Hiɓu 13:3 - WƆŊ FƐ̀Ì EBÒ SÌÀŊ DAYÀA

³ Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.

Hiɓu 13:3 ပူးပေါင်းရင်းမြစ်များ

Maafiù 25:36

Mìŋ yaà wa ke kpanja yèè mùŋ naim kìɛ̀ŋ maŋ dèè, mìŋ yaà wa siinyɛŋ, yèè mùŋ naim jaamè, mìŋ yaà wa ko sààŋ nyìwì yèè mùŋ naim jaamè.’

Maafiù 25:43

Mìŋ yaà wa wo nyùùnèènyɛiŋ yèè niŋ gòim wa jàà kùàŋ dìì kò gbooiŋ màŋ sùa. Mìŋ yaà wa ke kpanja kɛɛ niŋ gòim wa kìɛ̀ŋ màŋ dèè, mìŋ yaà wa siinyɛŋ, yèè ko sààŋ nyìwì kɛɛ niŋ gòim wa jaamè.’

Nyɛ̀nɛ̀ŋ 24:23

Wò naŋ wòò wo nyùùŋ gbèè kààlòòɗùàa yaà wa yɛ̀ɛ̀mɛ̀ wo Pɔɔ̀ diɛŋ wɔ̀ kɛ̀ wo yɛmɛ̀uŋ diɛŋ, kɛɛ ɓɔ̀ wò gbìàuŋ kò sààŋ nyìwì yèè kɛ̀ ɓɔ̀ wò keewè àŋ dàwiuŋ nyàŋ kùàŋ feìŋ sèè àŋ mɔnɔŋ wèè auŋ kpuumàŋ.

Nyɛ̀nɛ̀ŋ 27:3

Wɔŋ niìsìaà bàa è naiŋ hàì ko Sidɔ̀ùŋ. Wo Juliɔ̀ naŋ wa nɔ̀ŋ e kpùùmaŋ gbee koɓɛ̀ Pɔɔ̀i. Wò nauŋ wa ngèè pɛɛ dangè wèè wo jaamè anyuùŋ mɔ̀ɔ̀nɔuŋ nyàŋ, wèè kɛ̀ àŋ nauŋ ɓɛ̀nɛ̀ŋ kìɛ̀ŋ e kpùùmaŋ gbiŋ e yèɛ wò mɔnɔŋ wa.

Luùm 12:15

Sèè mùŋ yɛmɛ̀ anyùùŋ àŋ nɔ̀ŋ zɔlɔ̀ sùà, muàŋ pɛɛ nɔ̀ŋ zɔlɔ̀ sùà weè nyiŋ. Sèè mùŋ yɛmɛ̀ anyùùŋ aŋ nɔ̀ŋ gulie, muàŋ pɛɛ golà weè nyiŋ.

1 Kɔliìŋ 12:26

Sèè manɛ̀ŋ è kɔ̀ɔ̀ ke kpùnaàŋ bà guùŋ gbiŋ kà e keì nyìnga dìì, maŋ gbiŋ kɔ̀à e keì nyìnga lii dìì, sèè e bà gbiŋ yɛ̀mɛ̀ e ɓɛ̀ɛ̀jàa, maŋ gbiŋ gè zɔlɔ̀.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Kòlo 4:18

Wɔŋ kùàŋ miàŋ biɔ̀ naŋ tɛɛ̀ sìngè. E zùùmo e yìwìà miàim Pɔɔ̀ sìwè. Ɓɔ̀ nìŋ nyɛɛnɛ̀ŋ kɛ̀ kòò mìŋ yaà nɔŋ maŋ jɔ̀ɔɔ ko sààŋ nyìwìi. Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.

Hiɓu 11:37

Àŋ naŋ nyiŋ wa hɔ̀wɔ̀ le dùò, aŋ nyiŋ sɛ̀ɛ̀sɛ̀ɛ̀ maŋ fàà tìyèe. Anyuùŋ hààwe nyàŋ bà nyiŋ kuwà mànɛ̀ŋ kpàa, àŋ naŋ wa kpàà maŋ fɛ̀ì yilì mààŋ maŋ fɛ̀ì ɓaawaa ɔ̀ɔ̀ maŋ fɛ̀ì diì sùà. Àŋ yaà wa anyuùŋ kòmàŋ enuùŋ, yèè àŋ naŋ nyiŋ gbùwò maŋ keì ɗì e kìlà aŋ nyiŋ kùwìà siwè nanàŋ.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.