Hiɓu 12:2 - WƆŊ FƐ̀Ì EBÒ SÌÀŊ DAYÀA

² Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 12:2 ပူးပေါင်းရင်းမြစ်များ

Maafiù 16:21

E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Luù 17:5

Aŋ keela nyàŋ naŋ wòò wo Kanaà nyààŋ, “Nyɛnɛ̀ŋ e hààwe wilɛ̀ e nyìngàà sùà.”

Luù 23:11

Wo Hɛɛlɔ̀ yaà aŋ kààlòòɗùàuŋ nyàŋ naŋ wa hììlè wo Jisɛ̀ e kìlà auŋ fè maŋ mìè ɓɛ̀ɛ̀pɔ̀ɔ. Kpeiŋ àŋ nauŋ gɔ̀àì wɔŋ ɓuuɓane siaŋ yèè àŋ nauŋ ɓɛìŋ tùɔ̀ŋ koɓɛ̀ Paalèi.

Luù 24:26

Niŋ nyimààŋ kɛ̀ wò Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wa wo kùwà è keì nyìnga paŋgàà wo wa nɔ̀ŋ jòòwouŋ?”

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 12:24

Mìŋ yààìŋ wòò e tɔɔɓaaà kɛ̀, sèè ke kpàlì kòmàŋ guùŋ ke sɔ̀à ko dììnaŋ, ke naàŋ nìè kè guùŋ, sɔɔ̀ ke fà. Kɛɛ sèè kè fà, kè do nàŋ kòmò e kpàli komaŋ zimgbe.

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 8:56

Wo dèdaiŋ nɔɔ̀ŋ Eɓulɔhɛɛ̀ŋ naŋ wa gè zɔlɔ̀ wèè wo wa yɛ̀mɛ̀ ke ɗɔ̀ɔ̀ hnaàŋ miɛ̀ŋ. Wò naŋ nyiŋ wa yɛmɛ̀ yèè e zɔlɔ̀ nauŋ wa diè.”

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

Nyɛ̀nɛ̀ŋ 3:15

Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

1 Kɔliìŋ 1:18

Ke miè gbìaàŋ nyaàiŋ dè e fà Jisɛ̀ Kulaìɛ wɔŋ vànèkpaaà diɛŋ, è yaà e kèì ɓàaɓàa koɓɛ̀ anyùùŋ nyaŋ naŋ go nyàŋ, kɛɛ e wèè yàwi nyàŋ è naìŋ jòèyè nyaŋ, e gààŋ Dayàa le.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

Ɛfesɔ̀ 2:16

E fà Jisɛ̀ Kulaìɛ wɔŋ vànèkpaàa diɛŋ naŋ kpɛ̀ɛ̀yɛ̀ e wùònoɛ̀ e fèèmàŋ maŋ zìì tìyèe màŋ, yèè esàɓù e fàauŋ nɛ̀ wɔŋ vànèkpaàa diɛŋ, wò naŋ hìnyɛ̀ŋ maŋ kpùnàŋ tìyèe màŋ koɓɛ̀ guùŋ sùà, yèè wò naŋ nyiŋ kɛ̀lɛ̀ɛ̀ maŋjɛ̀wɛ koɓɛ̀ Dayài.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Fèle 1:6

Weètii mìŋ naŋ haawè kɛ̀ wo Dayà wo yèɔ naiŋ tɔ̀ɔ̀tù nyìnìàŋ e tòmo siaŋ sìàŋ lɛɛ̀ sùà wɔ, do niŋ nàŋ kɔ̀ɔ̀ feìŋ e jèèsùà e jùà ke ɗɔɔɛ̀ wo Jisɛ̀ Kulaì do nàŋ hnè lɛ diɛŋ.

Fèle 3:20

Kɛɛ yàwi, è yààìŋ anyùùŋ ko àìjɛnɛ̀ŋ, yèè è fòlòìŋ wo Nyuùŋ Jòèye wiɔ̀, wo Kanaà Jisɛ̀ Kulaì, e wànàŋ gbee sùà wèè wo hnàŋ e yìwìà ko àìjɛnɛ̀ŋ.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Hiɓu 1:13

Wo Dayà gò wa wòò wò màikàuŋ nɔɔ̀ŋ bà gbiŋ wààŋ, “Jɛ̀ì kià wɔŋ kùàŋ jìka miɔ̀ŋ e jèèsùà ka nyɛ̀nɛ̀ŋ aŋ jooum nyàŋ aŋ nɔ̀ŋ e nɛ̀ŋ dè maŋ gòlò diɛum.”

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 10:14

E yìwìà è sàà gè ɗì gunùuŋ nɛ̀ wò naŋ gè lɛ, è naŋ gùò maŋ jùùmù anyùùŋ nyaŋ yèè àŋ nɔ̀ŋ anyùùŋ nɛɛmaŋ.

Hiɓu 10:33

E teenga bà sùà àŋ naiŋ wa wòò maŋ mìè ɓɛ̀ɛ̀pɔ̀ɔ, yèè àŋ naiŋ nyɛ̀nɛ̀ŋ naŋ kà e keì nyìnga dìì ko ɓài. Yèè e teenga bà sùà nìŋ naŋ wa banebànè wèè naŋ nɔ̀ŋ aŋ bà nyiŋ bà wèè e keì nyìngaà anyuùŋ joo yaà wa kɔ̀ɔ̀yɛ̀ dìì lɛ.

Hiɓu 11:36

Anyùùŋ naŋ wa hììlè aŋ bà nyiŋ yèè àŋ naŋ nyiŋ ɓùlò, àŋ sìà aŋ bà nyiŋ maŋ jɔ̀ɔɔ yèè aŋ nyiŋ gbìàŋ ko sààŋ nyìwì.

Hiɓu 12:3

Weètii jàaìŋ maŋ jiiŋ màŋ wo Jisɛ̀ maŋjɛ̀wɛ, wo yèɔ naŋ jàà maŋ mìè ɓɛ̀ɛ̀pɔ̀ɔ zimgbe kùàŋ dìì e yìwìà anyùùŋ maŋ jùumù sìwè. Tɛɛ̀ do nàŋ nyɛ̀nɛ̀ŋ e zɔ̀kpɔ̀ naàiŋ nɔ̀ŋ wèè naŋ fè è hààweiŋ nɛ̀ jɛwɛ.

Hiɓu 13:13

Weètii, kà wiìŋ ko nɛ̀ɛ̀uŋ niìŋ e jawaà ɓula wèè e nɔ̀iŋ aŋ bàuŋbà wèè e sàngèɛ àŋ nauŋ wa sìè lɛ.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Hiɓu 7:19

esaɓù kɛ̀, maŋ Sàwà Dayà màŋ fè wa ɓɛ̀nɛ̀ŋ nyɛ̀nɛ̀ŋ è nɛ̀ŋ gbiŋ è do zɛ̀nɛ̀ŋ. Wo Dayà naŋ wi naàŋ kìɛ̀ŋ ke jii tùlia kɛnɛ, ke yèɛ hiàŋ wì koɓɛ̀ Dayài fɔ̀ɔ̀ yɛ.

Hiɓu 8:1

E gbèìŋ gbèìŋ nɛ e nyaàiŋ dè e yèɛ è yààìŋ woo lɛ̀ nàŋ yaà kɛ̀, è kùwàìŋ wo Kànà Sìèfèìŋ Zòòlo Gbee wo yèɔ jaa ke kpùà Kanaà Dàyà Gaàŋ Gbeeɔ̀ kùàŋ jìka wɔ̀ ko àìjɛnɛ̀ŋ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Jìiiŋ 2:1

Nyɛ̀iŋ nààŋ wùìyaim nyàŋ, nìŋ kuwa e hààweɛ̀ wo Kànà ɓɛ̀ɛ̀jàa wiɔ̀ Jisɛ̀ Kulaì sùà, ɓɔ̀ nìŋ kùwà ànyùùŋ nyaŋ bà nyiŋ tɛ̀ɛ̀ naŋ nyìnìàŋ àŋ bà nyiŋ fɛɛ̀ nìngè wèè è nɔ̀ŋ kii nyiŋ nɛ̀.

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.

Juù 1:21

yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.

Maŋ kèì nyɛɛnɛŋ 1:11

Ke mìèɛ naŋ woò wààŋ, “Singà e nɛ̀ɛŋ mùŋ naŋ yɛmɛ̀ lɛ wɔŋ fɛi sùà, yèè muŋ tùàŋ niŋ koɓɛ̀ maŋ gbòò anyuùŋ hààwe nyàŋ maŋ jàwà gbèègbèè nɔɔnɔŋ le tìyèe mɛɛ̀ŋ sùà, ko Ɛfesɔ̀, ko Sìmanà, ko Pɛgamùŋ, ko Tàyatilà, ko Saɗì, ko Fèlèdɛfià, yaà ko Làòdisià.”

Maŋ kèì nyɛɛnɛŋ 1:17

Nààŋ mìŋ nauŋ wa yɛmɛ̀, mìŋ nauŋ sɔ̀ɔ̀ ko gòlòò dìì mààŋ wo nyùùŋ naŋ fɔ̀. Kɛɛ wò naim mɛ̀nlɛ̀ɛ̀ŋ wɔŋ kùàŋ jìkauŋ nɔɔ̀ŋ, yèè wò naim woò wààŋ, “E jùù ɓɔ̀ è nyɛ̀nɛ̀um, miàŋ nàŋ yaà wo jiɛ̀jiɛ̀ɔ yèè wo dìàmaàŋ.

Maŋ kèì nyɛɛnɛŋ 1:8

Wo Kanaà Dàyà Gaàŋ Gbeeɔ̀ wààŋ, “Miàŋ nàŋ yaà wo nyuùŋ jiɛ̀jiɛ̀ɔ yèè wo dìàmaàŋ, wo yèɔ yaà wɔŋ nyiiŋ gèeɔ̀ sùà nàaŋ, e kìlà wò yaào wa gɔu, yèè wo yèɔ do nàŋ hnè wɔ.”

Maŋ kèì nyɛɛnɛŋ 2:8

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Sìmanà. “Ke miè gbìaàŋ yɛɛ̀ e yìwìà wo yèɔ yaà wo jiɛ̀jiɛ̀ɔ yaà wo dìàmaàŋ wɔ, wo yèɔ naŋ fɔ̀ yèè wò naŋ ɓɛìŋ kɛ̀ɛ̀ wɔŋ nyiiŋ gèeɔ̀ sùà wɔ.