Hiɓu 11:7 - WƆŊ FƐ̀Ì EBÒ SÌÀŊ DAYÀA

⁷ E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Hiɓu 11:7 ပူးပေါင်းရင်းမြစ်များ

Maafiù 2:12

Yèè wo màìkà Dayàa naŋ kìɛ̀ŋ anyuùŋ kɛ̀ɛ̀jii nyàŋ e go e gɔagòo sùà kɛ̀ ɓɔ̀ àŋ kɛɛ̀ ɓɛìŋ kòɓɛ̀ Hɛɛlɔ̀i, yèè àŋ naŋ wa ɓèmè ke dòmaŋ joo àŋ naŋ kɔ̀ fuɔŋ nyiŋ.

Maafiù 24:15

“Maŋ ɗɔɔ bà nìŋ do nàŋ yɛ̀mɛ̀ e kèì jùù è yaà ko zòòlò nɛɛmaìŋ, màànààŋ nɔŋ wo wɛ̀ijìɔ Dànyaŋ naŋ wa woò lɛ.” (Tɔ̀ wo nyùnɔ̀ɔŋ yaà kpìnìè wɔŋ fɛiɔ̀ lɛ wo nyìmàŋ kɛ̀ kiìŋ tɛɛ̀ naŋ fasàì.)

Maafiù 24:25

Weètii yɛ̀mɛìŋ nyɛ̀iŋ bi diɛŋ, kàiŋ kpìnìàŋ e keìɛ gbiŋ dììò sùà paŋ ngàà e teenga niŋ nɛ̀ e wa nàwèè haì.

Maafiù 24:38

Maŋ ɗɔɔ màŋ sùà wèè paŋ e wuiyè gbeeɛ̀ jòwà wa, anyùùŋ yaà wa jììyè manɛ̀ŋ je yèè àŋ yaà tììyè maŋ mùàŋ, aŋ felaa yaà wa ɓèèmè aŋ jɔùŋ kè yɛ̀ɛ̀, yèè àŋ yaà wa gbììnyɛ̀ŋ aŋ jɔùŋ maŋ yɛ̀ɛ̀, e jèèsùà wo Nòa wo jɔ̀à wɔŋ meeèɔ sùà.

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Luù 17:26

Màànààŋ nɔŋ è yaà wa lɛ̀ e teengaà wo Nòa yaà wa wɔŋ nyiiŋ gèeɔ̀ sùà lɛ, yɛi nɔŋ è do wa nàwèè nàŋ nɔ̀ŋ maŋ ɗɔ̀ɔ̀ miàim wo Jɔ̀àfèlàà Nyuùŋ Kpùnɔɔ̀ŋ sùà.

Luùm 1:17

Ebò Siaàŋ woà e ɗeweɛ̀ wo Dayà hiàŋ anyùùŋ koɓɛ̀ wuŋ biì wèè aŋ nɔ̀ŋ anyùùŋ tɔ̀ɔ̀nyaàŋ, e kìlà è yaà nɔŋ esàɓù ke jii tùliaà yaà e hààweɛ̀ anyùùŋ kuwa wo Jisɛ̀ sùà lɛ. Nààŋ wɔŋ fɛ̀ì Dayàa naŋ woò lɛ, “Anyùùŋ nyaŋ wo Dayà hiàŋ wèè aŋ nɔ̀ŋ anyùùŋ tɔ̀ɔ̀nyaàŋ esaɓù e hààweɛ̀ àŋ kuwa lɛ̀, do nàŋ nɔ̀ŋ wɔŋ nyiiŋ gèe siaŋ sùà wèè julɔfɔ.”

Luùm 10:6

Kɛɛ e nɛ̀ɛŋ wɔŋ fɛ̀ì Dayàa naŋ woò e nyaàiŋ dè e ɗeweɛ̀ wo Dayà jaa wo nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààwe sùà lɛ tɛɛ̀. Wɔ̀ŋ naŋ woò wààŋ, “Ɓɔ̀ mùŋ dawè muàŋ bi kè jii mɔɛ̀ŋ sùà mààŋ, Ɓòò nàŋ do nàŋ jòwò ko àìjɛnɛ̀ŋ?” Tɛɛ̀ naŋ tɔɔ̀ kɛ̀ wèè maŋ dèèyè wo Jisɛ̀ Kulaì ko nɛ̀ɛ̀ŋ wiì.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 4:11

Wo Dayà naŋ wa jàà wo Eɓulɔhɛɛ̀ŋ kùàŋ dìì paŋgàà wò naŋ wa nɔ̀ŋ kpùà jààuŋ. Ke kpùà jààuŋ nɛɛ̀ŋ naŋ wa tɔ̀ɔ̀ e tɔ̀ɔ̀màŋsèì keì ɔ̀ɔ̀ e fee kɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààweɛ̀ wò kuwa wo Dayà sùà lɛ. Tɛɛ̀ naŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdaà wèè anyùùŋ nyaŋ naŋ hààwè Dayà nyaŋ, e kìlà wo Dayà naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, jòòpɛɛ aŋ fè kpùà jàa nyiŋ.

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Luùm 9:30

Kiìŋ tɛɛ̀ gbiŋ naŋ fasàì? È naŋ tɔɔ̀ kɛ̀ anyùùŋ nyaŋ fè àŋ Juùù nyaŋ fè wa kààmè ɗewe wèè wò Dayà wo nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, kɛɛ wo Dayà naŋ nyiŋ wa jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààwe nyiŋ nɛ̀.

Gàla 5:5

Ke jii tùliaà è kùwàìŋ lɛ̀ nàŋ yaà kɛ̀, wo Dayà do wi nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè tɛɛ̀ è yiwìà gààŋ Jìnàŋ Nɛɛmaàŋ, e wi toomò e yìwìà e hààwe wi lɛ sùà.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.

Hiɓu 11:1

E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.

Hiɓu 8:5

E tòmò sìèfèìŋ zòòloɛ̀ aŋ sìèfèìŋ zòòlo nyɛɛ̀ŋ nyɛnɛŋ lɛ̀, è naŋ nɔŋ tèènè e kìlà è yaà wɔŋ mììmììŋ e yèɛ yaà ko àìjɛnɛ̀ŋ lɛ. È yaà nɔŋ mààŋ wo Mòòze naŋ wa nyɛ̀nɛ̀ŋ lɛ. Nààŋ wò naŋ wa ɗewè wèè wo nyɛ̀lɛ̀ ke Vààyà mìè sèì Dayàa wèè zòòlo, wo Dayà nauŋ woò wààŋ, “Kɛ̀ɛ̀nɛɛ̀ŋ jii jàa muŋ nyɛ̀lɛ̀ nyiŋ ke nɔ̀ŋ mààŋ e ɗewe kiiɛ̀ mùŋ naŋ nyiŋ wa yɛmɛ̀ lɛ wɔŋ toò gbeeɔ̀ dìmɛ̀.”

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

2Pììlɛ 2:5

Wo Dayà gò wa yɛ̀mɛ̀ è ɗuunyaŋ gɔuɛ̀ nyowo, wò naŋ wa hìɛ̀ŋ e wuiyè jòwa e ɗùùnyàŋ nyuùŋ gò nyìmàŋ Dayà nyaŋ diɛ̀ŋ. Anyùùŋ nyaŋ nɔŋ wò nao wa gè nyaŋ nàŋ yaà wa wo Nòa, wo yèɔ naŋ wa wòò ke mìè gbìàŋ tɔ̀ɔ̀nyaàŋ e kpùlìà anyùùŋ nɔɔnɔŋ le tìyèe.

2Pììlɛ 3:6

yèè è yaà wa ɓɛìŋ e wùìyè, e wuiyè jòwa gbeeɛ̀ naŋ wa kpɛ̀ɛ̀yɛ̀ e ɗuunyaŋ gɔuɛ̀ lɛ.