Luù 5:1

Ke ɗɔ̀ɔ̀ guùŋ wo Jisɛ̀ sia wa e tiwi feìŋ nɛ wɔŋ juwoɔ̀ kɔɔ ko Gɛ̀nɛ̀nsalɛ̀, nààŋ anyùùŋ nyaŋ yaà wa kɔ̀ɔ̀yɛ̀ ko nɛ̀ɛ̀uŋ niìŋ wèè aŋ kòmàŋ ke mìè gbìàŋ Dayàa.

Luù 8:11

Wo Jisɛ̀ naŋ ɓɛìŋ woò wààŋ, “Tɛɛ̀ nàŋ yaà e fàsàì ke kàɓanèɛ, manɛ̀ŋ koei nàŋ yaà ke mìè Dayàa.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 14:23

Wo Pɔɔ̀ yaà wo Bànaŋɓà naŋ wa ɓèmè aŋ màmàŋkùmɛŋ wèè ke gbòò anyuùŋ hààwe nyàŋ gbiŋ. Kpeiŋ àŋ naŋ kùwò ke tɔùŋ e kìlà àŋ yaà zoolo wèè wo Dayà kpuumàŋ aŋ màmàŋkùmɛŋ nyɛɛ̀ŋ yè nyaŋ naŋ sìè e hààwe nyiŋ nɛ̀ wo Kanaà Jisɛ̀ sùà lɛ.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Luùm 10:17

Sèè è nɔ̀ŋ yɛi, kɛ̀ wo nyùùŋ gbiŋ fè ɓɛ̀nɛ̀ŋ kɛ̀ɛ̀nɛ̀ŋ hààwe sèè wò go kòmàŋ ke miè gbìaàŋ, e nyaàiŋ dè wo Jisɛ̀ Kulaì.

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

1 Kɔliìŋ 11:1

Kpeiŋ kɛ̀ fɔ̀ɔ̀nɔŋ e tɔ̀ɔ̀màŋseìim mɛ̀, màànààŋ mìŋ fɔɔnɔ̀ŋ e tɔ̀ɔ̀màŋsèì Jisɛ̀ Kulaì lɛ.

1 Kɔliìŋ 4:16

E wèètii mìŋ yààìŋ dàwe sùà wèè naŋ dè e tɔ̀ɔ̀màŋseì mɛ̀ maŋjɛ̀wɛ.

Fèle 3:17

Nyɛ̀iŋ nààŋ wùìyaim nyàŋ, mìŋ manaŋ naŋ dè e tɔ̀ɔ̀màŋseì mɛ̀ maŋjɛ̀wɛ maŋ nyiiŋ gèeiŋ màŋ sùà. Deìŋ e tɔ̀ɔ̀màŋsèì anyùùŋ nyaŋ naŋ wa nyɛ̀nɛ̀ŋ maŋ kèì tɔ̀ɔ̀nyaàŋ maŋ è naiŋ wa jàà e ɓula e weèiŋ lɛ̀.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

2Tɛsè 3:7

Nyɛ̀iŋ bi nàŋ nyìmàŋ tɛ̀ɛ̀ kaiŋ kɛ̀ nìŋ kuwa nɔŋ naŋ dè maŋ kpèè wi màŋ maŋjɛ̀wɛ. E gòiŋ nyɛ̀nɛ̀ŋ è kɔɔ fàa è teengaà è yaà kò nɛ̀ɛ̀iŋ niìŋ lɛ.

2Tɛsè 3:9

È naiŋ tɛɛ̀ nyɛ̀nɛ̀ŋ,e fè wa guùŋ kɛ̀ e kuwàìŋ wa è gààŋ wèè eiŋ jàà è kpòònaà wèè naŋ wi kìɛ̀ŋ wɔ̀ŋ kùàŋ kpùùmaŋ wiɔ̀, kɛɛ è naiŋ nyɛ̀nɛ̀ŋ wèè e nɔ̀ŋ e tɔ̀ɔ̀màŋseì naŋ niŋ fɔɔnɔ̀ŋ.

1Time 3:5

Sèè wo nyùùŋ go nyìmàŋ e ɗèwè ke kpòò wuŋ biɛ̀ yɛ̀mɛ̀ diɛŋ, kɛ̀ dièsɔa wò naŋ ɓɛ̀nɛ̀ŋ yɛ̀mɛ̀ ke gbòò anyuùŋ hààwè Dayà nyaŋ diɛŋ?

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

Hiɓu 13:24

Mìŋ zuumàŋ anyuùŋ gbeegbèèiŋ nyàŋ yèè anyùùŋ nɛɛmaŋ nyàŋ gbiŋ. Anyùùŋ màŋjɛ̀wɛ̀ Kanaà ko Etelè, naiŋ tɔ̀ùŋ zùùmo.

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 20:4

Mìŋ naŋ yɛ̀mɛ̀ maŋ kpùà kana. Anyùùŋ nyaŋ jàà miìŋ wa diɛŋ nyàŋ, nyiŋ àŋ naŋ wa kìɛ̀ŋ gààaŋ wèè aŋ hàà kiti. Anyùùŋ bi zà nàŋ yaà wa aŋ jìnàŋ anyùùŋ nyaŋ àŋ naŋ wa kɛ̀ɛ̀ maŋ ɗì nyaŋ wèè aŋ kìɛ̀ŋ maŋ mìè seì, esaɓù kɛ̀ àŋ naŋ wa wòò e tɔ̀ɔ̀nyaàaŋ e nyaàiŋ de e yèɛ wo Jisɛ̀ naŋ wa gɔ̀àì sùà lɛ yèè àŋ naŋ gbòò ke mìè Dayàa. Nyiŋ nàŋ yaà anyùùŋ nyaŋ naŋ wa gè maŋhɛɛ wèè aŋ zòòlò wo yilì kùùnoɔ̀ yaà wo dayà joouŋ nɔɔ̀ŋ, e kìlà àŋ naŋ gè maŋhɛɛ wèè aŋ nyiŋ hàà e fèè wo yilì kùùnoɔ̀ maŋ ɗìfeìŋ ɔ̀ɔ̀ maŋ kùàŋ sùà. Anyùùŋ nyɛɛ̀ŋ naŋ wa kɛ̀ɛ̀ wɔŋ nyiiŋ gèe sùà yèè àŋ naŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.

Maŋ kèì nyɛɛnɛŋ 6:9

Wo Ɓaawaaà naŋ yìlè e fèè e nɛ̀ŋ yìlia dìà nɔɔnɔɛ̀ŋ. Nààŋ mìŋ naŋ yɛ̀mɛ̀ wɔŋ gbɛ̀gbɛ̀ zòòloɔ̀ dìì, miŋ naŋ yɛ̀mɛ̀ aŋ jìnàŋ anyùùŋ nyaŋ gbiŋ àŋ naŋ wa jìwè nyaŋ. Àŋ naŋ nyiŋ wa jìwè esaɓù kɛ̀ àŋ naŋ wa gbòò kè mìè Dayàa, yèè àŋ naŋ kìɛ̀ŋ mìè sèì tɔ̀ɔ̀nyaàŋ e yìwìà maŋ jii nyiŋ màŋ sùà e nyaàiŋ dè e hààwe nyiŋ nɛ̀.