Hiɓu 11:6 - WƆŊ FƐ̀Ì EBÒ SÌÀŊ DAYÀA

⁶ Wo nyùùŋ gbiŋ fè ɓɛ̀nɛ̀ŋ nyɛ̀nɛ̀ŋ è yèɛ wò Dayà manàŋ lɛ̀ sèè wò go kɛ̀ɛ̀nɛ̀ŋ hààwe, esaɓù kɛ̀ wo nyùnɔ̀ɔŋ gbiŋ hnàŋ wo koɓɛ̀ Dayài wɔ̀ kuwa wo kɛ̀ɛ̀nɛ̀ŋ hààwe kɛ̀ wo Dayà yaà wɔŋ nyiiŋ gèeɔ̀ sùà, yèè wò kiɛ̀ŋ e jìwààjɛ̀wɛ̀ koɓɛ̀ anyùùŋ gbiŋ kamàuŋ nyaŋ.

Hiɓu 11:6 ပူးပေါင်းရင်းမြစ်များ

Maafiù 11:26

Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:33

Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀ wòiŋ kìɛ̀ŋ manɛ̀ŋ gbànaŋ mɛɛ̀ŋ gbiŋ.

Maafiù 6:5

“Sèè mùŋ nɔ̀ŋ zoolo, ɓɔ̀ mùŋ nɔ̀ŋ mààŋ ànyùùŋ fɛ̀ɛ̀ ɗòònààkeì nyaŋ! Àŋ manaŋ kèè nyiŋ bi tɔ̀ɔ maŋ sààŋ zòòlò aŋ Juùù nyaŋ dìì yèè maŋ dòmaŋ màŋ diɛŋ. Àŋ nyɛnɛŋ tɛɛ̀ wèè aŋ tɔɔ̀ kɛ̀ àŋ yaà tɛ̀ɛ̀ ko ɓài. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Luù 12:31

Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀, wòiŋ kìɛ̀ŋ manɛ̀ŋ mɛɛ̀ŋ.

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 8:24

Esaɓùɛ lɛɛ̀ mìŋ naiŋ woò mìàŋ nìŋ do nàŋ fɔ̀ɔ̀yɛ̀ maŋ jùumùiŋ màŋ sùà. Sèè nìŋ goim haawè tɔɔɓaa kɛ̀ ɓòò nàŋ yààìm , nìŋ do nàŋ fɔ̀ɔ̀yɛ̀ maŋ jùumùiŋ màŋ sùà.”

Luùm 10:14

Kɛɛ dièsɔa àŋ naŋ ɓɛ̀nɛ̀ŋ nyààŋ e dèè Kanaà wèè e kpùùmaŋ sèè àŋ go kɛ̀ɛ̀nɛ̀ŋ hààwe? Dièsɔa àŋ naŋ ɓɛ̀nɛ̀ŋ kɛ̀ɛ̀nɛ̀ŋ hààwe sèè àŋ go kòmàŋ ke miè gbìaàŋ? Dièsɔa àŋ naŋ ɓɛ̀nɛ̀ŋ kòmàŋ ke miè gbìaàŋ sèè wo nyùùŋ bà go nyiŋ niŋ woò?

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

Hiɓu 4:6

Anyuùŋ jiɛ̀jiɛ̀ nyaŋ naŋ wa kòmò Ebò Siaàŋ nyaŋ, aŋ gò wa yɛ̀mɛ̀ è nyiiŋ gèe lii, esaɓù kɛ̀ aŋ gò niŋ wa haawè. Anyùùŋ bà kòò àŋ yaà, aŋ yè nyaŋ wo Dayà naŋ nyiŋ gè nyààŋ diɛŋ wèè aŋ niŋ yɛmɛ̀.

Hiɓu 7:19

esaɓù kɛ̀, maŋ Sàwà Dayà màŋ fè wa ɓɛ̀nɛ̀ŋ nyɛ̀nɛ̀ŋ è nɛ̀ŋ gbiŋ è do zɛ̀nɛ̀ŋ. Wo Dayà naŋ wi naàŋ kìɛ̀ŋ ke jii tùlia kɛnɛ, ke yèɛ hiàŋ wì koɓɛ̀ Dayài fɔ̀ɔ̀ yɛ.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

2Pììlɛ 1:5

Wèè esàɓù guùŋ nɛɛ̀ sùà, fɛ̀ɛìŋ niŋ tooyà e hààweiŋ nɛ̀ e tɛ̀ɛ̀tɛ̀ɛ̀, yèè tòòyaìŋ e tɛ̀ɛ̀tɛ̀ɛ̀iŋ nɛ̀ e jiikɛ̀ɛ,

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”