Hiɓu 11:10 - WƆŊ FƐ̀Ì EBÒ SÌÀŊ DAYÀA

¹⁰ Wo Eɓulɔhɛɛ̀ŋ yaà wa fùlìè e jawa gbeeɛ̀ wo Dayà naŋ wa ɗèwè kii niŋ yèè wò naŋ nyɛ̀lɛ̀ lɛ, e jawa kùwìè ko tɔɔtu nyìngàà sùà.

Hiɓu 11:10 ပူးပေါင်းရင်းမြစ်များ

Jɔ̀ɔŋ 14:2

Maŋ saaŋ hàwe zimgbe yaà ko jàwà Dèda mio ko àìjɛnɛ̀ŋ. Sèè è go yɛi weè nɔ̀ŋ, miŋ naàiŋ niŋ weè woò. Mìŋ yaà kɔɔyɛ ka bànè ko nɛ̀nɛ̀ŋ wèè nyɛ̀iŋ nààŋ bà guùŋ gbiŋ.

2 Kɔliìŋ 5:1

Èiŋ nyìmàŋ kɛ̀ ke saaŋ yɛɛ̀ è yààìŋ yɛi dìì le tèènè mààŋ kè kpùnaŋ wiɛ̀, sèè kè gɔɛ gɔ̀ɛ̀, è kùwàìŋ ke saaŋ e yìwìà Dayà sìwè. Ke saaŋ gò nyìlìà lè sìwè kè yaà ke saaŋ wèè julɔfɔ ko àìjɛnɛ̀ŋ.

Fèle 3:20

Kɛɛ yàwi, è yààìŋ anyùùŋ ko àìjɛnɛ̀ŋ, yèè è fòlòìŋ wo Nyuùŋ Jòèye wiɔ̀, wo Kanaà Jisɛ̀ Kulaì, e wànàŋ gbee sùà wèè wo hnàŋ e yìwìà ko àìjɛnɛ̀ŋ.

Hiɓu 11:16

Kɛɛ nààŋ è yaà lɛ, àŋ yaà wa kààmè wɔŋ fuɔŋ kɛnɛ wèè aŋ nɔ̀ŋ, wɔŋ fùɔ̀ŋ ko àìjɛnɛ̀ŋ. Esaɓùɛ lɛɛ̀ wo Dayà gò nyɛ̀nɛ̀ŋ sàngè wèè auŋ nyààŋ wò Dayà nyiŋ nɔɔ̀ŋ, esaɓù kɛ̀ wò wa naàŋ nyɛ̀lɛ̀ e jawa gbee weè nyiŋ.

Hiɓu 12:22

Kɛɛ nàŋ hnàŋ ko Jùlusɛ̀làm ko jè àìjɛnɛ̀iŋ, yèè koɓɛ̀ wɔŋ Toò gbeeɔ̀ àŋ nyaaŋ Zanyɔ̀ŋ. Kià nàŋ yaà ko jawa gbeeì wèè wo Dayàa kiɛ̀ŋ wɔŋ nyiiŋ gèeɔ̀ wɔ, ko yèi aŋ màikà taasùùŋ jika naŋ hnè wèè aŋ gè zɔlɔ̀.

Hiɓu 12:28

Gè wiìŋ Dayà ke sɛ̀, wèè esaɓù kɛ̀ è naìŋ yɛ̀mɛ̀ e kana e yèɛ fè ɓɛ̀nɛ̀ŋ mɛ̀ɛ̀mɛɛŋ lɛ. Kɛ̀ɛ̀nɛ̀ŋ wiìŋ e jòòwo gbee yèè e zoolòiŋ Dayà e ɗewe kiiɛ̀ douŋ nàŋ fɔ̀ɔ̀yɛ̀ jii lɛ̀ e ɓɛ̀ɛ̀jàa sùà.

Hiɓu 13:14

E kuwàìŋ kò jawa gbee titi è ɗuunyaŋ lɛɛ̀, e yèɛ doo nàŋ nɔ̀ŋ wèè julɔfɔ. È yààìŋ yɛ̀ɛ̀mɛ̀ dòmaŋ wèè e jawa gbeeɛ̀ do nàŋ hnè lɛ.

Hiɓu 3:4

Ke saaŋ gbiŋ mùŋ yɛmɛ̀, wo nyùùŋ bà naŋ nyiŋ nyɛ̀lɛ̀. Kɛɛ wo Dayà naŋ bànè manɛ̀ŋ maŋ gbiŋ.

Maŋ kèì nyɛɛnɛŋ 21:2

Mìŋ naŋ yɛ̀mɛ̀ ko Jàwà Nɛɛmaŋ Gbeeì, ko Jùlusɛ̀làm jɛ̀ì yìi, kò yaà dèya sùà kò yewe koɓɛ̀ Dayài ko àìjɛnɛ̀ŋ. Kò naŋ wa banebànè mààŋ wo jɔùŋ naŋ kpàà e kpàà ke yɛɛ̀ gbìaŋ wò yaà kɔɔyɛ wèè wo mɛɛ̀ŋ wo fanuuŋ nɔɔ̀ŋ.