Hiɓu 13:18 - WƆŊ FƐ̀Ì EBÒ SÌÀŊ DAYÀA

¹⁸ Zòòloìŋ weè wi e teenga gbiŋ. Èiŋ hààwè kɛ̀ è kùwàìŋ maŋ jii sengèì, esaɓù kɛ̀ è manaŋ eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e teenga gbiŋ.

Hiɓu 13:18 ပူးပေါင်းရင်းမြစ်များ

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 24:16

Weètii mìŋ nyɛnɛŋ e tɛ̀ɛ̀tɛ̀ɛ̀ɛ gbiŋ mìŋ naŋ ɓɛ̀nɛ̀ŋ nyɛ̀nɛŋ wèè ka kɛ̀ɛ̀nɛ̀ŋ e gòngo siaŋ koɓɛ̀ Dayài yèè wo nyuùŋkpùuŋ.

Luùm 12:17

Sèè wo nyùùŋ wò jààùm e nànàŋ, ɓɔ̀ mùŋ giiyàuŋ è kpàŋ keì naanààŋ. Kàmè ɗewe wèè muŋ nyɛ̀nɛ̀ŋ e yèɛ anyùùŋ nyaŋ gbiŋ naŋ gongò kɛ̀ è yaà tɛ̀ɛ̀ lɛ.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 15:30

Nyɛ̀iŋ nààŋ wùìyaim nyàŋ, e yìwìà e gààŋ Kanaà Jisɛ̀ Kulaìɛ sùà yèè e mànaàŋ yewe wo Jìnàŋ Nɛɛmaàŋ sìwè lɛ, mìŋ yààìŋ pɔ̀wɔ sùà wèè yàwi nààŋ gbiŋ eiŋ zòòlò wo Dayà koɓɛ̀ guùŋ e weèim.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

1Tɛsè 4:12

Tɛɛ̀ nàŋ nyɛnɛŋ anyùùŋ nyaŋ kuwà è hààwe nyàŋ, aŋ kùwìè e ɓɛ̀ɛ̀jàa weèiŋ yèè e kìlà niŋ fè yɛ̀mɛ̀ wò nyùùŋ gbiŋ fɛ̀ɛ̀ wèè è nɛ̀ɛŋ nìŋ naŋ kpɛɛ̀ŋ weè niŋ lɛ̀.

1Tɛsè 5:25

Wùìya wi nyàŋ, zòòloìŋ weè wi yàwi pɛɛ.

2Tɛsè 3:1

Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,