Hiɓu 13:6 - WƆŊ FƐ̀Ì EBÒ SÌÀŊ DAYÀA

⁶ Tɔ̀ tɛɛ̀ kiɛ̀iŋ ke jii nyingè yèè niŋ nyɛ̀nɛ̀ŋ wùànàŋ wèè niŋ woò nààŋ, “Wo Kanaà nàŋ yaà wo nyuùŋ kpùùmaŋ miɔ̀ŋ. E jùù naàim nyɛ̀nɛ̀ŋ. Kiìŋ anyùùŋ naim ɓɛ̀nɛ̀ŋ nyìniaŋ?”

Hiɓu 13:6 ပူးပေါင်းရင်းမြစ်များ

Maafiù 10:28

Ɓɔ̀ nìŋ dùàŋ ànyùùŋ nyaŋ jiwe ke kpùnaàŋ nyaŋ, kɛɛ eɓìèmàŋjɛ̀wɛ̀ tii aŋ fè ɓɛ̀nɛ̀ŋ jìwà wɔ̀ŋ nyììŋ jinàaŋ. Kɛɛ dùaìŋ wo Dayà, wo yèɔ pɔɔpɔ̀ɔ̀ ke kpùnaàŋ yaà wɔŋ nyììŋ jinàaŋ ko jàhamaŋ wɔ̀.

Luùm 8:31

Kiìŋ è naiŋ ɓɛ̀nɛ̀ŋ wòo e nyaàiŋ dè maŋ keì mɛɛ̀ŋ gbiŋ? Sèè wo Dayà nɔ̀ŋ weè wi, kɛ̀ ɓòò naŋ ɓɛ̀nɛ̀ŋ nɔ̀ŋ wo joo wi?

Ɛfesɔ̀ 3:12

Wo Jisɛ̀ Kulaì naŋ wi kìɛ̀ŋ ke jii nyingè yèè ke jii tùlia wèè eiŋ hnàŋ koɓɛ̀ Dayài e hààwe sùà.

Hiɓu 10:19

Nyɛ̀iŋ nààŋ wùìyaim nyàŋ, è yààìŋ naàŋ nyaàŋ gè diɛŋ wi wèè eiŋ jɔ̀à ko Nɛ̀nɛ̀ŋ Nɛɛmaŋ Gbeeì wèè Dayà, esàɓù maŋ sɛ̀ìŋ Jisɛ̀ Kulaì maŋ wò naŋ wùɔ̀ŋ dìì maŋ nààŋ àŋ nauŋ wa jìwè.

Hiɓu 4:16

Kɛ̀ɛ̀nɛŋ wiìŋ ke jii tùlia e kìlà e kaiŋ ko gbɛ̀ɛ̀ ke kpùà kanaà Dayà ko yèi è doiŋ nàŋ yɛ̀mɛ̀ e tɛ̀ɛ̀tɛ̀ɛ̀. Kuŋ wo Dayà do wi nàŋ tɔ̀ɔ̀ ke nyowo yèè wo wi kìɛ̀ŋ e kpùùmaàŋ è naiŋ kpɛɛ̀ŋ weè niŋ lɛ̀.