Hiɓu 11:1 - WƆŊ FƐ̀Ì EBÒ SÌÀŊ DAYÀA

¹ E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 11:1 ပူးပေါင်းရင်းမြစ်များ

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

1 Kɔliìŋ 13:13

E tèèngà guùŋ bi diɛŋ, maŋ kèì ɗì taai mɛɛ̀ŋ nàŋ sia. E hààwe, ke jii tùlia, yèè e mànaŋ, kɛɛ e gbee gàtòɛ nàŋ yaà e mànaŋ.

2 Kɔliìŋ 11:17

Jòòpɛɛ e nɛ̀ɛŋ mìŋ yaà naàŋ ko woo lɛ̀, tiŋ nààŋ fè è nɛ̀ɛŋ wò Kanaà heim nàŋ gè nyààŋ diɛŋ wèè ka woò lɛ. E kèè maŋ nyongà gbùùyà jii tùlia sùà lɛɛ̀, mìŋ yaà kai gbuuye mààŋ wo nyuùŋ zùwo.

2 Kɔliìŋ 4:18

E gòiŋ jàà fɛ̀ɛ̀ dìì wèè mànɛ̀ŋ maŋ è yɛmɛ̀ìŋ maŋ, sɔɔ̀ maŋ yè maŋ e fèiŋ yɛmɛ̀ maŋ. Manɛ̀ŋ maŋ àŋ yɛmɛ̀ maŋ, màŋ yaà nɔŋ wèè e teenga kpuu, kɛɛ maŋ yè maŋ aŋ fè yɛmɛ̀ maŋ, màŋ yaà wèè julɔfɔ.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

2 Kɔliìŋ 5:7

Esàɓù e hààwe sùà è yààìŋ wɔŋ nyiiŋ gèe sùà e fè wèè nɛ̀ɛŋ è yɛmɛ̀ìŋ nɛ.

2 Kɔliìŋ 9:4

E ɗewe gbiŋ, sèè aŋ fèlàà Mɛ̀sèdonià nyaŋ hnàŋ yàwiiŋ nyiŋ aŋ yɛmɛ̀ kɛ̀ niŋ fè è bànèbaneiŋ, e sàngè do wi nàŋ kùwò wèè e gbòaà nyaàiŋ eiŋ dè, kɛɛ e jeiŋ nɛ̀ nìàŋ esaɓù kɛ̀ è naiŋ weè naàŋ sìè e hààwe sùà.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 10:39

E fèìŋ mààŋ ànyùùŋ nyaŋ naŋ fè è hààwe nyiŋ nɛ̀ jɛwɛ yèè àŋ naŋ fɔ̀ nyaŋ. È doiŋ nàŋ jèè e hààwe maŋ nyiiŋ gèe wi màŋ sùà e jèèsùà wo Dayà wo wi joeyè .

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

Hiɓu 11:27

E hààwe naŋ nyɛ̀nɛ̀ŋ wo Mòòze naŋ wa yèwè ko Ijè e yèɛ e jùù gòuŋ wa nyɛ̀nɛ̀ŋ wèè è wùàŋ kànà fuɔɔ̀ŋ. Jòòpɛɛ wo Mòòze gò wa yɛ̀mɛ̀ wò Dayàa wo nyùùŋ gbiŋ fè yɛmɛ̀ wɔ, wò naŋ wa gè maŋhɛɛ wèè wo kɛɛ̀ maŋjɛ̀wɛ.

Hiɓu 11:7

E hààwe naŋ wa nyɛ̀nɛ̀ŋ wo Nòa naŋ kòmò ke mìè gòoɛ̀ wo Dayà naŋ wa kiɛ̀ŋ lɛ e nyaàiŋ dè maŋ keì maŋ ko dòmàŋfeìŋ maŋ yè maŋ wo fè wa ɓɛ̀nɛ̀ŋ yɛ̀mɛ màŋ. Wo Nòa naŋ wa jɔ̀ɔ̀lɔ̀ ke mìè Dayàa dìì, yèè wò naŋ bànè wɔŋ gɔ̀ kòi wɔŋ yèɔ naŋ wa jòèyè ke kpoouŋ nɛɛ̀ŋ yèè wuŋ bi. Ko diemeì, wo Dayà naŋ wa nìmìlà anyùùŋ nyaŋ gbiŋ e ɗuunyaàŋ, yèè wo Nòa wa yɛ̀mɛ̀ e tɔ̀ɔ̀nyaàaŋ e yìwìà wo Dayà sìwè e yèɛ hnàŋ esàɓù hààwe lɛ̀.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.