Hiɓu 10:32 - WƆŊ FƐ̀Ì EBÒ SÌÀŊ DAYÀA

³² Ɓɔ̀ nìŋ nyɛɛnɛ̀ŋ wèè màŋ keì nyìnga màŋ nìŋ naŋ wa kɔ̀ɛ̀ɛ̀ sùà maŋ, e teenga jiɛ̀jiɛ̀ɛ nìŋ naŋ wa yɛ̀mɛ̀ e gbòlòùŋ Dayàa lɛ̀.

Hiɓu 10:32 ပူးပေါင်းရင်းမြစ်များ

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 12:12

Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Fèle 3:16

E ɗewe gbiŋ è do nàŋ nɔ̀ŋ, kùùnò wiìŋ kà ko feìŋ e nyaàiŋ dè maŋ kpèè guùŋ miiŋ è naiŋ wa gbeè maŋ e jèèsùà e hàì nàaŋ.

Kòlo 2:1

Mìŋ manaŋ naŋ nyìmàŋ e tòmo nyìngaà mìŋ naŋ nyɛ̀nɛ̀ŋ e weèiŋ yèè wèè anyuùŋ hààwe nyàŋ ko Làòdisià, yaà anyuùŋ hààwe nyiiŋ gbiŋ aŋ yè nyaŋ kòò àŋ yɛ̀mɛ̀ wa kè kpùnaŋ miɛ̀ŋ nyaŋ.

Hiɓu 12:4

E yìwìà maŋ keì nyìngaiŋ màŋ gbiŋ sùà wèè naŋ yɛ̀mɛ̀ nyɛ̀iŋ bi diɛŋ e nyaàiŋ dè anyùùŋ maŋ jùumù, nyɛ̀iŋ nààŋ bà guùŋ gbiŋ kòò nìŋ wùɔ̀ŋ màŋ sɛ̀ìŋ.

Hiɓu 5:12

Nìŋ kuwa wa e teenga zimgbe wèè naŋ nɔ̀ŋ aŋ kààmɔɔŋ, kɛɛ è naŋ tɛɛwɛ̀ wèè wo nyùùŋ bà woiŋ kàà e keì jiɛ̀jiɛ̀ɛ e nyaàiŋ dè e yèɛ wo Dayà naŋ woò lɛ. Nìŋ yaà mààŋ aŋ jɔaa, kòò nìŋ hàì wèè naŋ jè è nɛ̀ŋje nyìnga, sɔɔ̀ wo yaa màŋ yaà màì.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

Hiɓu 6:4

Kɛɛ anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. Àŋ naŋ wa yɛ̀mɛ̀ e gbòlòùŋ Dayàa e tèèngà guùŋ, yèè aŋ naŋ yɛ̀mɛ̀ e nɛ̀ŋ kìɛ̀ŋ ko àìjɛnɛ̀ɛŋ, e kìlà àŋ naŋ nɔ̀ŋ aŋ bà nyiŋ bà e nyaàiŋ dè wo Jìnàŋ Nɛɛmaàŋ.

2Jɔ̀ɔŋ 1:8

Yɛ̀mɛìŋ nyɛ̀ìŋ bi diɛŋ, wèè niŋ go nàŋ gbɛ̀nɛ̀ŋ è yèɛ è naìŋ wa tomo wèè niŋ lɛ̀, yèè nìŋ do nàŋ yɛ̀mɛ̀ e jìwààjɛ̀wɛ̀ niŋ nɛ̀ e dìa niŋ.

Maŋ kèì nyɛɛnɛŋ 2:5

Gòngoìŋ e kèè koɓɛ̀i nìŋ yaà wa paŋgàà nìŋ naŋ sɔ̀ɔ̀ lɛ. Kìlaìŋ koɓɛ̀ Dayài niŋ nyɛ̀nɛ̀ŋ e yèɛ nìŋ naŋ wa nyɛ̀nɛ̀ŋ jiɛ̀ lɛ. Sèè nìŋ go kìlà, mìŋ do nàŋ hnè ko nɛ̀ɛ̀iŋ niìŋ ka ɓèmè maŋ kuù sɛ̀ɛ̀ laumpòiŋ màŋ e yìwìà koɓɛ̀i màŋ jaa lɛ̀.

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.