Hiɓu 10:11 - WƆŊ FƐ̀Ì EBÒ SÌÀŊ DAYÀA

¹¹ Wo sìèfèìŋ zòòlo gbiŋ wo yèɔ yaà wo Juùù nyuuŋ wɔ, nyɛnɛŋ e tòmouŋ nɛ̀ ke ɗɔɔ gbiŋ, e kìlà wo fè manɛ̀ŋ kìɛŋ e saaà gèeo sùà e teenga zimgbe. Kɛɛ maŋ saaà gèe mɛɛ̀ŋ fè gùà màŋ jùùmù nyùùŋ gbiŋ.

Hiɓu 10:11 ပူးပေါင်းရင်းမြစ်များ

Hiɓu 10:1

Maŋ Sàwà maŋ wo Dayà naŋ wa kìɛ̀ŋ aŋ Juùù nyaŋ màŋ, màŋ yaà mààŋ wɔŋ mììmììŋ manɛ̀ŋ kɛnɛ màŋ do nàŋ hnè maŋ. Maŋ sàwà miiŋ nàŋ fè wa mànɛ̀ŋ kɛnɛ màŋ gbiŋ wò Dayà naŋ wa jɔ̀ɔ̀ e ɗààhiì wèè wo kiɛ̀ŋ maŋ. Àŋ gè maŋ saaà mɛɛ̀ŋ pɛɛpɛɛ ke ɗɔɔ gbiŋ yèè wɔŋ doa gbiŋ. Kpeiŋ, dièsɔa anyùùŋ nyaŋ hnàŋ koɓɛ̀ Dayài nyàŋ naŋ ɓɛ̀nɛ̀ŋ nɔ̀ŋ zɛ̀nɛŋ nyiŋ nààŋ àŋ kuwo maŋ sàwà maŋ naŋ tɔ̀ɔ̀ e ɗewe kiiɛ̀ àŋ gè maŋ saaà mɛɛ̀ŋ lɛ?

Hiɓu 10:4

E gbììŋ gbììŋ nɛ nàŋ yaà kɛ̀, maŋ sɛ̀ìŋ ɗolònɛ̀ŋ mààŋ wo dìi wowo ɔ̀ɔ̀ wo diì wowo fè gùà màŋ jùùmù nyùùŋ.

Hiɓu 5:1

Wo kànà sìèfèìŋ zòòlo gbee gbiŋ, wo Dayà nauŋ tàeɗùù wèè wo tomo wèè anyuùŋ joo, yèè wèè wo hiàŋ manɛ̀ŋ kìɛŋ e saaà gèe sùà wèè wo Dayà juuyà maŋ jùùmù anyunùuŋ nyàŋ hakɛ̀.

Hiɓu 7:27

Wo fè mààŋ àŋ kànà sìèfèìŋ zòòlo gbànaŋ nyàŋ. Wo kuwà èsaɓù bà wèè wo gè màŋ saaà kè ɗɔɔ gbiŋ wèè maŋ jùùmù wuŋ bi màŋ jiɛ̀ yèèngàà wò gè ɓɛìŋ è saaà wèè màŋ jùùmù ànyuùŋ gbànaŋ nyàŋ. Wò naŋ wa gè e sàà ɗì guùŋ e sùà guùŋ yèè wèè anyùùŋ nyaŋ gbiŋ, e teengaà wò naŋ wa gììyè wuŋ bi saaà lɛ.

Hiɓu 8:2

Wò yaà wo ɓɔìjɔ̀à wèè wo Dayà, e kìlà wuŋ nàŋ yaà kànà sìèfèìŋ zòòlo gbeeɔ̀ wèè ko Nɛ̀nɛ̀ŋ Nɛɛmaŋ Gbeeì wèè Dayà, ke vààyà saaŋ kɛnɛɛ̀ dìì ke yèɛ wo Kanaà Dayà naŋ wa nyɛ̀lɛ̀ yɛ. Anyuùŋ kpùuŋ nàŋ gò nyiŋ wa nyɛ̀lɛ̀.

Hiɓu 8:4

Sèè wò go weè nɔ̀ŋ e ɗuunyaàŋ, wo naàŋ weè nɔ̀ŋ wò sìèfèìŋ zòòlo gbiŋ, nààŋ aŋ sìèfèìŋ zòòlo kòò àŋ yaà kià aŋ yè nyaŋ kiɛ̀ŋ manɛ̀ŋ kìɛŋ e saaà gèeo sùà koɓɛ̀ Dayài nààŋ ke Sàwà Dayàa naŋ tɔɔ̀ wèè aŋ nyɛ̀nɛ̀ŋ lɛ.