Hiɓu 11:14 - WƆŊ FƐ̀Ì EBÒ SÌÀŊ DAYÀA

¹⁴ Anyùùŋ nyaŋ gboo yɛi nyàŋ, è tɔɔ̀ janjai kɛ̀ àŋ yaà kààmè ko nɛ̀nɛ̀ŋ wèè ko nɔ̀ŋ ko je nyiŋ.

Hiɓu 11:14 ပူးပေါင်းရင်းမြစ်များ

2 Kɔliìŋ 4:18

E gòiŋ jàà fɛ̀ɛ̀ dìì wèè mànɛ̀ŋ maŋ è yɛmɛ̀ìŋ maŋ, sɔɔ̀ maŋ yè maŋ e fèiŋ yɛmɛ̀ maŋ. Manɛ̀ŋ maŋ àŋ yɛmɛ̀ maŋ, màŋ yaà nɔŋ wèè e teenga kpuu, kɛɛ maŋ yè maŋ aŋ fè yɛmɛ̀ maŋ, màŋ yaà wèè julɔfɔ.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

Hiɓu 11:15

Aŋ gò wa nɔ̀ŋ gòòngò è kèè wɔ̀ŋ fuɔɔ̀ŋ àŋ naŋ wa jòò wɔŋ. Sèè àŋ wa weè kɛ̀ɛ̀nɛ̀ŋ gòngo mààŋ tii, àŋ hewa weè nàŋ kɛ̀ɛ̀nɛ̀ŋ ɗewe wèè aŋ kɛ̀ɛ̀ maŋjɛ̀wɛ.

Hiɓu 11:16

Kɛɛ nààŋ è yaà lɛ, àŋ yaà wa kààmè wɔŋ fuɔŋ kɛnɛ wèè aŋ nɔ̀ŋ, wɔŋ fùɔ̀ŋ ko àìjɛnɛ̀ŋ. Esaɓùɛ lɛɛ̀ wo Dayà gò nyɛ̀nɛ̀ŋ sàngè wèè auŋ nyààŋ wò Dayà nyiŋ nɔɔ̀ŋ, esaɓù kɛ̀ wò wa naàŋ nyɛ̀lɛ̀ e jawa gbee weè nyiŋ.

Hiɓu 13:14

E kuwàìŋ kò jawa gbee titi è ɗuunyaŋ lɛɛ̀, e yèɛ doo nàŋ nɔ̀ŋ wèè julɔfɔ. È yààìŋ yɛ̀ɛ̀mɛ̀ dòmaŋ wèè e jawa gbeeɛ̀ do nàŋ hnè lɛ.