Hiɓu 12:3 - WƆŊ FƐ̀Ì EBÒ SÌÀŊ DAYÀA

³ Weètii jàaìŋ maŋ jiiŋ màŋ wo Jisɛ̀ maŋjɛ̀wɛ, wo yèɔ naŋ jàà maŋ mìè ɓɛ̀ɛ̀pɔ̀ɔ zimgbe kùàŋ dìì e yìwìà anyùùŋ maŋ jùumù sìwè. Tɛɛ̀ do nàŋ nyɛ̀nɛ̀ŋ e zɔ̀kpɔ̀ naàiŋ nɔ̀ŋ wèè naŋ fè è hààweiŋ nɛ̀ jɛwɛ.

Hiɓu 12:3 ပူးပေါင်းရင်းမြစ်များ

Maafiù 11:19

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, yèè anyùùŋ nyaŋ gbiŋ naŋ woò nyààŋ, ‘Wo felaa wɛɛ̀ tɔɔ̀ wèè wo nɔ̀ŋ nyùùŋ tɔ̀ɔ̀nyaàŋ, kɛɛ wò jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yèè anyùùŋ maŋ kpèè naanààŋ.’ Yɛi nɔŋ e jììkɛ̀ɛ̀ Dayàa è naŋ tɔɔ̀, wèè e nɔ̀ŋ e tɔ̀ɔ̀nyaàŋ e nyaàiŋ dè manɛ̀ŋ maŋ mìŋ nyɛnɛŋ màŋ sùà.”

Maafiù 12:24

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ woò nyààŋ, “Wò gè anyùùŋ aŋ jinàŋ naanààŋ maŋjɛ̀wɛ esaɓù kɛ̀ wo kànà aŋ jinàŋ naanààŋ nyaŋ wo Bɛɛziɓù nàŋ yàuŋ maŋjɛ̀wɛ!”

Maafiù 15:2

“Wèè kiìŋ anyùùŋ màŋjɛ̀wɛ̀um nyàŋ fè dè è langiɛ̀ àŋ nèwàènèwe wi nyàŋ naŋ wi juuyè lɛ màŋjɛ̀wɛ? Aŋ fè ngèè pɛɛ gùà màŋ kuàŋ nyiŋ màŋ tɛ̀ɛ̀ è langi wilɛ̀ sùà paŋgàà aŋ jènɛ̀ŋ!”

Maafiù 21:23

Wo Jisɛ̀ naŋ wa kɛ̀ɛ̀ ko Saaŋ Zòòlò Dayài, yèè aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Maafiù 21:46

Yèè àŋ naŋ kàmè ɗewe wèè aŋ kùwà wo Jisɛ̀, kɛɛ àŋ duɔŋ wa e faaàŋ, esaɓù kɛ̀ anyùùŋ nyaŋ naŋ wa gongò kɛ̀ wò yaà wo wɛ̀ijì.

Maafiù 22:15

Aŋ Fɛlosiì nyaŋ naŋ gbònò koɓɛ̀ guùŋ yèè àŋ naŋ ɗewè wèè aŋ nyɛ̀nɛ̀ŋ wo Jisɛ̀ wo woò e keì naanààŋ.

Luù 14:1

Kè Ɗɔ̀ɔ̀ zòòlò aŋ Juùù nyaŋ bà guùŋ diɛŋ wo Jisɛ̀ naŋ wa kɔ̀ ko gbòò wo nyùùŋ gbèè aŋ Fɛlosiì nyaŋ bà guùŋ ko jììyè nɛ̀ŋje. Yèè anyùùŋ nyaŋ gbiŋ nauŋ wa jàà fɛ̀ɛ̀ diɛŋ.

Luù 15:2

Aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ naŋ tɔ̀ɔ̀tù gbùùyà ɗìòsùà e nyaàiŋ dè wo Jisɛ̀. Aŋ naŋ woò nyààŋ, “Wo felaa wɛɛ̀ jaa anyùùŋ maŋ jùumù nyaŋ kùàŋ dìì aŋ jɛ̀ì koɓɛ̀ guùŋ ko jììyè nɛ̀ŋ.”

Luù 16:14

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ hììlè wo Jisɛ̀, esaɓù kɛ̀ àŋ manaŋ nɛɛnɛŋ zimgbe.

Luù 2:34

Wo Simiɔ̀ŋ naŋ nyiŋ zòòlò diɛŋ yèè wò naŋ wòò wo Mèèle, wo nààŋ jɔ̀àa wààŋ, “Wo Dayà naŋ tà wo jɔ̀à wɛɛ̀ ɗùù wèè wo nyɛ̀nɛ̀ŋ anyuùŋ zimgbe ko Ezɔ̀ɛ̀ aŋ sɔ̀àà, yèè aŋ bà nyiŋ aŋ yèwà e fàa dìì aŋ sie. Wò do naŋ nɔ̀ŋ e tɔ̀ɔ̀màŋsèì e keì, yèè anyuùŋ zimgbe naàuŋ jàà kùàŋ dìì.

Luù 5:21

Aŋ kààmɔ̀ɔ̀ŋ maŋ Sàwà Dayà nyaŋ yaà Fɛlosiì nyaŋ naŋ tɔ̀ɔ̀tù wòò nyiŋ bi e fèemàŋ nyààŋ, “Ɓòò wo felaa wɛɛ̀ naŋ gongò kɛ̀ wò yaà, wò yaà tii woo? Wò yaà gbùùyè maŋ mìè ɓɛ̀ɛ̀pɔ̀ɔ koɓɛ̀ Dayài. Wo Dayà wuŋ guùŋ nɔŋ nàŋ juuyà maŋ jùumù hakɛ̀.”

Jɔ̀ɔŋ 10:20

Aŋ Juùù nyaŋ zimgbe nyiŋ naŋ wa woò nyààŋ, “Wo jinàŋ naanààŋ yàaùŋ maŋjɛ̀wɛ! Wò naŋ sààŋ ke gbòà! Wèè kiìŋ nìŋ kumìàŋ e nɛ̀ɛŋ wò yaà woo lɛ̀?”

Jɔ̀ɔŋ 18:22

Nààŋ wo Jisɛ̀ naŋ tɛɛ̀ woò, anyuùŋ tùnìàŋ ke Saaŋ Zòòlò Dayàa bà guùŋ siao wa wɔ̀ naŋ hèè wo Jisɛ̀ fɛ̀ɛ̀ nyààŋ yèè wò naŋ woò wààŋ, “Wèè kiìŋ mùŋ gboo yɛi koɓɛ̀ wo Kànà Sìèfèìŋ Zòòlo Gbeeɔ̀?”

Jɔ̀ɔŋ 5:16

Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 7:12

Anyùùŋ nyaŋ e faaàŋ sùà yaà wa kpaane kpaane maŋ wɛɛwɛɛ suà nyiŋ bi e fèemàŋ e nyaàiŋ dè wò Jisɛ̀. Anyùùŋ nyaŋ bà nyiŋ yaà wa woo nyààŋ, “Wo Jisɛ̀ yaà wo nyùùŋ tɔ̀ɔ̀nyaàŋ,” kɛɛ aŋ bà nyiŋ yaà woo nyààŋ, “Kpele, wò yaà tùùya sùà anyùùŋ nyaŋ gbiŋ.”

Jɔ̀ɔŋ 8:13

Aŋ Fɛlosiì nyaŋ gò wa jàà è keì wòo lɛɛ̀ kùàŋ dìì, yèè àŋ nauŋ woò nyààŋ, “Mùŋ yaà gbuuye wèè muàŋ bì. Ke mìè seì mɔɛ̀ŋ fè tɔ̀ɔ̀nyaàŋ.”

Jɔ̀ɔŋ 8:52

Kpeiŋ aŋ Juùù nyaŋ nauŋ woò nyààŋ, “Èiŋ naàŋ nyìmàŋ kɛ̀ wo jinàŋ naanààŋ yààùm ko sùà. Wo Eɓulɔhɛɛ̀ŋ naŋ wa fɔ̀, e hààwè aŋ wɛ̀ijì nyaŋ. Dièsɔa mùŋ naŋ ɓɛ̀nɛ̀ŋ wòo mààŋ kɛ̀ wo nyùnɔ̀ɔŋ haawà maŋ mìè gbòaim màŋ wɔ wo naàŋ wa nàwèè fɔ̀ julɔfɔ?

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.

Jɔ̀ɔŋ 9:40

Aŋ Fɛlosiì nyaŋ bà nyiŋ naŋ kòmò e yèɛ wo Jisɛ̀ naŋ wa woò lɛ, yèè àŋ naŋ dawè nyààŋ, “Yàwi pɛɛ zà, è naiŋ zììlè le fɛ̀ɛ̀?”

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

2 Kɔliìŋ 4:1

E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

Gàla 6:9

E bɔ̀mɔ̀ŋ ɓɔ̀ è nyɛ̀nɛ̀ìŋ wèè è tɛ̀ɛ̀tɛ̀ɛ̀ nyɛ̀nɛŋ, sèè e bɔ̀mɔ̀ŋ goiŋ nyɛ̀nɛ̀ŋ, nìŋ do nàŋ yɛ̀mɛ̀ e jìwààjɛ̀wɛ̀ siaŋ sèè e teenga kɛnɛɛ̀ haì wa nàwèè.

2Tɛsè 3:13

Kɛɛ nyɛ̀iŋ nààŋ wùìya wi nyàŋ, ɓɔ̀ nìŋ yɔkpɔ̀ wèè è keì sìàŋ nyɛ̀nɛŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 12:5

Kɛɛ nàŋ nyɛɛnɛ̀ŋ wèè maŋ mìè jii nyingè maŋ wo Dayà naiŋ wa kiɛ̀ŋ maŋ, nààŋ nìŋ yaà aŋ jɔ̀à ko nɛ̀ɛ̀uŋ niìŋ. Wò naŋ wa woò wààŋ, “Jɔ̀à miɔ̀ŋ, sèè wo Kanaà woum kìɛ̀ŋ e keì nyìngà wèè woum dè ke dòmaŋ siaŋ diɛŋ, e zɔ̀kpɔ̀ ɓɔ̀ è nɔ̀um yèè ɓɔ̀ mùŋ niingè niŋ fɛ̀ɛ̀.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

1Pììlɛ 2:23

E teengaà àŋ yàaùŋ wa pɔ̀ɔ sùà ɓɛ̀ɛ lɛ̀, wo gò kɛ̀lɛ̀ɛ̀ è ɓɛ̀ɛ̀pɔ̀ɔ koɓɛ̀ nyùùŋ, e teengaà wò yaà kɔ̀ɔ̀yɛ̀ keì nyìnga dìì lɛ, wo gò sìà nyùùŋ gbiŋ è jùù, kɛɛ wò kùwìè ke jii tùlia wo Dayà sùà, wo Dayàa gbaì e tɔ̀ɔ̀nyaàaŋ wɔ̀.

Maŋ kèì nyɛɛnɛŋ 2:3

Nìŋ kuwa maŋ jii tɔumtɔ̀ùm, nàŋ kùwà e keì nyìnga wèè esaɓù e deè mɛ̀, kɛɛ e bɔ̀mɔ̀ŋ kòò è wùiyèìŋ wèè naŋ dàngè è hààwiŋ nɛ̀.