Hiɓu 11:3 - WƆŊ FƐ̀Ì EBÒ SÌÀŊ DAYÀA

³ E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.

Hiɓu 11:3 ပူးပေါင်းရင်းမြစ်များ

Jɔ̀ɔŋ 1:3

Yèè esàɓù wo nyùùŋ bì sùà wo Dayà naŋ wa bànè manɛ̀ŋ maŋ gbiŋ. Wo Dayà gò wa bànè è nɛ̀ŋ gbiŋ èɓìèmàŋjɛ̀wɛ̀ wò nyùùŋ bi.

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 17:24

Wo Dayàa naŋ bànè e ɗuunyaàŋ yèè manɛ̀ŋ maŋ gbiŋ yàà niìŋ sùà lɛ, wo yèɔ yaà wo Kana wèè ko àìjɛnɛ̀ŋ yèè e ɗuunyaàŋ wɔ, wo fè jòò màŋ saaŋ zòòlò Dayà maŋ dìì maŋ yè maŋ kùàŋ nyuùŋkpùuŋ naŋ nyɛ̀lɛ̀ maŋ.

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

1Time 4:5

Esaɓùɛ nàŋ yaà kɛ̀, ke mìè Dayàa yèè e zòòlo wilɛ̀ koɓɛ̀ Dayài nyɛnɛŋ wo jàà nɛ̀ŋje bi kùàŋ dìì.

Hiɓu 1:2

kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

Hiɓu 6:5

Àŋ nyìmàŋ maŋ jii nyiŋ màŋ sùà kɛ̀, e yèɛ wo Dayà naŋ woò lɛ è siaŋ, e kìlà àŋ nyìmàŋ e kèè e gàaàŋ e nyaàiŋ dè e teengaà, sèè wo Dayà tɔɔtù maŋ tòmò e gaàŋ gbeeuŋ nɛ̀ e ɗuunyaàŋ do nàŋ hnè lɛ diɛŋ.

2Pììlɛ 3:5

Àŋ do tɛɛ̀ nàŋ woò e fèfoo àŋ manaŋ aŋ nyɛɛnɛ̀ŋ kɛ̀ e gɔuo sùà wa wo Dayà naŋ wa nɔŋ gbòò yèè ke nyiliɛ̀ yaà e dììɛ naŋ nɔ̀ŋ. E dììɛ naŋ fòlò e wùìyè sùà yèè e wùìyè wò naŋ bàànè e dìì,

Maŋ kèì nyɛɛnɛŋ 4:11

“Wo Kana wiɔ̀ yèè wo Dayà wiɔ̀! Mùŋ yaà tɛ̀ɛ̀ wèè maŋ yɛ̀mɛ̀ jòòwo, e ɓɛ̀ɛ̀jàa, yèè e gààŋ. Muàŋ naŋ bànè manɛ̀ŋ maŋ gbiŋ, yèè e yìwìà e mànaŋ mɔ̀ɛ̀ sùà manɛ̀ŋ maŋ gbiŋ naŋ wa nɔ̀ŋ wɔŋ nyiiŋ gèeɔ̀ sùà.”