Hiɓu 12:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ nàŋ nyɛɛnɛ̀ŋ wèè maŋ mìè jii nyingè maŋ wo Dayà naiŋ wa kiɛ̀ŋ maŋ, nààŋ nìŋ yaà aŋ jɔ̀à ko nɛ̀ɛ̀uŋ niìŋ. Wò naŋ wa woò wààŋ, “Jɔ̀à miɔ̀ŋ, sèè wo Kanaà woum kìɛ̀ŋ e keì nyìngà wèè woum dè ke dòmaŋ siaŋ diɛŋ, e zɔ̀kpɔ̀ ɓɔ̀ è nɔ̀um yèè ɓɔ̀ mùŋ niingè niŋ fɛ̀ɛ̀.

Hiɓu 12:5 ပူးပေါင်းရင်းမြစ်များ

Luù 24:6

Wo Jisɛ̀ fè kià! Wo Dayà wòuŋ gè e fàaà dìì wɔŋ nyiiŋ gèeɔ̀ sùà. Jàaìŋ jii e yèɛ wò naiŋ woò e teengaà wò yààìŋ wa tɛɛ ko Galaliì lɛ.

Luù 24:8

Aŋ jɔùŋ nyaŋ naŋ ngàà jàà maŋ mìè gbòauŋ màŋ jii.

1 Kɔliìŋ 11:32

Kɛɛ wo Kanaà gbaì wì, yèè wo wi nimilà wèè wo go wi nàŋ hèè kiti diɛŋ e kpùlìà anyùùŋ ɗuunyaŋ gbànaŋ nyàŋ.

Gàla 6:9

E bɔ̀mɔ̀ŋ ɓɔ̀ è nyɛ̀nɛ̀ìŋ wèè è tɛ̀ɛ̀tɛ̀ɛ̀ nyɛ̀nɛŋ, sèè e bɔ̀mɔ̀ŋ goiŋ nyɛ̀nɛ̀ŋ, nìŋ do nàŋ yɛ̀mɛ̀ e jìwààjɛ̀wɛ̀ siaŋ sèè e teenga kɛnɛɛ̀ haì wa nàwèè.

1Time 1:20

Anyùùŋ nyɛɛ̀ŋ bà nyiŋ nàŋ yaà wa wo Hèmɛnàè yaà wo Àlèzanàŋ, aŋ yè nyaŋ mìŋ naŋ wa nimilà yèè mìŋ naŋ nyiŋ kìɛ̀ŋ koɓɛ̀ e gààŋ Sɛ̀tanàaŋ nyàŋ, tɛɛ̀ do nyiŋ nàŋ kaà aŋ dàngè maŋ mìè ɓɛ̀ɛ̀pɔ̀ɔ nyiŋ màŋ.

Hiɓu 12:7

Nɔ̀iŋ maŋ jii tɔumtɔ̀ùm sùà sèè wo Dèdaà Dayà dèìŋ ke dòmaŋ siaŋ diɛŋ. E nimilàa nìŋ do nàŋ kɔ̀ dìì lɛ, è tɔɔ̀ kɛ̀ wo Dayà yààìŋ yɛi kààiŋ sùà ke kpèè yɛɛ̀ wèè niŋ nyìmàŋ kɛ̀ nìŋ yaà aŋ jɔ̀àuŋ. Wo jɔ̀à gbiŋ kòò wò yaào wo yèɔ wo dèdauŋ nɔɔ̀ŋ gò kìɛ̀ŋ è nimilà wɔ̀?

Hiɓu 13:22

Mìŋ yààìŋ pɔɔwɔ nyɛ̀iŋ nààŋ wùìyaim nyàŋ, wèè naŋ kòmàŋ maŋ mìè gbìàŋ jii nyingè mɛɛ̀ŋ, esaɓù kɛ̀ wɔŋ fɛi sìngaim wɛɛ̀ŋ ko nɛ̀ɛ̀iŋ niìŋ, wɔŋ gò mùnlàŋ.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

Maŋ kèì nyɛɛnɛŋ 3:19

Mìŋ gbuuyà e kìlà mìŋ nimilà anyùùŋ nyaŋ gbiŋ mìŋ manaŋ nyàŋ. Weètii, nɔ̀ŋ wo nyùùŋ tɔ̀ɔ̀nyaàŋ, e kìlà muŋ fè maŋ tùwo naanààum màŋ jɛwɛ.