Hiɓu 12:9 - WƆŊ FƐ̀Ì EBÒ SÌÀŊ DAYÀA

⁹ Aŋ dèdà ɗuunyaŋ wi nyàŋ aŋ yè nyaŋ è naiŋ fòlò e kɔɔ sùà nyaŋ, nimilà wì sèè è nyɛnɛŋ e keì naanààŋ, yɛi nɔŋ è yaà è kiɛ̀ŋ nyiìŋ ɓɛ̀ɛ̀jàa. È yaà ngèè pɛɛ tɛ̀ɛ̀ wèè eiŋ jɔ̀ɔ̀lɔ̀ wo Dèdà àìjɛnɛ̀ŋ wiɔ̀ dìì, kɛ̀ èiŋ kùwìè wɔŋ nyiiŋ gèe.

Hiɓu 12:9 ပူးပေါင်းရင်းမြစ်များ

Luù 18:2

Wò naŋ nyiŋ woò wààŋ, “Wo kana gbàì keì yaà wa ko jawa bà wo yèɔ fè wa dùàŋ Dayà e kìlà wo kuwà wa è ɓɛ̀ɛ̀jàà ànyùùŋ gbiŋ.

Luù 18:4

Wèè e teenga mùnlaŋ wo kana gbàì keìɔ naŋ gè maŋhɛɛ wèè wo nyɛ̀nɛ̀ŋ e nɛ̀ɛŋ wo nìeɔ̀ manaŋ wa lɛ̀. Kɛɛ ko diemeì wò naŋ wòò koɓɛ̀ wuŋ biì wààŋ, ‘Jòòpɛɛ miŋ fè dùàŋ Dayà ɔ̀ɔ̀ miŋ kuwà è ɓɛ̀ɛ̀jàa wèè ànyùùŋ gbiŋ,

Jɔ̀ɔŋ 3:6

Anyuùŋ kpùuŋ komo aŋ jɔ̀à nyiŋ nyàŋ anyuùŋ kpùuŋ sùà, kɛɛ wo Jìnàŋ wo Kanaà Dayà nɔŋ nàŋ kile wo nyùùŋ wo nɔ̀ŋ wo jɔ̀à Dayà.

Nyɛ̀nɛ̀ŋ 2:30

Wo Dèèwe yaà wa wo wɛ̀ijì, e kìlà wò nyìmàŋ kɛ̀ wo Dayà naŋ wa jɔ̀ɔ̀ ɗààhiì kɛ̀, wò do wa nàŋ jàà wo jɔ̀ɛ̀ jɔ̀ɛuŋ nɔɔ̀ŋ bà guùŋ ke kpùà kana diɛŋ e yìwìà ke kpoouŋ nɛɛ̀ŋ sùà e kìlà wo nɔ̀ŋ wo kana, màànààŋ wo Dèèwe wuŋ bi yaà wa lɛ̀.

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.

Jìiiŋ 4:10

Dèèyeìŋ nyɛ̀iŋ bi wo Kanaà Dayà fɛɛ̀feìŋ, kɛ̀ wò doiŋ nàŋ kìɛ̀ŋ e ɓɛ̀ɛ̀jàa.

Jìiiŋ 4:7

Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

1Pììlɛ 5:6

Dèèyeìŋ nyɛ̀iŋ bi wɔŋ kùàŋ gààŋ gbèè Dayàa dìì, kɛ̀ wò doiŋ nàŋ joowò e tèèngà sìàŋ wuŋ biɛ̀ diɛŋ.

Maŋ kèì nyɛɛnɛŋ 22:6

Wo màikàa naim ɓɛìŋ woò wààŋ, “Maŋ miè gbòaim mɛɛ̀ŋ màŋ yaà tɔ̀ɔ̀nyaàŋ yèè mùŋ kuwa maŋ miŋ hààwè. Wo Kanaà Dayà, wo yèɔ kiɛ̀ŋ wo Jinàuŋ nɔɔ̀ŋ koɓɛ̀ aŋ wɛ̀ijì nyaŋ wɔ̀, naŋ tùɔ̀ŋ wo màikàuŋ nɔɔ̀ŋ wèè wo tɔɔ̀ aŋ ɓɔìjɔ̀àuŋ nyàŋ kɛ̀ kiìŋ nàŋ do nàŋ kaaìŋ e teenga kpuu sùà.”