Hiɓu 13:4 - WƆŊ FƐ̀Ì EBÒ SÌÀŊ DAYÀA

⁴ Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

Hiɓu 13:4 ပူးပေါင်းရင်းမြစ်များ

1 Kɔliìŋ 6:18

Duàŋ e kèì nàànààŋ hmɔŋtu nyɛ̀nɛŋ, e keì naanààŋ gbiŋ wo nyùùŋ naŋ nyɛ̀nɛ̀ŋ e fè mɔ̀ɔ̀nɛ̀ŋ kè kpùnauŋ nɛɛ̀ŋ, kɛɛ wo nyùnɔ̀ɔŋ naŋ gbèè e hmɔŋtu nyɛ̀nɛŋ wɔ, wò ɓemàŋ e jùumù ke kpùnàŋ wuŋ biɛ̀ diɛŋ.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

1 Kɔliìŋ 7:38

Kɛɛ wo felaaà naŋ mɔ̀nɔ̀ŋ jɔùŋjɔaà wɔ, nyɛ̀nɛ̀ŋ tɛ̀ɛ̀, kɛɛ wo yèɔ fè ɓèmè jɔùŋ wɔ, wò nyɛ̀nɛ̀ŋ tɛ̀ɛ̀ zimgbe.

1 Kɔliìŋ 9:5

Miŋ kuwà è tɔ̀ɔ̀nyaàŋ wèè ka fɔ̀ɔ̀nɔ̀ŋ e tɔ̀ɔ̀màŋsèì aŋ keela tàeɗùù bà yaà aŋ wùìyà Kanaà yèè wo Pììlɛ, wèè ka ɓèmè wo wùìya jɔùŋ kùwìè e hààweɔ̀ wo Jisɛ̀ Kulaì sùà è kàaiŋ mɛ̀ diɛŋ?

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

Gàla 5:19

E yèɛ maŋ kèìŋ nyuùŋkpùuŋ màŋ nyɛnɛŋ lɛ̀ è yaà janjai. Màŋ dè wo nyùùŋ ke dòmàŋ hmɔŋtu, maŋ gòngo naanààŋ, yèè maŋ kpèè sàngè maŋjɛ̀wɛ,

Gàla 5:21

Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Ɛfesɔ̀ 5:5

Kùwieìŋ e hààwe lɛɛ̀ kɛ̀ wo nyuùŋ nyɛ̀nɛ̀ŋ ke yɛɛ̀ naanààŋ gbiŋ, ɔ̀ɔ̀ wo nyuùŋ kùwìè ke jii kùwà ninaŋ, ɔ̀ɔ̀ wo nyùnùɔŋ naŋ nyɛ̀nɛ̀ŋ e wùànàŋ keekèè wèè e nɛ̀ŋ gbiŋ wɔ̀, e yaà nɔŋ mààŋ maŋ goò zòòlo, wo naàŋ wa nàwèè nàŋ kɛ̀ɛ̀nɛ̀ŋ è nɛ̀ŋ bà gbiŋ è gààŋ Kànà Jisɛ̀ Kulaìɛ yaà Dayàa dìì.

1Tɛsè 4:6

E keì lɛɛ̀ sùà, e fèèmàŋ felaa yaà jɔùŋ, wo bà gbiŋ ɓɔ̀ wò kaaɓì àŋ wùìya hààwè Dayà dàwiuŋ nyàŋ ɔ̀ɔ̀ wo nyiŋ nììngè fɛ̀ɛ̀. Èiŋ wa tɛɛ̀ woò gɔu, yèè è yààìŋ fè sùà e gòo nyìnga esaɓù kɛ̀ wo Kanaà Jisɛ̀ do nàŋ ngàìnɓù anyùùŋ nyaŋ nyɛnɛŋ maŋ keì miiŋ nyàŋ.

1Time 3:12

Wo ɓɔ̀ìjɔ̀à aŋ sìèfèìŋ anyuùŋ hààwe nyàŋ, nɔ̀ŋ wo nyuùŋ kɛ̀ɛ̀nɛ̀ŋ jɔ̀ùŋ guùŋ kpò, wo nɔ̀ŋ nyùnɔ̀ɔŋ yɛmɛ̀ aŋ jɔ̀àuŋ nyàŋ yaà ke kpoouŋ nɛɛ̀ŋ diɛŋ tɛ̀ɛ̀ wɔ.

1Time 3:2

Wo sìèfèìŋ anyuùŋ hààwe nyàŋ, kuwa wo nɔ̀ŋ wo nyùnɔ̀ɔ̀ŋ kuwà è tɔ̀mɛ wɔ̀. Wo nɔ̀ŋ nyuùŋ kɛ̀ɛ̀nɛ̀ŋ wo jɔ̀ùŋ guùŋ, ɓɔ̀ wò nɔ̀ŋ wò nyuùŋ tìà mùàŋ, wo yɛmɛ̀ wuŋ bi diɛŋ, yèè wo nɔ̀ŋ ke jii fàa sùà. Wo nɔ̀ŋ nyuùŋ jàà aŋ nyùnèènyɛiŋ kùàŋ dìì ko gboouŋ noo, e kìlà wo nyìmàŋ e ɗèwè kàa.

1Time 3:4

Wo sìèfèìŋ anyuùŋ hààwe nyàŋ wo nɔ̀ŋ wo nyùnɔ̀ɔŋ yɛ̀mɛ̀ ke kpòò wuŋ biɛ̀ diɛŋ tɛ̀ɛ̀ kaiŋ wɔ̀, yèè wo nyɛ̀nɛ̀ŋ aŋ jɔ̀àuŋ nyàŋ aŋ jɔɔlɔ̀uŋ dìì e ɓɛ̀ɛ̀jàa sùà.

1Time 4:3

Anyuùŋ tòa mààŋ nyɛɛ̀ŋ naŋ kaà kɛ̀, e fè è tɔ̀ɔ̀nyaàŋ wèè wò nyùùŋ wo ɓèmè wo jɔùŋ ɔ̀ɔ̀ wo felaa, yèè wo jè mànɛ̀ŋ je gɛ̀wɛɛ̀ bà. Kɛɛ wo Dayà naŋ bànè maŋ nɛ̀ŋje mɛɛ̀ŋ wèè eiŋ miŋ jììyà è zòòlò ke sɛ̀ gèe sùà, wèè anyuùŋ hààwe nyàŋ nyìmàŋ e tɔ̀ɔ̀nyaàaŋ.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.

Hiɓu 12:16

Wo nyùùŋ gbiŋ ɓɔ̀ wò gbìàŋ kùàŋ è kèè hmɔŋtu nyɛ̀nɛŋ sùà, ɔ̀ɔ̀ wo gbòà màŋ mìè ɓɛ̀ɛ̀pɔ̀ɔ kòɓɛ̀ Dayài, màànààŋ wo Isɔ̀ naŋ wa nyɛ̀nɛ̀ŋ lɛ, wo yèɔ naŋ wa mààŋ e tɔ̀ɔ̀nyààŋ ke ɗɔ̀ɔ̀ kòmauŋ nɛɛ̀ŋ wèè wɔŋ jakulo, jòòpɛɛ wuŋ nàŋ yaà wa wo jɔ̀àfelaa jiɛ̀jiɛ̀ɔ.

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.