Hiɓu 13:12 - WƆŊ FƐ̀Ì EBÒ SÌÀŊ DAYÀA

¹² Wèè esaɓù lɛɛ̀, àŋ naŋ wa gè wo Jisɛ̀ ko jawa gbeeì, auŋ jìwà, wèè maŋ sɛnùuŋ màŋ nyɛ̀nɛ̀ŋ anyùùŋ nyaŋ aŋ nɔ̀ŋ nɛɛmaŋ sùà.

Hiɓu 13:12 ပူးပေါင်းရင်းမြစ်များ

Luù 4:29

Àŋ naŋ wa yèwè dìì àŋ kùwà Jisɛ̀, auŋ gɔ̀ɛ̀ɛ̀ dìì auŋ gè ko jawaì, yèè àŋ nauŋ kɔ̀ɔ̀ wo wɔŋ tolòɔ dìmɛ̀, wɔŋ yèɔ e jawa nyiŋ nɛ̀ jaa wa diɛŋ lɛ̀, esaɓù kɛ̀ àŋ manaŋ wa wèè auŋ dulò auŋ dàà e yìwìà koɓɛ̀ bi.

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Jɔ̀ɔŋ 19:34

Yèè wo kààlòòɗùàa bà guùŋ naŋ zɔ̀ɔ̀lɔ̀ ke kpɛɛuŋ nɛɛ̀ŋ wo Jisɛ̀ e ɓula, yèè maŋ sɛ̀ìŋ yaà e wùìyè nao fòlò.

Nyɛ̀nɛ̀ŋ 7:58

auŋ gɔ̀ɛ̀ɛ̀ dìì auŋ gè ko jawa gbeeì yèè àŋ nauŋ tɔ̀ɔ̀tù hɔ̀wa. Aŋ sèì nyaŋ naŋ wa gè maŋ kùmà gbeegbèè nyiŋ màŋ yèè àŋ naŋ miŋ jùùyè wo kɔmɔŋjɔa bɔwɔ bà aŋ nyaaŋ wo Sɔɔ̀.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

Hiɓu 10:10

Nààŋ wo Jisɛ̀ Kulaì naŋ nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ̀, yàwi nààŋ gbiŋ naiŋ nɔ̀ŋ anyùùŋ nɛɛmaŋ e yìwìà maŋ jùumù wi màŋ sùà, e teengaà wò naŋ gììyè ke kpùnauŋ nɛɛ̀ŋ saaà e sùà guùŋ kpò wèè anyùùŋ nyaŋ gbiŋ lɛ̀.

Hiɓu 10:29

Kɛɛ ngèè è do nàŋ nɔ̀ŋ e keì nyìnga gbee koɓɛ̀ wo nyùnɔ̀ɔŋ do nàŋ gììyè wo Jɔ̀àfèlàà Dayàa maŋhɛɛ wɔ̀, yèè wo hìàŋ e ɓɛ̀ɛ̀pɔ̀ɔ koɓɛ̀ maŋ sɛ̀ìŋ e ɗààhìì e mìèsùàgùùŋ Dayàa naŋ nyɛ̀nɛ̀ŋ è naiŋ nɔ̀ŋ nɛɛmaŋ sùà lɛ. Yèè è do nàŋ nɔ̀ŋ e nɛ̀ŋ gò zɛ̀nɛ̀ŋ wèè wo nyùnɔ̀ɔŋ do nàŋ kìɛ̀ŋ ke mìè ɓɛ̀ɛ̀pɔ̀ɔ koɓɛ̀ wo Jìnàŋ Nɛɛmaàŋ, wo yèɔ tɔɔ̀ wì ke nyowo wɔ̀.

Hiɓu 2:11

Wo Jisɛ̀ yaà anyùùŋ nyaŋ wò naŋ nyɛ̀nɛ̀ŋ àŋ naŋ nɔ̀ŋ nɛɛmaŋ sùà nyaŋ, aŋ gbiŋ kuwa wo Dèdà gunɔ̀ɔŋ. Esaɓùɛ lɛɛ̀ e sàngè fè wò Jisɛ̀ wèè wo nyiŋ nyààŋ àŋ wùìyauŋ nyàŋ.

Maŋ kèì nyɛɛnɛŋ 14:20

Àŋ naŋ wa nɔ̀ɔ̀ maŋ gbɛ̀mɛ̀ɛ̀ŋ komaŋ màŋ wɔŋ golo tììlà maŋ gbɛ̀mɛ̀ɛ̀ɔŋ sùà, wɔŋ yèɔ fè wa kò jawa gbeeì wɔŋ, yèè nààŋ àŋ naŋ wa nɔ̀ɔ̀ maŋ gbɛ̀mɛ̀ɛ̀ŋ maŋ, maŋ sɛ̀ìŋ naŋ miŋ wa fòlò sùà. Maŋ sɛ̀ìŋ maŋ naŋ wa kìlè e wuiyè màaŋ gbee. E mùnlàŋ kìì wùìyèɛ yaà wa e sɔ̀ngɔ̀ e maàà hɔ̀nɔ̀ɔ̀ tìyèe, yèè e zùtuuŋ kii niŋ nɛ̀ yaà wa e sɔ̀ngɔ̀ e kùànsùà kpùù kpùù nɔɔnɔŋ e yèɛ naŋ ɓɛ̀nɛ̀ŋ ɓùwà wɔŋ kaì fàà kpuuɔ̀ wo nyuùŋ dùùnyàŋ sòoɔ̀ toomàŋ wèè sòoɔ̀ dùàŋ ɔ̀ɔ̀ wo sie wɔ̀ŋ.