Hiɓu 11:32 - WƆŊ FƐ̀Ì EBÒ SÌÀŊ DAYÀA

³² Miŋ kuunò nɔŋ gbòa keleiŋ? E teenga zimgbe fòo wèè ka wòò è kèè ànyùùŋ nyɛɛ̀ŋ, tèènè mààŋ, wo Giɗiɔ̀ŋ, wo Balà, wo Samsìŋ, wo Jɛità, wo Dèèwe, wo Samiɔ̀, yèè aŋ wɛ̀ijì nyaŋ.

Hiɓu 11:32 ပူးပေါင်းရင်းမြစ်များ

Jɔ̀ɔŋ 21:25

Wo Jisɛ̀ naŋ wa nyɛ̀nɛ̀ŋ maŋ keì zimgbe. Sèè maŋ gbiŋ maŋ wa weè nɔ̀ŋ sìnga miŋ maŋ fɛi sùà, ko nɛ̀nɛ̀ŋ gbiŋ naàŋ weè nɔ̀ŋ e ɗuunyaàŋ wèè eiŋ miŋ noo bàànè hàa.

2Pììlɛ 1:21

E mìè nyààŋ wɛ̀ijì gbiŋ gò wa nɔŋ e yìwìà è gòngò nyiiŋ bi sùà, kɛɛ wo Jìnàŋ Dayàa nàŋ yaà wa tòòmò anyùùŋ nààŋ àŋ yaà wa fèe sùà ke miè gbìaàŋ e yìwìà Dayà.

Luùm 7:7

Èiŋ ɓɛ̀nɛ̀ŋ wòo wìà, ke sàwàa kiiŋ bi kè kuwa jùumù? Tɔɔɓaa ke sàwàa kuwà jùumù. Kɛɛ ke sàwàa naŋ nyɛ̀nɛ̀ŋ mìŋ naŋ nyìmè kɛ̀ e keì naanààŋ nyɛ̀nɛŋ è yaà e jùumù. Sèè ke sàwàa go weè woò wààŋ, “Ɓɔ̀ mùŋ jàà jii mɔɛ̀ŋ è nɛ̀ŋ kàmè dàwi mɔɔ̀ŋ màŋjɛ̀wɛ,” miŋ naàŋ weè nyìmè è keì mààŋ tii.

Luùm 4:1

Sèè è nɔ̀ŋ yɛi, kɛ̀ kiìŋ è naiŋ ɓɛ̀nɛ̀ŋ wòo wèè wo nèwàènèwe wiɔ̀ Eɓulɔhɛɛ̀ŋ e nyaàiŋ dè e yèɛ wuŋ bi naŋ wa nyɛ̀nɛ̀ŋ lɛ? Kiìŋ wò naŋ wa nyìmè e jiikɛ̀ɛuŋ nɛ̀ sùà?

Luùm 3:5

Weètii, sèè esàɓù e hààwe gò kɛɛnɛ̀ŋ wilɛ̀ yaà maŋ kpèè naanààŋ wi màŋ tɔɔ̀ kɛ̀ wo Dayà nyɛnɛŋ tɔ̀ɔ̀nyaàŋ, èiŋ ɓɛ̀nɛ̀ŋ wòo wìàà wo Dayà naŋ nyɛ̀nɛ̀ŋ e keì naanààŋ sèè wò tuù e kìlà wo wi nimilà? Tɛɛ̀ do nàŋ nɔ̀ŋ e zùwo sèè mùŋ dawà yɛi.

Nyɛ̀nɛ̀ŋ 13:20

Tɛɛ̀ gbiŋ naŋ kaaìŋ e fèèmàŋ maŋ doa hɔ̀nɔ̀ɔ̀ tiinàŋ kpɛ̀ɛ̀ùŋ tìyèe jɛ̀wɛ̀ zììyà (450) sùà. “Eɓìèmàŋjɛ̀wɛ̀ tii wo Dayà naŋ nyiŋ wa kìɛ̀ŋ aŋ sìèfeìŋ wèè aŋ gbaì gòlàà diɛŋ nyiŋ e jèèsùà e tèèngà wo wɛ̀ijìɔ Samiɔ̀ e haì.

Nyɛ̀nɛ̀ŋ 10:43

Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 3:24

Yèè aŋ keela nyàŋ gbiŋ wo Dayà naŋ wa gbùùyè sùà nyaŋ, e kpùlìà wo Samiɔ̀ yèè aŋ keela gbànaŋ nyàŋ naŋ hnè eɓìèmàŋjɛ̀wɛ̀uŋ nyàŋ, naŋ wòò e kèì guùŋ nɛ yaà nàaŋ kaaiŋ e jàmaìŋ lɛɛ̀ sùà lɛ.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

Jìiiŋ 5:10

Wèè e tɔ̀ɔ̀màŋsèì e mɔ̀ɔ̀nɛŋ yèè ke jii kùwa, nyɛ̀iŋ nààŋ wùìyaim nyàŋ, yɛ̀mɛìŋ weè aŋ wɛ̀ijì nyaŋ naŋ wa gbùùyè e dèè Kanaà Dayà diɛ̀ŋ nyàŋ.

Luùm 6:1

Kiìŋ kai è naiŋ naàŋ ɓɛ̀nɛ̀ŋ wòo? E nɔ̀iŋ nyìnìè maŋ jùumù keleiŋ wèè wo Dayà tɔɔ̀ wi è tɛ̀ɛ̀tɛ̀ɛ̀uŋ nɛ̀ zimgbe zimgbe?

Luù 16:31

Kɛɛ wo Eɓulɔhɛɛ̀ŋ nauŋ woò janjai wààŋ, ‘Sèè àŋ go nyɛ̀nɛ̀ŋ e nɛ̀ɛŋ wo Mòòze yaà aŋ wɛ̀ijì nyaŋ naŋ nyiŋ woò lɛ, aŋ naàŋ haawè sèè pɛɛ wo nyùùŋ wo weì yèwà e fàaà dìì.’ ”

Luù 13:28

Kpeiŋ sèè àŋ gbìɛ̀ìŋ ko jɔɔlèi, nìŋ do nàŋ gòlò e kìlà naŋ gbìlà le sìaiŋ nɛ̀ esaɓù kɛ̀ nìŋ do nàŋ yɛ̀mɛ̀ wo Eɓulɔhɛɛ̀ŋ, wo Ààze, wo Jègɔ, yaà aŋ wɛ̀ijì nyaŋ gbiŋ e Kànà Dayàa sùà.

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.